گاندی: (ئەگەر بوێریی ئەوەت نییە قسەی حەق بکەیت، چەپڵەش بۆ کەسانێک لێ مەدە کە قسەی ناحەق دەکەن)


بە ئه‌نفالی مه‌ڕ و خواردنی سه‌روپێی به‌لاش، مێژوویەکی جوانیان بۆ تۆمار ناکرێت

Tuesday, 01.31.2012, 12:00

1087 بینراوە


ئێمه‌ باس له‌ مرۆڤه‌کان ده‌که‌ین، که‌ له‌ لوتکه‌ی بێ غیره‌تی و چه‌وسانه‌وه‌دایه‌ ، له‌ نیشتمانی ئێمـه‌دا، مرۆڤانێک کارێک ده‌کەن که‌ بۆ خۆشیان باوه‌ڕیان پێی نییه‌ .


ئه‌نفالی مه‌ڕ له‌ سلێمانی و ده‌ورو به‌ری، جاری پێشوو نرخی گۆشتیی لەو دەڤەرەدا گران کرد، کەچی نه‌ی توانی گۆچانه‌که‌ به‌ تاڵابانی فڕێ بدات و هەڵسێتە سەرپێ، نەشیتوانی کارێک بکات تالەبانی له‌ وڕێنه‌ و جنێو و پرخەی خەو دووربخاته‌وه‌، سەیری ئەم فلیمە بکە:


