سەباح عەلی قارەمان

https://www.facebook.com/profile.php?id=100087679831919

https://www.facebook.com/sabahaliqareman


سه‌رى ڕه‌ش و پيرمامتان پيرۆزبێت

Thursday, 13/02/2014, 12:00

1855 بینراوە


سه‌ركرده‌كانى يه‌كێتى و گۆڕان نيو سه‌ده‌ زياتره‌ پێكه‌وه‌ كوڕى خه‌ڵكيان دژى بنه‌ماڵه‌ى بارزانى به‌كوشتدا، كه‌چى چه‌ند ساڵێكه‌ هه‌ردوو لايان ته‌نه‌زول بۆ يه‌كترى ناكه‌ن و ده‌چن له‌ پيرمام ئاو له‌ ئاشى پارتى بنه‌ماڵه‌ ده‌كه‌ن؟ ئه‌وه‌ جارى يه‌كێتى له‌ پێناو پاراستنى ده‌سه‌ڵاتى بنه‌ماڵه‌ى تاڵه‌بانى په‌نا بۆ هه‌موو كارێكى قێزه‌ون و ناشرين ده‌به‌ن و بوون به‌ حيزبى بنه‌ماڵه‌ وكۆپى پێستى پارتى. بزووتنه‌وه‌ى گۆڕانيش مه‌غلوقێك له‌ ئينسانى گوێڕايه‌ڵ و بێده‌نگى دروستكردووه‌، گه‌وره‌ترين دزى ئه‌م وڵاته‌ ببێته‌ گۆڕان به‌ شێوه‌يه‌كى سحر ئاسا پاك ئه‌بێته‌وه‌ و ئه‌بێت به‌ فريشته‌، كه‌ ره‌خنه‌شت لێيان گرت تۆ جاسوس و خائين و دزو جه‌رده‌يت، له‌شكرێك كۆيله‌ى له‌خه‌ڵك كردوه‌ته‌ ئازاديخواز.
ئه‌وه‌ هه‌ر باسى حيزبه‌ ئيسلاميه‌كان مه‌كه‌ كه‌ له‌ كوێوه‌ باى هات شه‌نى خۆيان ئه‌كه‌ن و دواى قه‌ره‌باڵه‌غى كه‌وتوون.
له‌باكورى كوردستانيش له‌يلا زانا بووه‌ به‌ به‌ريدى ماڵى بارزانى هه‌ر خه‌ريكى نامه‌ گۆڕينه‌وه‌يه‌، ئه‌يه‌وێت حه‌قى گه‌نجێتى خۆى كه‌ نامه‌ى عاشقانه‌ى نه‌گۆڕيوه‌ته‌وه‌ له‌م ته‌مه‌نه‌دا ئه‌و حه‌قه‌ بكاته‌وه‌.
به‌ هه‌موو لايه‌كه‌وه‌ سه‌رى ڕه‌ش و پيرماميان كردوه‌ به‌مه‌رجه‌عى خۆيان و پيرۆزيان كردوون و پياوه‌ بچوكه‌كانى بله‌ و بارزانيان له‌ خه‌ڵك گه‌وره‌كردوه‌. هه‌ركاتێك ده‌مى سه‌ركرده‌ سياسيه‌كانى ئه‌م حيزبانه‌ ده‌كه‌يته‌وه‌ خۆيان به‌ فه‌يله‌سوف و زانا و رۆشنبير دائه‌نێن و بنه‌ماڵه‌ى بارزانى به‌ گه‌مژه‌ و نه‌خوێنه‌وار ده‌زانن، كه‌چى ئه‌و نه‌خوێنه‌وارانه‌ى باسيان ده‌كه‌ن سوجده‌ى به‌ هه‌موو لايكيان بردوه‌ و ته‌سليمى سياسه‌تى پڕ له‌ خيانه‌تى خۆى كردوون.

نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست






کۆمێنت بنووسە