• Su
  • Mo
  • Tu
  • We
  • Th
  • Fr
  • Sa
  •  
  •  
  •  
  •  
  •  
  • 1
  • 2
  • 31
  •  
  •  
  •  
  •  
  •  
  •  

ڕیکلام

وشە: لە ڕۆژی: تا ڕۆژی:


بەڵایەکی گەورەتر

Saturday, 07/02/2015, 12:00

2257 بینراوە


ئەگەر داعش مەترسیەکی گەورە بووبێت بۆ سەر گەلی کورد، ئەوا هێشتا لەو مەترسیە ڕزگارمان نەبوە، کەچی وا هێزێکی لەوەش نامرۆڤانە و بەربەریتر یەخەمانی گرتووە. لەو گرتە ڤیدیۆییە دەرئەکەوێ کەوا ئەم بەناو هاوپەیمانەی کورد لەچەندین ساڵە کورد دڵی خۆی پێخۆش کردوە و لەهەموو کاتێکدا بە هێزێك و لایەنێکی پۆزەتیڤانە ناساندوێتی، بزانە چی لە کوردێکی بێ چەك ئەکەن. جا گەر ئەمە داعش بیکردایە و هەر ڕۆژی لەوەش خراپتری پێبکردینایە،ئەوا هیچ کێشە نەئەبوو،لێ ئەوەی ئەم کارە نامۆرڤانە ئەکا و لەناو ماڵی کوردا جێگای کراوەتەوەو ماڵی لەگەڵدا بەشکراوە،ئەوا پێوستە نووسەران،ڕۆشنبیران،دڵسۆزانی گەلەکەمان بیان ناسن و بیان خەنە خانەی دوژمنی گەورەی گەلەکەمان.
حەشدی شەعبی لەدوای گرتنی داعش بۆ شارەکانی موسڵ ،سەلاحەدین و ڕومادی چەندین شوێنی تر بەفەتوایەکی عەلی سیستانی دامەزرا. ئەم هێزە تێكەڵەیە لە عەرەبی شیعە و فارس یەك ئامانجیان هەیە ئەویش خۆسەپاندن و گرتنی دەسەڵاتی زیاتر لە عێراق بەگشتی و ئەو ناوچانەی سونەی عەرەب و کوردی لێ نیشتەجێیە. ئەم هێزانە وا ڕاهێنراون کە ئەم جەنگە لەسەر بنەمای شیعەگەرایی و تەواوکەریی ئەو جەنگانەیە کە لەمێژووی دوورەوە تا هەنووکە درێژەی هەیە. ئەم گروپە هەردەم خۆیان بە مەزڵوم زانیوە و ئەوڕۆ ئەیانەوێ تۆڵەی خۆیان بکەنەوە.
هێزەکانی شیعە و عەرەبەکانی دۆستی ئێران لەمێژە لە کوردستان ڕێز و حوسینیە و مزگەوت و خوێندگای خۆیان بۆ کردونەتەوە و سەربەستی تەواویان هەبوە لەهەر جۆرە پەیوەندیەك لەگەڵ کوردا. ئەم گروپە بۆ نمونە لەلایەن تاڵەبانیەوە ڕێگایان پێدان لەسلێمانی کەناڵی فەیحا دامەزرێنن لەسەر بودجەی یەکێتی. ئەمە سەربای ئەوەی هەموو ئاسانکاریان بۆ کرا تا بتوانن کاری بازرگانی و بزنسس بکەن و ئاسایشی کوردستان بەتەواوی پاراستنیان لە ئەستۆ گرتن. شیعەکان دوای ئەوەی مەترسی داعش بۆ سەر بەغدا زیادی کرد،ئێدی ئێران بەشێوەیەکی گشتی لەڕێگای هێزی فەیلەقی بەدر و خودی ئاغای سلێمانی هاتنە عێراق و کەوتنە بەرەی جەنگ دژ بە داعش و چەندین زیانی مرۆییان دا لەو ڕێگایە.