له‌م ڤیدۆ کلیپه‌دا، تالەبانی توڕە دەبێت، مه‌لا به‌ختیاریش له‌ تاو پێکەنیین، ده‌ست ده‌گرێت به‌ دەمییەوە. من ده‌زانم بۆچی مەلا بەختیار واده‌کات؟ چونکه‌ ئه‌و ڕۆژانه‌ی بیر دێته‌وه‌، که‌ له‌ یاخسه‌مه‌ر تاڵه‌بانی به‌ (وه‌ستا عه‌بدول)ی ووت: بۆ رابواردن بڕۆ حیکمەت توڕە بکە، جنێو به ‌ڕوناکی ژنی بدە. ئەمیش ئه‌و کاته‌ بوو، کە مه‌لا بەختیار ڕایکردبوو له‌ به‌ختۆخه‌ لای مێرگەپان هێزی بەرگریی گرتیانەوە بردیانەوە بۆ زیندانیی.
ئه‌نفالی مه‌ڕ و به‌خشینه‌وه‌ی سه‌روپێ، که ‌له‌ هه‌ردوو حاڵه‌ته‌که‌دا هه‌ر مه‌ڕ دەکرێتە قوربانیی. له‌ هه‌رچی قسەی پزیشکەکان هەیە گرنگ تره‌ بۆ تاڵه‌بانی، چونکه‌ ئه‌و نه‌وس وای به‌سه‌ر هێناوه‌.
له ‌سه‌ره‌تای شۆڕشی تازه‌دا و دوای ئاشبه‌تاڵ. تاڵه‌بانی به‌ پێشمه‌رگه‌یه‌کدا، که‌ به‌ر پرسی مه‌فره‌زه‌یه‌ک ده‌بێ له‌ سوریاوه‌ جانتایه‌کی ده‌داتێ و ده‌ڵێ ئه‌مه‌ زۆر گرنگه‌ ده‌بێ هه‌رچۆنێک بێت ده‌ری بکه‌یت، ئەگەر کوژراویشیت، دەبێت بیگەیەنیتەوە کوردستان، پێشمه‌رگه‌که‌ش له ‌ڕێگه‌ خەریکە بکەوێتە بۆسەوە، ده‌ڵێ: هەر هیچ نه‌بێت جانتاکه‌ فڕێ ده‌ده‌م، ئەوەئ لە ناویدایە هەوڵ دەدەم رزگاری بکەم، کاتێک ده‌یکاته‌وه‌، سه‌یر ده‌کات چه‌ند کولێره‌ به‌ڕۆنێکی تێدایە، واتە هەر بۆ گەمە و خۆشی ژیانی کەسێکی خستۆتە مەترسییەوە، بۆ ئەوەی کولێرە بەڕۆنی پێدا بنیرێت بۆ بەرپرسێکی تر و بڵێ وا من لە شام دانیشتووم، بەیانیان کولێرە بەڕۆن دەخۆم. ئه‌مه ‌ڕاستییه‌ و رووی داوە، ئەو پێشمەرگەیە خۆی بۆی گێڕامەوە، پێشتر کوردستانپۆستیش ئەمەی بڵاوکردەوە.
زاڵمای خه‌لیلزاده‌ش کاتێ له‌ شوێنێکدا باس له‌ تاڵه‌بانی ده‌کات، گاڵتە بە عەقڵی تالەبانی و بێویژدانی بێ بەرپرسیاریی ئەم سەرکردەیە دەکات، له‌و ساتە وەختانەدا که‌ هه‌موو ڕۆژێک به‌غداد خه‌ڵتانی خوێن ده‌کرا، ئامان له‌ هیچ شوێنێک نه‌بوو، به‌ پایته‌خته‌ ترسناکه‌ ناوبانگی ده‌کردبوو، تاڵه‌بانی هه‌موو به‌یانییه‌ک زه‌نگی بۆ زاڵما لێداوە پێی ووتووە: وه‌ره‌ بۆ لام له‌ سلێمانییەوە سه‌روپێم بۆ هاتووه‌، جگه‌رم بۆ هاتووه‌ ، بۆ نیوه‌ڕۆش قه‌ل و برنجی کوردی ده‌خۆین.
لام وایه‌ ئه‌و سه‌روپێچییه‌ی، کە سه‌روپێ بۆ سه‌لامه‌تی تاڵه‌بانی ده‌به‌خشێته‌وه‌ ، باشترین خزمه‌تی به‌ مێژووی ئه‌و پیاوه‌ کردووه‌، ئەگەر تاڵه‌بانی بکه‌وێته‌ سه‌ر قاچی خۆی، پاداشتی ئه‌و سه‌روپێچییه‌ ده‌داته‌وه‌.
سه‌رکرده‌کانی جیهان، وته‌ی به‌نرخ، کرداریی جوان، شه‌قامی پان، قوتابخانه‌ و خه‌سته‌خانه‌ و کتێبی به‌سود بۆ گه‌له‌که‌یان جێ ده‌هێڵن، تاڵه‌بانی و بارزانی ئێمەش پیسخۆریی، جامه‌نه‌ی سوور، هێنانی سوپای داگیرکه‌ران، شەڕی ناوخۆ، دزینی سه‌رخان ژێرخان، بوغز و کینە، ئاسایش، پاراستن، زانیاریی و دژە تیرۆر و زیندان، ئیسک و پرسوکی میلله‌تێکمان به‌میرات بۆ جێ ده‌هێڵن.
سەرکرده‌کانی جیهان سه‌روه‌ریی بۆ گه‌له‌کانیان تۆمار دەکەن، ئه‌وانه‌ی ئێمه‌ش کەلتوری سەروپێ خواردنمان بۆ جێ دەهێڵن، سه‌روه‌ریی میللەتێک له‌که‌دار دەکەن، سه‌رکرده‌کانی دنیا له ‌دووی ئه‌وه‌ن میلله‌تێکی تەندروست و که‌سایه‌تیی جوان و به‌هێز دروست بکه‌ن، ئه‌وانه‌ی ئێمه‌ش به‌درێژایی مێژوو مرۆڤی کوردیان کۆیله‌ و بچوک و قه‌زمیان بۆ دروست کردووین، عەشرەتیان بۆ زیندو کردووینەتەوە.
من توڕه‌ نییم له‌و که‌سانه‌ی، بچوکن، کۆیلەن، کەسایەتییان تێکشکاوە، بڕیاریان داوە قوربانی بۆ ئاغاکانیان بدەن، مەڕیان بۆ سەربڕن، بە خۆڕایی سەروپێ بکەن بە قورگی چڵێسەکاندا، توڕه‌ش نیم له‌وانه‌ی گوێزه‌ر، خه‌یار ته‌ماته‌، سڵق، گه‌ڵامێو، ناوساجی بۆ گیان و چاکبوونه‌وه‌ی تاڵه‌بانی و بارزانی و کۆسره‌ت ده‌به‌خشنه‌وه‌ تا ته‌ندروستیان باش بێت، به‌س له‌وه‌ توڕه‌م چۆن حیزبێک ده‌م له‌ عیلمانییەت ده‌دا و ده‌هێڵێ له‌ لافیته‌ییه‌کی سه‌وزیی به‌هارییدا ئه‌و سوکایه‌تییه‌ بنووسرێت و بڵاو بکرێته‌وه‌؟
