ب بورینا شه‌ش سالان ل سه‌ر دامه‌زراندنا ته‌له‌ڤزیویا یه‌كگرتوو كه‌نالێ دهوك بینه‌رێت وێ بو سایتێ یه‌كگرتوو دئاخڤن

Sunday, 03/01/2010, 12:00

1608 بینراوە


ئیبراهیم دێرگژنیكی ـ دهوك

ته‌له‌ڤزیونا یه‌كگرتوو كه‌نالێ دهوك وه‌ك ته‌له‌ڤزیونه‌كا ناڤخویی به‌ری شه‌ش سالان ب كێم شیان و كادران ده‌ست ب كار بو، د ماوێ بوریدا شیایه‌ ببیته‌ شاشه‌یه‌ك بینه‌ره‌كێ زور ل خۆ كوم بكه‌ت و رۆژانه‌ ب رێكا به‌رنامێت ئێكسه‌ر تێكه‌لیێ دگه‌ل بینه‌ری بكه‌ت.

هه‌ر بڤێ هه‌لكه‌فتێ ئه‌ڤرو شانده‌كێ مه‌لبه‌ندێ سێ یێ یه‌كگرتوو ب مه‌ره‌ما پیروزباهی كرنێ سه‌را ته‌له‌ڤزیونا ناڤبری دا و شاندێ یه‌كگرتوو پیروزباهی و ده‌ستخوشی ل كادرێ ته‌له‌ڤزیونێ كرن و هیڤی خواست د سالا داهاتی دا پتر بشێن خزمه‌تا بینه‌رێ خۆ بكه‌ن.

هه‌ر ب ڤێ هه‌لكه‌فتێ چه‌ند بینه‌رێت ته‌له‌ڤزیونێ هه‌ست و بۆچۆنێت خوه‌ ل دور U.TV دیاركرن، دلخاز دوسكی شاشه‌یا یه‌كگرتوو كه‌نالێ دهوك ب فه‌ر و گرنگ زانی، چونكه‌ ل دویڤ بوچۆنا وێ شاشه‌یه‌كه‌ ره‌نگ و سیمایێ ئیسلامی و كورده‌واری ب خۆڤه‌ دگریت، ئه‌حمه‌د محه‌مه‌د وه‌ك گه‌نجه‌ك U.TV ب رێنیشانده‌ر و ئاسته‌كه‌رێ گه‌نجان به‌ره‌ف ره‌وشتێت بلند دا زانین، هه‌روه‌سا گوت "ئه‌ڤ كه‌ناله‌ یێ بویه‌ ئه‌گه‌ر گه‌له‌ك گه‌نج ل خۆ بزڤرن و ببنه‌ كه‌سه‌كێ مفادار بو ئایین و باژێر و كه‌س و كارێت خۆ".

ده‌یكا ئارامی ته‌له‌ڤزیونا یه‌كگرتوو كه‌نالێ دهوك ب ته‌له‌ڤزیونا خێزانێ پێناسه‌ كر، چونكه‌ ل دویڤ گوتنا وێ "هه‌وجه‌ ناكه‌ت كونترول ل ده‌ستێ مروڤی دابیت نه‌كه‌ تشته‌ك بێته‌ سه‌ر مروڤ شه‌رم بكه‌ت، به‌لكو شاشه‌یه‌كه‌ خێزان هه‌می دشێت به‌رێ خۆ بده‌تێ".

وه‌ك كارێ دوبلاژێ ته‌له‌ڤزیونا یه‌كگرتوو كه‌نالێ دهوك د ماوێ شه‌ش سالێت بوریدا چه‌ندین فلم و فلم كارتون و زنجیره‌ دوبلاژی زمانێ كوردی كرینه‌، زانین وه‌ك زاروكه‌ك گه‌له‌ یێ پێ خۆشه‌ ب فلم كارونێت ل سه‌ر شاشا U.TV ده‌ردكه‌ڤن ب زمانێ كوردی و هیڤی خواست هێشتا فلم كارتونا دوبلاژكه‌نه‌ زمانێ كوردی.

ته‌له‌ڤزیونا یه‌كگرتوو كه‌نالێ دهوك ل 1/1/2004 ێ هاتیه‌ دامه‌زراندن، ئه‌ڤرو چویه‌ د سالا خۆ یا 7ێ دا.

هه‌ر ب هه‌لكه‌فتا بورینا 6 سالان ل سه‌ر دامه‌زراندنا ته‌له‌ڤزیونا یه‌كگرتوو كه‌نالێ دهوك، شانده‌كێ لقا دهوك یا سه‌ندیكا روژنامه‌نڤیسێت كوردستانێ سه‌را كارگێریا U.TV دهوك دان و ژ لایێ كارگێریا ته‌له‌ڤزیونێ ڤه‌ هاتنه‌ پێشوازیكرن، شاندێ سه‌ندیكایێ پیروزباهی ل هه‌می ستاڤێ ته‌له‌ڤزیونێ كرن و كار و خه‌باتا وان د شه‌ش سالێت بوریدا ب باشی ل قه‌له‌م دا و ده‌ستخوشی ل كارمه‌ندێت ته‌له‌ڤزیونێ كرن.

هه‌ر ب ڤێ هه‌لكه‌فتێ كادر و كارمه‌ندێت ته‌له‌ڤزیونێ ژ لایێ كارگێریا ته‌له‌ڤزیونێ ڤه‌ هاتنه‌ خه‌لاتكرن.

ئه‌م ژی ل سایتێ یه‌كگرتوو پیروزباهیێ ل كارگێری و كارمه‌ند و كادرێت ته‌له‌ڤزیونا یه‌كگرتوو كه‌نالێ دهوك دكه‌ین و ب وێ هیڤیێ ل سالا حه‌فتێ بشێن پتر په‌یاما خۆ بگه‌هینن و پتر خزمه‌تا بینه‌رێ خۆ یێ دهوكێ بكه‌ن.

نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست






کۆمێنت بنووسە