بۆشایی سیاسی باشترە لە دیکتاتوری

مەسعود بارزانی شێت و لێوە و کەفتەی دەسەڵاتە و دوای دوو خۆڵ و دوو ساڵی ناقانونی، هێشتا ئامادە نییە دەست لە سەرۆکایەتی هەریم هەڵگرێت و ئەیەوێت بە هەر جورێک بووە تەنانەت بە هەڵەوەشاندنەوەی پارلەمان، هەر سەروکی هەریم بێت. هەرچەند ویستەکەی دژی قانونیش بێت. ئەو قانون و بەرجەوەندی گەلی کوردی بە لاوە گرنگ نییە، چۆن لە ژیانیدا، سالگەلیکی فرەیە رەزەنی لە ژێر پێ ناوە و تەنیا یەک چتی لە بەرچاوبووە ئەوێش بەرجەوەندی کەسی خۆی و بنەمالەکەی و پارتەکەی بووگە.

 ئیمرۆ گەلی کورد لە باشور راماون ئاخۆ پارلەمان و چوار حێزبەکەی ناو پارلەمان ئەتوانن سەربەخۆیانە کێشەی مەسئود و سەرۆکایەتی چارە سەر بکەن یا ئەوانیش وەک پارتەکانی باشور دەستەمۆی پارتی و بنەمالەی بارزانی ئەبن. فرە کەس قسە لە بۆشایی سیاسی ئەکەن و ئەترسن و ئەیژن بۆشایی سیاسی  بۆ کوردستان باش نیە. ئەمە فرەتر پارتی دیموکرات هەڵالەی دەکات و ئەیانەوێ خەڵک لە بۆشایی سیاسی بترسن و دەڵێێن کوردستان لە جەنگی دائەشە و کوردستان نابێت بێ سەروک  بمێنێت.  دەبێ خەڵک بزانن بۆشایی سیاسی باشترە لە ملهۆڕی و دیکتاتوری و خۆسەپاندن . وڵاتێک بێ سەروک بێت باشترە لە سەروکێک کە دژی قانونە . لای کەم مووچە نادەن بە کەسێک کە لە جیاتی خزمەت کیشەیان بۆ دروست دەکات. ئەگەربۆشاییەکەیش دروست بێت، خەڵک فرەتر ئاگا دەبنە وە کە هۆکاری بۆشایی سیاسیەکەیش مەسئود و پارتەکەیە.  .ئەم کابرایە ئەمە دە سالە لەو پۆستەیە و هەر لە بیری کێشە دروست کردنە بۆ خەلکی کوردستان و ئامادە نیە لە قانون پەیرەوی بکات مەگەر بە زوری پارلەمان یا شەقی خەلک نەبێت . دەبێ خەڵک  برژنە شەقامەکان و بپرسن ئەرێ سەرۆکی خۆسەپێنەر لەم دەسالە چیت کرد بۆ کوردستان کە هەر ئەتەوی خزمەت بکەیت؟! چیت دەوێ لە باشور، ئێمە لە تو و دەسەڵاتی بنەمالەکەت بێزارین، ئێمە تۆمان ناوێت، بڕۆ کوێخای بەرزان بە. 

 لەم دەسالە چیت کرد ئایا توانیت و هەوڵتدا سپای تورک لە باشور دەر بکەیت یا نۆکەری تورکیەت کرد. تۆ و پارتەکەت بوون خەیانەتتان بە شەنگال کرد و ژن و مندالی کوردتان دا بە ئەنفال . ‌هێزەکانی حێزبەکەت تەنانەت یە ک سائەتیش بەرگریان لە شەنگال نەکرد و هەڵاتن بەرەو دهۆک. ئایا سپای پێشمەرگەت یەک خستەوە؟ ئایا گەندەڵیت بنە بڕ کرد یا خۆت و خزمەکانت لە ناو گەندەڵیدا نوقم بوون؟

 ئەگەر بە لای خۆتەوە پێت وایە خزمەتت کردووە،بەڵام خەڵک لە تۆ و پارتەکەت ماندوون، وەڕەزن و ئەلێێن بە پێ قانوون کاتت بە سەر هاتوە و ئیتر قەبول ناکەین بە دیکتاتوریەکەت درێژە بدەیت. باشوری کوردستان وەکۆ ناوی حێزبەکەت نییە کە کاسە لێس و ماستاوچی بن و ئەمە فرەتر لە چڵ سالە، هەر سەروکی پارتیت و کەس زاتی نیە چتێک بێژێت، کە تاکەی واز لە سەرۆکی حێزب ناهێنیت.

