مەلا بەختیار لەوە دەترسێت، کە چارەنووسی خۆشی وەکو قەزافیی بێت!

Tuesday, 10.25.2011, 12:00

1108 بینراوە


به‌مشێوه‌یه‌ كوشتنی‌ قه‌زافی‌ زاده‌ی‌ چ كلتورێكه‌:
ئه‌م په‌یڤه‌ ناو نیشانی ووتارێکه‌، که‌ مه‌لابه‌ختیار نووسیوێتی، که‌ ستونه‌که‌ی ناوی هه‌ڵوێستی ئه‌مڕۆیه‌ بۆ بینینی ووتاره‌که:
http://www.cawder.org
ئێمه‌ هیچ گومانمان لەوەدا نییه‌، که‌ کوژرانی قه‌زافی ڕووداوێکی گه‌وره‌یه‌ ، به‌ڵام ده‌بێ پرسیار بکه‌ین بۆچی خه‌ڵکی لیبیا یان، چاکتر بڵێین چی وای له‌ (سه‌نه‌د سادق ئه‌لعورێبی) کرد،کە باوکی بداته‌ به‌ر زلله‌و دوو گولله‌ی پێوه‌بنێت؟ داخۆ سه‌نەد وه‌ک مه‌لا به‌ختیار له‌ ووتاره‌که‌یدا ناوی هێناوە و ئاماژه‌ی پێداوه‌ سه‌له‌فیه‌کی ئیسلامییه‌؟

مه‌لابه‌ختیار ده‌بوو قسه‌ی له‌سه‌ر هۆ کارەکەی بکردایه‌ ، که‌چی هاتوه‌ قسه‌ له‌سه‌ر ئه‌نجام ده‌کات.

چیرۆکی کوژرانی قه‌زافی له‌ ده‌می بکوژه‌که‌وه‌:
سه‌نه‌د ئه‌و چه‌كدارەی سه‌ر به‌ لیوای به‌نغازییه‌ و خۆی وا ده‌ناسێنێ كه‌ ناوی (سه‌نه‌د سادق ئه‌لعورێبی)یه‌، له‌دایكبووی ساڵی 1989یه‌، ئه‌نگوستیله‌یه‌كی زێڕ و چاكه‌تێكی خوێناوی له‌ قه‌زافی ستاندووه، پێش ئه‌وه‌ی بیكوژێت، له‌سه‌ر ئه‌نگوستیله‌كه‌ ناوی ژنی دووه‌می قه‌زافی و رۆژی هاوسەرگییری لێنووسراوە، كه‌ 10ی ئه‌یلولی 1970ەی لێهه‌ڵكه‌ندراوه‌.

سه‌نه‌د باس لەوە ده‌كات كه‌ له‌ لیوای خۆی دابڕاوه‌ و كاتێك له‌ رۆژی پێنجشه‌ممه‌ی رابردوو چوونه‌ته‌ نێو شاری سێرت تێكه‌ڵ بە شۆڕشگێڕانی سه‌ر به‌ مسراته‌ بووه.

هه‌روه‌ها ده‌ڵێت، كه‌ پاش ئه‌وه‌ی قه‌زافی ده‌ستگیر دەکات، چه‌كدارانی مسراته‌ ویستیان له‌گه‌ڵ خۆیان بیبه‌ن " بۆیه‌ من دوو فیشه‌كم پێوه‌نا یه‌كێك له‌ بن ده‌ستی و ئه‌وی دیكه‌یان له‌ سه‌ری.. به‌ڵام ده‌ستبه‌جێ نه‌مرد، نزیكه‌ی نیو كاژێر مایەوە دواتر مرد".

سه‌نه‌د ده‌ڵێت: له‌ یه‌كێك له‌ كۆڵانه‌كانی مسراته‌ یه‌كێكمان بینی شه‌بقه‌یه‌كی له‌سه‌ربوو له‌گه‌ڵ چه‌ند کور و کچ، به‌قژه‌كه‌یدا ناسیمه‌وه‌، ده‌ستبه‌جێ گوتمان با ده‌ستگیری بكه‌ین".

گوتیشی: "قه‌زافی ده‌مانچه‌یه‌كی زێڕی پێبوو، پاش ئه‌وه‌ی ده‌ستیمان به‌سته‌وه‌ زلـله‌یه‌كم لێدا.. گوتی: تۆ وه‌كو كوڕمی.. دیسان زلله‌یه‌كی دیكه‌م لێدا.. گوتی: من وه‌كو باوكتم. منیش قژیم گرت و خستمه‌ سه‌ر زه‌وی".

