من و تۆ

Friday, 20/08/2010, 12:00

2314 بینراوە


من تۆ دوو هاوته‌ریبین، بووین به‌ ڕێوی ماڵه‌وه‌
من له‌ پێش ڕیش و عه‌مامه‌ و تۆ له‌ پێش پۆستاڵه‌وه
من که‌‌ سه‌رخۆشم به‌ باده‌ی عاره‌ب و تورک وعه‌جه‌م
تۆش که‌ سه‌رقاڵی به‌هۆی دورینه‌وه‌ی شه‌رواڵه‌وه‌‌
جوتێ کۆتر، یا په‌پوله‌ین، یا که‌نارین، یا قه‌تێ
من به‌ کۆڵێ ورگی پان و تۆ به‌ مشتێ خاڵه‌وه
چاهیرییه‌ن دۆست وئه‌حبابین و موو ناچێته‌ به‌ین
باگینییه‌ن بلوێ بۆمان یه‌ک ئه‌نێینه‌ چاڵه‌وه‌
جوتێ زیخی زبر و تیژی جوتێ پێڵاوی ته‌سک
جوتێ دوومه‌ڵ بووین، ڕواین به‌ ناوگه‌ڵ و بن باڵه‌وه
بووین به‌ دوو مه‌یمونی پیرو کار و پیشه‌ هه‌ر سه‌ما
من به‌ ئیعازی ده‌هۆڵ و تۆ به‌ ده‌م شمشاڵه‌وه‌‌
جوتێ مانگاین، نه‌شیر ده‌رین نه‌ که‌ڵیش ئه‌گرینه‌ خۆ 
جوتێ مامۆستاین به‌ ده‌وری گه‌نده‌ڵ و پاتاڵه‌وه
ڕه‌شب به‌ڵه‌ک بگرین هه‌مومان خۆم له‌ سه‌رچۆپی ئه‌بم
تۆش له‌ گاوانی خڕیکه‌ و بای ده‌ به‌و ده‌سماڵه‌وه‌‌

نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست






کۆمێنت بنووسە