هەندێ تەماشای سەرو چاو و هانیەی خۆت بکە رەنگە بێتەوە بیرت کە تەمەنت لە هەفتا تێپەریورە و سەرێکێش بە گۆڕستانەکان بدە، رەنگە هەندێک کارت تی بکات، بزانیت لە ئیوارەی ژیانتدای  و دونیا ئەوەند ناژێت و قوروی نیە کە بۆ بەرجەوەندی خۆت ژیان لە گەلێک تال بکەیت. رەنگە لە گۆڕستان بێرێکی تازە پەیدا کەیت و  دەست لە دیکتاتوری، خۆ سەپاندن و نۆکەری داگیرکەرانی کوردستان هەڵگریت. 

پەندیکی کوردی هەیە ئەڵێن لەو دونیا لە جەهەنم، گیانلەبەریکی ترسناک نیشانی خەڵک ئەدەن کە مروڤ لە ترسا خۆی ئەخاتە پشت مارەوە. ئێستاش لە باشوری کوردستان، ئەوەندە خۆت و پارتەکەت لە هەڵبژاردنەکاندا، گزی ودزی و فێڵبازی و تەزویرتان کردووە، پارتەکانیتر ناچار بوونە پەنا بەرنە پارلەمان و بڵێێن با سەرۆکی هەریم لە پارلەمان هەڵبژێرێت، چۆن رێگای گزی و دزی نامێنێت یا کەمتر دەبێتەوە. ئەگینا هەموان دەزانن، هەڵبژاردن لە لایەن گەلەوە باشترە و دیموکراسیانەترە  بەڵام بە هۆی گزی و دزی و گێچەلی خۆت و پارتەکەت ناچار بوونە لە ترسی ئێوە جارێ خۆیان بخەنە پشت مارەکەوە.

 کاکی سەرۆک، گەلی کورد ئەزانێت تۆ شێت و لێوە و کەفتەی دەسەڵاتیت و ئەمەیشە نەخوشیکی دەرونیە و پێویستت بە دوکتوری رەوانناسە. رەنگە نەزانیت مانای وشەی لێوە و کەفتە چییە. لە لەیلاخی کوردستان، کەسێک نەخوشی رەوانی و دەرونی پەیدا بکات پێ ئەیژن شێت و لێوە و کەفتە بووگە کە هەر کامیان پلەیکی جیاوازە لە نەخوشی دەرونی. ئیوە ئەوەندە شێت و لێوەی دەسەڵاتن ئامادە نیت لە رەزەن و زاکونی ولاتەکەت پەیرەوی بکەیت . هەمیشە لە کۆبوونەوەکانی پارتەکەت لە بیری کێشە و گێچەڵ نانەوە بۆنەیاران و گەل و نیشتمانیت. مەگەر ئاهورامەزدا  خۆی رێنوینیت بکات  ئەگینا پێم وا نیە بە قسەی راوێژکارێک یا دڵسوزێکی  کوردایەتی بە ئاگا بیتەو و بە خۆدا بچیتەوە وبە خۆت بێژیت ئیتر بەسە و با نۆرە بۆ کەسانی تر بێت. رەزەنی رۆژگار بە ویست و خواستی دییکتاتوران ناگوڕدرێت و سەریان لە بەرد ئەدات.هەروا کە سەری سەدام، قەزافی، شای ئیران و هەزاران دیکتاتوری لە بەرد داوە. هەموو دیکتاتورەکان خۆیان بە تاقانەی بێ جێگر زانیوە و ئەوینداری کەسایەتی خۆیان بوونە و هەمیشە هەقیان بە خۆیان داوە نەک نەیاران .هەر بۆیە ئامادە نەبوونە جگە لە ماستاوچیان دەنگێکی تر یا جیاوز ببیسن. تویش تەنیا دەنگی کاسە لێسانێک وەک فازل میرانی، ئومید خوشناو،فەواد هوسەین وئەندامانی پارتە کەت ئەژنەوی  کە زاتیان نیە پێت بڵێن  کەی ئەتەوێ خانەنشین  ببیت.

کاکی سەرۆک خەلک ئامادەیە چەندین ساڵ بۆشایی سیاسی بێت، بەڵام لە شەڕ و ملهوری دیکتاتور نەجاتیان ببێت، خەڵک ئەزانن تو شێت و لێوەیت و رەنگە پارلەمان هەلوەشینیتەوە یا دیسان کوردستان دوو لەت و دوو ئێدارە بکەیت، بەڵام زۆربەی هەرە زۆری گەل تۆی ناوێت و هەر حێزبێکیش لە تەک ئێوە سازان بکات ئابڕوی دەچێت و دەبێ باجەکەی بدات .، بۆیە ئەوانیش بە ئاسانی ناتوانن سازان بکەن، مەگەر تورکمانە دژ بە کوردەکان نبێت، کە ئەوانیش بە فیتی تورکیە لە بەرەی تۆ ماون. پەیوەندیتان لە تەک ئەو بچکە مەغولانە پیروزت بێت.