سێ فه‌رماندارى ئه‌ڕته‌شى تورکیا ده‌ستیان له‌کار کێشایه‌وه‌ و ، ته‌قینه‌وه‌یه‌كیش له‌ هێڵی غازی ئێران توركیا رووید.

Friday, 29/07/2011, 12:00

1856 بینراوە


ئاژانسى هه‌واڵگرى فورات رایگه‌یاند فه‌رماندارى گشتى ئه‌رته‌شى تورک ئۆرگ، "ئیشیک کۆشانه‌ر"، که‌ ئێستا ساڵێک له‌ به‌رپرسیاره‌تى تێپه‌ڕنه‌کردووه‌، ده‌ستى له‌کار کێشایه‌وه‌.
ژنڕاڵ ئیشک کۆشنه‌ر له‌ رێگه‌ى شۆراى له‌شکرى باڵا فه‌رماندارى گشتى ئه‌ڕته‌ش ده‌ستى له‌کار کێشایه‌وه‌. هه‌روه‌ها جێى ئاماژه‌یه‌ له‌ دواى کۆشنه‌ر فه‌رماندارى هێزى هه‌وایى و زه‌مینى ئه‌رته‌شى تورک ده‌ستیان له‌کار کێشایه‌وه‌. کۆشنه‌ر ده‌ست له‌کارکێشانه‌وه‌ى خۆى پێشکه‌ش به‌ ئه‌ردۆغان کرد و ئه‌ردۆغانیش به‌رنامه‌ى چوون بۆ سته‌مبوڵى به‌تاڵ کرده‌وه‌.
شاره‌زایان له‌ مه‌له‌فی په‌یوه‌ندیه‌کانی ئه‌رته‌شی تورک به‌ حکومه‌تی ئاکه‌په‌ پێیانوایه‌ ئه‌م ده‌ستله‌کارکێشانه‌وانه‌ ئاماژه‌ی خراپی په‌یوه‌ندییه‌کانی نێوانیان ده‌رده‌خا.

سه‌رله‌به‌یانی ئه‌مڕۆش به‌ گوێره‌ی هه‌واڵێک که‌CNN ی تورک بلاویکردۆته‌وه‌ که‌ ته‌قینه‌وه‌یه‌ك له‌ هێڵی گواستنه‌وه‌ی غازی سروشتی ئێران بۆ توركیا روویدا كه‌ به‌هۆیه‌وه‌ ناردنی غازی ئێران له‌م رێگه‌یه‌وه‌ راگیرا.
له‌ دێژه‌ی هه‌واڵه‌که‌دا هاتووه‌ ئێران رۆژانه‌ سێ ملیۆن مه‌تری سێجا غازی سروشتی ده‌نێرێت بۆ توركیا .
پێشتریش له‌م هێڵی گواستنه‌وه‌یه‌دا چه‌ندین ته‌قینه‌وه‌‌و ئاگركه‌وتنه‌وه‌روویداوه‌‌و هه‌ردوو حكومه‌تی ئێران‌و توركیا هێزه‌كانی پارتی كرێكارانی كوردستان (په‌كه‌كه‌)یان به‌وه‌ تۆمه‌تبار كردوه‌.

نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست






کۆمێنت بنووسە