هه‌روه‌ها گوتی، ئه‌و ویستوویه‌تی له‌گه‌ڵ خۆی بیبات بۆ به‌نغازی "به‌ڵام كاتێك چه‌كداره‌كانی مسراته‌ پێداگرییان كرد كه‌ له‌گه‌ڵ خۆیان بیبه‌ن، من دوو فیشه‌كم پێوه‌نا.
لێرەدا مه‌لا به‌ختیار ده‌یه‌وێت چیمان پێ بڵێ؟
پەیامەکەی مەلا بەختیار دیارە، کە ده‌یه‌وێت پێمان بڵێت: ئێوه‌ چاو له‌ شۆڕشی به‌هاری عه‌ره‌بی مه‌که‌ن، ئێمه‌ هەرچەندە خراپەمان بەرامبەر بە میللەتی خۆمان کردووە، دەستدرێژیمان کردۆتە سەر نامووستان، خاک و زەویی و ئاو کارەبامان لێ بڕیون و  سەروەت و سامانی ئەو وڵاتەمان هەمووی خستۆتە گیرفانی خۆمانەوە، هەرچی چاکەیە نەمانکردووە، هەرچی خراپەیە کردوومانە لە شاخەوە، تا هاتنەوەمان بۆ ناو ئێوە، بەڵام لەگەڵ ئەوەیشدا ئێمە باشترین، چونکە ئه‌وه‌ ئیسلامیه‌ سه‌له‌فێکان دێن و ده‌بێ خه‌و به‌و ڕۆژه‌وه‌ ببینن که‌ ئێمه‌ حاکم بووین ، مه‌لا به‌ختیار ده‌یه‌وێت پێمان بڵێت ، ئه‌مه‌ریکێکان مامه‌ڵه‌یه‌کی جوان و شارستانیانه‌یان له‌گه‌ڵ دیکتاتۆرێکی وه‌ک سه‌ددامدا کرد، چونکه‌ ڕێگه‌یان پێیدا قسه‌ بکات بەڵام پاش لەسیدارەدانی کردیشیانه‌ پاڵه‌وان، ئه‌وه‌ نه‌بوو سه‌دام له‌ ڕۆژه‌کانی دادگایدا هوتافی لێ ده‌دا و بە ملیۆنەها دۆلاری خه‌ڵکی عێراق بۆ دادگاییکردنەکەی سه‌رف کرا، هەر ئەو رۆژەی لە سێدارەدرا، تاڵه‌بانی هاته‌وه‌ بۆ سلێمانی و ئاماده‌ ش نه‌بوو واژۆ له‌سه‌ر سێدارەدانەکەی بکات! هه‌موو شتێک له‌و نووسینەی مەلا بەختیار سه‌ره‌و ژێره‌، هه‌ر ئه‌وه‌ ماوه‌ پێمان بڵێت قه‌زافی وه‌ک مه‌سیح له‌ پێناوی گوناهه‌کانی خه‌ڵکی لیبیادا به‌و شێوه‌ ڕسوایه‌ مردوه‌ و کوژراوه‌ .
نیچه‌ ده‌ڵێ: (پێویسته‌ له‌سه‌رمان به‌ر ده‌وام له‌به‌رامبه‌ر لاوازه‌کاندا به‌رگری له‌ به‌هێزه‌کان بکه‌ین.)
لام سه‌یر نییه‌، که‌ مه‌لا به‌ختیار له‌ بینینی ئه‌و دیمه‌نه‌دا ترسی لێنیشتبێت، چونکه‌ (سه‌نه‌د)ه‌کان له‌کوردستان له‌داخی ئێوه‌ی حاکم هێنده‌ زۆر بووه‌ ، ئێوه‌ ناتوانن ، نه‌ئه‌نگوستیله‌کانی ژنی دووهه‌متان دەربهێنن، ،چ جای ده‌مانچه‌ ئاڵتونییەکانتان ، ئێوە ئەوەندە تاوانبارن، لە قەزافی خراپتر، هەرچی ماڵ و موڵکی ئەو خەڵکە هەیە داگیرتان کرد، بە ئارەزووی خۆتان دەستدرێژیتان کردە سەر شەرەف و نامووسی خەڵکیی، کام ژنتان بویستایە لە مێردەکەیتان دەسەند و داگیرتان دەکرد، بۆیە نووسەرێکی کورد، جوان ده‌ڵێت (له‌ هه‌ر جێگه‌یه‌ک له‌ ئاسمانه‌وه‌ به‌ردێک به‌ر بێته‌وه‌ به‌ر زه‌ویه‌کی به‌ر پرسێک ده‌که‌وێت) مه‌لا به‌ختیار ده‌یه‌وێت پێمان بڵێت 42 ساڵ حوکمی قه‌زافی به‌ئاگر و ئاسن له‌م دوایه‌شدا به‌فڕۆکه‌ی شه‌ڕکه‌ر و کاتوشاو خومپاره‌کانی وه‌ک باوکێک بۆردومانی خه‌ڵکی لیبیای ده‌کرد و پێی ده‌وتن جرجه‌کان. مه‌لابه‌ختیار واده‌زانێ ئێمه‌ شه‌ڕه‌کانی ناو خۆ و لە 17 شوباتیشدا ئه‌و هه‌موو هێزه‌ی هێنایانه‌ به‌ر ده‌رکی سه‌را و زیندانیکردن و سوتانی خەیمه‌کان و شه‌هیده‌کانی 17 شوبات و برایمی کاکە ئەحە و سه‌رده‌شت و سۆران و وونکردنی سەدان و هەزاران لاوی کورد لە شه‌ڕی ناوتاندا، ئێمە لە بیرمان چۆتەوە و منداڵ و کەسوکاریی ئەو قوربانیانە تۆڵەتان لێناکانەوە و لە بیریان دەچێتەوە؟
