نه‌خشه‌ی وڵات

Sunday, 13/12/2009, 12:00

1527 بینراوە












له‌ هه‌مان جێگای خه‌ونی یادت

دائه‌نیشم

لاپه‌ڕه‌یه‌کی تۆزاوی نه‌خشه‌ی گشت

پارچه‌کانی وڵاتم

له‌ نێو ده‌ستمه‌ گرتووه‌

هێڵه‌کانی له‌ناو یه‌کدا ئاڵۆز بووه‌

هه‌مان نوسین هه‌مان نه‌خشه‌

هه‌مان په‌یمانی ون بووه‌

ته‌نها کات گۆڕانی به‌سه‌ر هاتووه

ئه‌وێش هه‌ر به‌ناو زیندووه‌‌

نه‌وه‌کان سرودی ئه‌ی ڕه‌قیبیان

له‌ شه‌قامی هه‌ناسه‌دا ئه‌ڵێنه‌وه‌

شه‌وو ڕۆژمان ئه‌ڵقه‌ی نیشانه‌ی

ده‌زگیرانی زه‌مه‌نی ڕابردووه‌

ئه‌ ڕۆم و دێم

چاوم هه‌نگاوی قاچه‌کانم ون ده‌کات و

ده‌سته‌کانم قه‌رزاری باجی تاوانی شه‌وه‌

چاو له‌ ئاست مافه‌ کز بووه‌

چاره‌ نووسه‌..............!

زۆردار پشووی بێ ویژدانی وه‌رگرتووه‌

ده‌می هه‌وه‌ر هه‌رگیز ناگاته‌

ده‌می زه‌ر نه ‌قوته‌ی سه‌ده‌ی برسی

هه‌ورو باران ته‌نها تریشقه‌ی خه‌وه‌

مه‌له‌وه‌ره‌ یاخیه‌کان

پۆل پۆل ده‌فرن

بشت! باری کۆچ ورێگای ڕه‌وه

پارچه‌کانی نه‌خشه‌ی وڵات

ته‌نها سه‌یری یه‌ک ده‌که‌ن

کاتی کۆسپی ڕوداوه‌کان

ده‌سته‌کانی پاڕانه‌و

داوای ته‌مه‌ن درێژی.............!

بۆ زۆرداری پارچه‌کانی گشت نه‌وه‌


نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست






کۆمێنت بنووسە