بەداخەوە سەرکردەکانی وەك مەسعود و جەلال لەبەرئەوەی پاشکۆی دوژمنانی گەلەکەمانن،هەرگیز نەیانوێراوە ڕۆژێك لە ڕۆژان دژ بە ئێران و ئەم هێزە تائیفیە توند ڕەوە بوەستن و هەڵوەستەیەك بکەن. بۆ نمونە ، لەسلێمانی سالێ پار کۆنسلخانەی ئێران ووتی؛ زمانی کوردی بونی نیەو بەشێکە لە فارسی. کەچی نەمان بینی هێزی دەسەڵاتداری یەکێتی و ئۆپۆزیسیۆنە ساختەچیەکانی گۆڕان و ئیسلامیەکان بتوانن بەرگری لەخۆیان گەلەکەمان بکەن. خۆ ئەوەش نا،بەڵکە خەڵکی سلێمانیش هیچیان نەکرد.
وەیان ئەو کاتەی ئەمریکیەکان وویستیان ئاغای سلێمانی لە هەولێر دەستگیر بکەن، خودی مەسعود دەربازی کردنەوە بۆ ئێران. ئەمە جگە لەوەی کەوا نێچێرڤان هەزارەها مەتر زەوی دا بە کوڕەکەی مالیکی و چەندین مامۆستای بێ شەهادەی لە زانکۆکانی هەولێر دامەزراند بۆ ڕەزامەندی شیعەکان.
لەگەڵ هێرشەکانی داعش بۆ سەر کەرکوك و ناوچەکانی تر،هێزێکی زۆری بەناو حەشدی شەعبی کەلەسەر بودجەی تایبەتی (عەبادی) دامەزراون پڕ چەك کراون ،هاتوون و چەندین پێشێلکاریان دژ بە کورد کر. هەر لەسەرەتاوە لە کەلار مامۆستایەك فەلاقە ئەکەن و دواتر چەندین کاری تاڵانی و ڕاوو ڕووت و سەرانە لەخەلكی ئەستێنن. بەمەشەوە ناوەستن مزگەوتی کورد و سوننەکان ئەسوتێنن و مەلایەکی کوردیان لە دووز خورماتوو کوشت. کەچی دەسەڵاتی کوردی نەیان توانی هیچ پەرچە کردارێك نیشان بدەن کەوا بتوانن بەرگری لەخەڵکی ناوچەکە بکەن. یەکێ لەو هەڵانەی هێزی کوردی لەوەوە دەستی پێکرد کاتێ شارەبان ڕزگارکرا،درایە دەست ئەم هێزانە لەکاتێکدا هێزی کورد یەکەمین هێز بوو چوونە ناوەوەو چەندین شەهیدیان دا.
هەموو ئەم خۆبەکەم زانینەی کورد لەو ناوچانە و چۆنێتی مامەڵەکردنی کورد لە بەغدا و بەشداری کردنیان لە حکومەتی ناوەندی ئەوەندەی تر کوردیان سووك و چروك کرد ، بەجۆرێك کەس ئەوڕۆ حساب بۆ کورد ناکا. کەواتە ئەوە هەڵەی گەورەی کورد خۆیەتی کەوا ئەوەی بەسەری دێ و کەسیش نیە نەزانێ کەوا (عەرەب) سنووری ڕق و کینەو بوغزی بەرانبەر کورد نەهێشتۆتەوە. جیاوازی نیە لەنیوان عەرەب بۆ کورد، هەر لە بەعسەوە تا داعش و دواتریش حەشدی شەعبی. لە کۆتاییدا بەو پەندە بیر کورد دێنینەوە کەئەڵێ(قەت لە عەرەب مەکە مەرحەبا، هەم ئەخوا و هەم ئەبا). فەرموون لەگەڵ ئەم لینکە.




چەند بابەتێکی پێشتری نووسەر


(دەنگدراوە: 0)