(خه‌بات)ی برای شەهید ئاسۆ لەلایەن یەکێتیی ڕه‌می کرا، ئەو کاتە مەلا بەختیار گیرابوو لە یاخسەمەر، ته‌نها له‌ په‌ڕه‌یه‌کدا خەبات بۆ مەلا بەختیاری نوسیبوو چیت ئه‌وێ بۆت بکه‌م؟ من خه‌بات هاوڕێم بوو ئه‌و به‌یانیه‌ش له‌ سماقولی بووم، که‌ له‌ نازه‌نین له‌ ڕه‌بایه‌که‌وه‌ ڕای کردبوو ئاڕبی جیه‌ک و کڵاشیکۆفێکی مزه‌لی و ده‌مانچه‌ میکارۆفه‌که‌ی ئه‌فسه‌ره‌که‌شی له‌گه‌ڵ خۆیدا هێنابوو، پرسیاری من ئەوەیە له‌ مه‌لا به‌ختیار: ئایا جارێک چوویته‌ سه‌ر گۆڕه‌که‌ی و داوای لێ بوردنی لێ بکەیت؟ ده‌کرێ ئیستا خه‌بات کوڕێکی هه‌بێت، ئەگەر ڕاپه‌ڕین بێت و تۆش له‌ کۆڵانێکدا چاویلکه‌یه‌کت له‌چاوتد بێت و کوڕه‌که‌ی خه‌بات بتگرێ، دەبێت چیت لێبکات؟ کامی راستترە بتبات بۆ دادگا، یان بە شێوەیەکی تر وەکو ئەوەی قەزافی لەگەلدا هەڵسوکەوت بکات؟ ئەگەر وا نەکات و بتبات بۆ دادگا، دەپرسین ئه‌و دادگایه‌ی، کە ته‌قه‌که‌ره‌کانی 17شوبات و دوای 17شوباتیان تێدا دادگایی کرد؟ لای من ده‌به‌نگی نییه‌ باسی سه‌ددام حسێن بکرێت، چونکه‌ له‌مه‌رگی سه‌ددامدا کورد وه‌ک نه‌ته‌وه ‌و له‌ سایه‌ی ئێوه‌ی حه‌کیمدا زه‌ره‌رمه‌ندی گه‌وره‌بوو، سەددام هه‌موو نهێنییەکانی له‌گه‌ڵ خۆیدا بردە گۆڕەوە، سه‌دام نهێنییەکانی له‌ هۆڵۆکۆست زیاتر له‌ گۆڕ نا، ئه‌وه‌ش ئێوه‌ن کە دەبێت ئه‌و به‌رپرسیارییه‌ مێژوویه‌ هه‌ڵدبگرن وەکو ناپاک و خائین چاوتان لێبکرێت. ئه‌وه‌تانێ کێسنجه‌ر له‌ڕێگه‌ی سه‌رۆکی په‌رله‌مانه‌که‌ته‌وه‌ پاکانەی بۆ ده‌کرێت، بۆ ئه‌وه‌ی گیانی مه‌لا مسته‌فا لە خیانەت پاک بێته‌وه‌، که‌ میلله‌تێکی بێ خودان جێ هێشت.
له‌کۆی ئه‌و نووسینەدا مه‌لا به‌ختیار ترس ده‌وری داوه‌ له‌و ترسه‌ی، که‌ برایم جه‌لال له‌ کتێبه‌که‌یدا باسی مه‌لا به‌ختیارمان بۆ ده‌گێڕێته‌وه، یان ئه‌و ترسه‌ی له‌ کلیپی ڤیدیۆکه‌ی فرانفۆرتدا دیمان چۆن تورکێکی فاشیست په‌لاماری نه‌خشه‌ی کوردستان ده‌دات ، مه‌لا به‌ختیار لاڵ ده‌بێ و داواده‌کات قسه‌کانی لە تورکییەوە بۆ وه‌رگێڕن، کە پێم وابێت خۆشی تورکمانی دەزانێ.
کاتێکیش گه‌نجێک له‌ ئۆسلۆ دوو ته‌ماته‌ ده‌گرێته‌ مه‌لا به‌ختیار له‌گه‌ڕانه‌وه‌یدا، هەواڵی کەسوکارەکەی دەپرسێت و هه‌ڕه‌شه‌یان لێده‌کات، لە ژێر فشاردا گه‌نجه‌که‌ ناچار دەکەن، داوای لێبوردن بکات و بێ شه‌رمانه‌ش ڕۆژنامه‌ ڕوو زه‌رده‌کانیان پڕ ده‌کات له‌م هه‌واڵی ئەم سه‌ر که‌وتنه‌، مەلا بەختیار ئەمانە هەمووی تاوانن، بە بچوکی مەزانە.

