هیڤی ئه‌نفال کرن

Thursday, 04.30.2009, 12:00

1216 بینراوە











هه‌ست بیابانێن
ستری ده‌ست
وه‌ک تانجا سه‌رێ عیسا
بون بازن
خوڤانا سه‌ری ، پێ
هیر هیر بو شکه‌ست
بێ خیشک و برا
بێ یاری
دگه‌ل هه‌ڤ ژی ،
هوگرێن ئاڤاهی
ل کوڵانێن ب جرا
بێ په‌یڤ و ده‌ست دلۆڤان
خوهـ و روندک
ئێک شینا بابێ
ئێک مینا دایکێ
سیر و دژوارن
ته‌نوک سه‌میان
هه‌بون تو زیندانی
ئه‌زم به‌ندی
سزا تو بکوژێ خه‌ونانی
ته‌ڤ وه‌رزێن ساڤا
ب بڤڕ ته‌ درین
ب کین و که‌رب
کنج دڕاندن ،هه‌ڕماندن
ڕه‌وشت و تیتال
فروتم مینا سۆزه‌نییه‌کێ
ل ده‌ڤه‌رێن دیر ژ مال
ئاڤرو کوشت
وه‌ک له‌شێ عیسا
هه‌لاویست ب دار
هه‌ناسه‌ تاوان ،هوڤان
نه‌ ته‌نوک ناڤ لنگ
ل گشت له‌ش کرن
هێرش ،ب من پێڤه‌دان مار
شوشا بێ گونه‌هیێ شکه‌ست
ستاندن ژ من ب تالان
هناروکێن من
کرنه‌ مه‌ی
ده‌ستهه‌لاتدارێن واری
نڤستینه‌ ،یان
ئه‌ڤ د ڤێت قه‌ی !
خه‌ون بونه‌ کابیس
گاڤا من خو دیتی ڕیس
د ناڤ ده‌ست و پێت
ڤان بیانییا
من تالان د که‌ن و د که‌ن
تێر نا بن ژ ئه‌نفال کرنا
له‌ش ،جان و هیڤییا
هیڤـــــــی ئه‌ڤن
له‌شکه‌رێ ماف و داد
بهێت من رزگار که‌ت
وه‌ک بوک من ،
ڤه‌گوهێزته‌ وه‌ڵات
دا به‌س بێژم خوزیکێت
هه‌ستی و پاشماییا
ڤان ته‌ڕما
ئه‌وێن جار جار
بێ مه‌به‌ست
په‌یدا د که‌ن ،ڤه‌دگه‌ڕینه‌
ئاخا وه‌لات
ژ شه‌رما
[email protected]
فه‌رهه‌نگوک
هیڤی..خۆزگه‌،ئاوات
ستری...........دڕک
خوڤ.........شانازی
ته‌نوک......ته‌نانه‌ت
کنج.....جڵ و به‌رگ
ڕیس............ڕوت
سه‌میان...دڵ نه‌وایی
‌خوهـ...........عاره‌ق
هه‌ستی........ئێسقان
هوڤ...دڕنده‌،وه‌حش
ناڤ لنگ....ناو گه‌ڵ
قه‌ی..........قاتی
2009.04.19



چەند بابەتێکی پێشتری نووسەر