داوای لێبوردن، كلتورێكی مرۆڤدۆستانەی مۆدێرنە، كلتوری كۆتایی كەللە رەقی سیستەمی دەرەبەگایەتی پیاوسالارییە، هەست كردنە بە هەڵەی رابردوو، وشیاربوونەوەیە لەوەی کە لە رابردوودا کراوە و کە ئەو کەسەی داوای لێبوردن دەکات، دەزانێت هەڵە بووە و تاوانێکە خۆی یان پێیان کردووە ، هەروەها دان پێنانە بە هەڵە و تاواندا، پاككردنەوەی ویژدانە و رزگاربوونە لە هەستی دڕندەیی، لە داواکردنی لێبوردندا، هەرچەندە هەموو كەس ناتوانێت خۆی لە دڕندەییەكانی رابردوو پاك بكاتەوە. بەڵام بە داوای لێبوردن، ئیتر وەکو پەیمانێک دەبێت کە ئەو کەس دەڵێت جارێکی دیکە بە لایدا ناچیتەوە.