تۆ پێمان ناڵێت کاک به‌ختیار ئێمه‌ چۆن بیرمان دەچێته‌وه‌ ئه‌و هه‌موو دزییه‌ی لێمان ده‌که‌ن؟ تۆ خانوه‌که‌ی خانه‌قینت 32 ژووره‌، ئه‌رێ قوتابخانه‌ له‌خانه‌قیندا هەیە 32 ژووری تێدا بێت؟ ئەی مەهاباد هەورامی خێزانت پاره‌ی له‌ کوێ بوو، کە بە سوو دەیدات بە خەڵکیی و پارەیەکی زۆریان لیوەردەگرێت؟ ئەی تۆ پێمان ناڵێیت ئه‌و دزییه‌ی لێتان کرا له‌ماڵه‌وه‌ پاره‌ی کێ بوو؟ له‌ هه‌مووشی خۆشتر ئه‌وه‌یه‌ ئێمه‌ش بپرسین ئه‌ی ئه‌و ڕه‌فتارانه‌ی ئێوه‌ زاده‌ی چ کلتورێکه‌ وا ئه‌و جه‌هه‌نه‌مه‌تان بۆ ئێمه‌ دروست کردووه‌ که‌ ئێمه‌ له‌سایه‌ی ئه‌و ژینگه‌ ناسروشتیی و شێواوه‌ ده‌ژین، بە تایبەتیی که‌ له‌سه‌رشه‌قامه‌کان به‌ئۆتۆمۆبیله‌ گرانبه‌هاکانه‌وه‌ به‌لاماندا تێ ده‌په‌رن؟