ئه‌ی له‌وه‌ ناترسن سبه‌ینێ کاک قادر نادره‌کان ئه‌و لافیته‌یه‌ بکه‌نه‌ سویدی و بیده‌ن به‌ سۆسیال دیموکراته‌کانی سوید و بڵێنڵ تەماش بکەن ده‌سته‌ خوشکه‌کانتان لە کوردستان چۆن بۆ سه‌لامه‌تی سکرتێره‌که‌یان ئاژه‌ڵی له‌و ووڵاته‌ ناهێڵن، هەرچی سەرو پێی ئاژەڵە کردوویانەتە قوربانی سکرتێری سوسیالەکەتان؟ ئەمە زۆر ناشرینە، ئەگەر ئێوەی یەکێتیی لە مانای ناشرینی تێبگەن!
هه‌ندێ جار بیر ده‌که‌مه‌وه‌ و ده‌ڵێم خودایبەس نەبوو وه‌ک ئه‌م سه‌رکردانه‌ی کورد ڕیسوا نەبووین، خوایە زوو بە مەردی بمانبرێنە و نەبینە پیری ئاخرشه‌ڕ، مردن ئەو کاتە نرخێکی هەیە و جوانە، کە مرۆڤ لە ژیانییدا ڕێزی له ‌خۆی گرتبێت، ئەگەر مه‌لامسته‌فا له‌ ئاشبه‌تاڵه‌که‌دا گولله‌یه‌کی بنایه‌ به‌ ته‌وقی سه‌ری خۆیەوە، باشتر بوو، هەر وه‌ک ئه‌و 600 پێشمه‌رگه‌یه‌ی بە دوای ئاشبەتاڵەکەدا خۆیان شه‌هید کرد، بۆ ئه‌وه‌ی بە مه‌ردی بمرن، نه‌یان ویست کۆیله‌بن، کەچی مەلا مستەفای سەرکردەی کورد وای نەکرد، چونکە ویستیی چوار ساڵ دوای ئاشبەتاڵ، بە ناشرینی و بە ریسوایی لە واشنتۆندا بژیی، ئاخر مەلا مستەفا نرخی جوانیی و خۆشەویستیی خاک و نیشتیمانی نەدەزانیی، ئەو چوار ساڵ دوای ئاشبەتاڵەکە ژیا و ویستیی لە مێژوودا بە ریسواییەکی زیاترەوە ناوی تۆمار بکرێت، سەیر بکەن ئیستا دەبینن، کە چۆن مه‌له‌فی هه‌ڵده‌درێته‌وه‌، گه‌ر مەلا مستەفا خۆی بکوشتایه‌ که‌س وەکو ئەمڕۆ مه‌له‌فی هەڵنەدەایەوە، ئەگەر بشکرایە، کەم کەس بڕوای دەکر، یان دەیکرد و لێی دەبوورد، تاڵه‌بانیش به‌هه‌مان شێوه‌ له‌ دوای جه‌ڵتەی دڵه‌که‌، کە لێی دا، گەر دانیشتایه‌، ئیستا هێنده‌ی دیکە ناشرینتر و بەدخائینتر نەدەبوو، ئەم قسانەم تەنها بۆ ئەوانە نییە بە تەنها، بۆ ئەو بەرپرسانەشە، لە نمونەی کۆسرەت و عومەر فەتاح و مەلا بەختیار و .... هتد.، ئەوانەی کە لە دوای تالەبانی هەرەس بە تەمەن و ژیانی ئەوانیشدا دێت.
سەبارەت بە نەشتەرگەرییەکەی تالەبانی کوردستانپۆست هەواڵێکی پێگەیشتووە، کە تالەبانی نەشتەرگەریی بڕبڕه‌ی پشتی بۆ نه‌کراوه‌، به‌ڵکو بۆری هه‌ناسه‌ی نه‌شته‌رگه‌ری بۆ کراوە، لەگەڵ 10 کیلۆ چه‌وری ناوسکی لێگیراوه‌، پزیشکه‌که‌ی ووتویەتی: ئه‌مە هه‌مووی چه‌وریی و دوگی حەیوانە، هێندەی قورس کردوویت، کە چیدی ئه‌ژنۆکانت، ئەو له‌شه‌ زه‌به‌لاحه‌ی پێ هه‌ڵناگیرێت. پێ ناچی تالەبانی زۆر بژیی و ڕاست بێته‌وه‌، ئه‌م جاره‌ هه‌رچی سه‌روپێخانه ‌هه‌یه‌، دوعای بۆ بکەن و سەروپێی خۆرایی بۆ بکەن بە خێر، تازە تاڵه‌بانی زیندوو ناکاته‌وه‌، تەمەنێکی کورتی ماوە، هه‌رچێ مه‌ڕ هه‌یه‌ ئه‌نفال بکرێت، پاش مردنی تالەبانی، پیاوە بچوکەکان و مەکتەبی سیاسیی هەرچییەکی بۆ بکەن و خۆیان بکوتن، تازه‌ تاڵه‌بانی ڕووی مێژووی خۆی جوان ناکات، ناشرینی لە دوای خۆی جێدەهێڵێت، کە مردیش ئیتر کاتی ئه‌وه‌ هاتووه‌ له‌ سه‌ر وه‌سێتی خۆی، شاره‌وانی لاشەکەی بشارێتەوە، له‌ سه‌ر پێشنیای کوردستانپۆستیش ئەو گردەی لێی دەنێژن ناوی بنرێت (گردی ناپاکان)، با هەروا بمێنێتەوە تا میلله‌تێکی وشیاری وه‌ک فه‌ڕه‌نسامان بۆ دروست ده‌بێت، کە چۆن دادگایی مارابۆیان کرد، ئاوا لە رۆژی خۆیدا دادگایی بۆ مارابۆکانی کورد دابنێن، ئیسک و پروسکی ئەم بەناو شۆڕشگێڕانەی کورد لە ژێر خاک دەربهێنن، ئەوانەی خیانەتیان لە نەتەوەیەک کرد، با مێژوو دادگاییان بکات.، هەر وەکو چۆن لە نەرویج، نەوەکانی ئەو خائینانەی کە جاسوسیان بۆ نازییەکان دەکرد، ئیستا باجی ناپاکی باوکیان دەدەن، دەبێت ئەم منداڵانەی سەرانی کوردیش دوای باجی خائینەکانی باوانیان بدەن.