مه‌سعود محه‌مه‌د له‌ نامه‌که‌یدا، که‌ بۆ نه‌عیم حه‌دادی وه‌زیری ڕۆشنبیریی سەردەمی بەعس ده‌نووسێت، تێیدا باس له‌ خه‌ڵکی به‌غداد ده‌کات، که‌ کاتێک خه‌ڵکیان له‌سه‌ر شه‌قامه‌کان گولله‌ باران ده‌کرد، خه‌ڵکی به‌غداد نانی نیوه‌ڕۆیان له‌گه‌ڵ خۆیاندا ده‌برد بۆ سه‌یر کردنی ئه‌و گولله‌ بارکردنه‌ ، کاک مه‌لا به‌ختیار پێمان بڵێ: ئەی ئه‌مه‌ زاده‌ی چ که‌لتورێکه‌ ؟

کاتێکیش به‌عس هیچی تێدا نه‌هێشت له ‌ئه‌منه‌ سوره‌که‌، خه‌ڵک به‌ به‌رد و بلۆک سه‌ری ئه‌منه‌کانیان پان ده‌کرده‌وه‌. ئایا دەبێت بپرسرێت، ئەی ئەمە زاده‌ی چ که‌لتورێک بووه‌؟
کاتێک شایه‌ت حاڵی ئه‌نفاله‌کان ده‌خوێنیته‌وه‌ له‌وێدا ده‌رچووانی ئه‌نفال بۆمان ده‌گێڕنه‌وه،‌ که‌ ڕێبواره‌کانی سه‌ر شه‌قامه‌که‌ی به‌غداد به‌رد و ته‌ماته‌ و هێلکه‌ ده‌گرنه‌ ئه‌و گه‌رمیان و کوێستانییانه‌ی به‌شه‌قامه‌کانی به‌غداددا گوزه‌ر ده‌که‌ن، لای مه‌لا به‌ختیار ئەمە بۆتە پرسیارێک و بڵێت ئەمە زاده‌ی چ که‌لتورێکه‌؟

تا چه‌ند ڕۆژێکی دوای ڕاپه‌ڕین چه‌ندین له‌شی ئه‌فسه‌ره‌کانمان له‌شه‌قامه‌کاندا ده‌دی گه‌نجه‌کان شەقیان له‌که‌لله‌سه‌ره‌ کان هه‌ڵده‌دا، ئەمە زاده‌ی چ که‌لتورێکه‌؟ ئەگەر ئێمە وه‌ک مێژووش سه‌یری بکه‌ین، ده‌بینین له‌ شۆڕشی فه‌ڕه‌نسادا ملی شاژن و سای فه‌ڕه‌نساشیان په‌ڕاند، ئه‌ی ئه‌وه‌ زاده‌ی چ که‌لتورێکه‌؟ مێژووی مرۆڤایه‌تی پڕێتی له‌هه‌موو ئه‌و ڕووداوانه‌ و هیچ په‌یوه‌ندییەکی به‌که‌لتور و به‌ئیسلام و بە سه‌له‌فییە‌وه‌ نییە. له‌ ڤیدۆ کلیپێکی تردا که‌ گه‌نجێکی لیبییه‌، کوڕه‌که‌ی قه‌زافی له‌به‌ر ده‌ستدا یه‌ ، ده‌ڵێ ئای خوایه‌ ئه‌وه‌ ڕاسته‌؟
لای مه‌لا به‌ختیار هه‌رچی ناوی خوا بهێنێت، به‌تایبه‌تی ناوی (اللە) ئه‌و کەسە ئیسلامیی و سه‌له‌فییه‌، ناوی خۆ له‌ زمانه‌ ئه‌ورپیەکانیشدا به‌هه‌موو ڕووداوه‌کان ناوی خوا دێته‌ سه‌ر زار و هانای بۆ دەبەن و هاوار دەکەن oh my god  ئایا ئه‌وانیش سه‌له‌فین؟
من ده‌زانم مه‌لا به‌ختیار له‌چی ده‌ترسێت، چونکه‌ مێژوو بۆمان ده‌گێڕێته‌وه‌، کە چاره‌نوسی هه‌موو دیکتاتۆره‌کان له‌یه‌ک ده‌چن، مه‌رگی ئێوه‌ش له‌گه‌ڵ هاتنی به‌هاری کوردیدا نزیک بۆته‌وه‌، ئه‌وه‌تانێ واشنتۆن پۆست دوێنی نووسیوێتی (مه‌لیکی سعودیه‌، ده‌ستی کردووه‌ به‌ به‌خشنده‌یی و دیاری به‌خشینه‌وه‌) حوسنی موباره‌کیش، که‌ مه‌رگی قه‌زافیان پیشان داوه‌، تووشی هیستیریا بووە و هاواری کردووە، خەریک بووە دڵی بووەستێت، وتوویەتی دەترسم منیش وام لێبکەن. ئێمە نازانین تاڵه‌بانی گوزه‌رانی چۆن بووه‌؟‌
کاتێک سه‌یری ماڵپه‌ڕه‌کانم ده‌کرد شتێکی زۆر کۆمێدیم به‌ر چاو که‌وت ئه‌ویش ئه‌وه‌یه‌ که‌ (به‌رهه‌م ساڵح ، ڕووی ده‌می له‌ حکومەتی سوریا ده‌کات، به ‌کوردیەکه‌ی نه‌سیحه‌تی ده‌کات که‌ ده‌ست له‌ توندو تیژی هه‌ڵگرێت و وانه‌یه‌ک له‌ لیبیا و میسر و تونس وه‌رگرێ)، که‌چی خۆی به‌ ددانپێدانای نێچیر بارزانی له‌ 17ی شوباتدا داوای هێزی له‌ پارتی کردوه‌، کە بێنه‌ سه‌رگەنجەکانی شاری سلێمانی.