گەنجێك دوو رۆژە بێسەر وشوێنە و گوماندەكرێت بەرپرسێكی لای تالەبانی رفاندبێتی

Saturday, 12/02/2011, 12:00

1269 بینراوە


لە كفری دوو رۆژە گەنجێكی تەمەن 22 ساڵ بێسەروشوێنەو دیار نییە، بەڵام گومان دەكرێت برایەكی سالار حەمەخان بەرپرسی فەوجێكی سەربازی پاسەوانی جەلال تاڵەبانییە رفاندبێتی، چونكە پێش چەند مانگێك هەستاوە بە لێدان و لێسەندنی دەماچەی براكەی ئەو بەرپرسە كە ناوی سەردارە، بۆیە ئێستا كەسوكارى ئەو گەنجە گومانیان لەو سەردارەو چەند كەسێك هەیە رفاندبێتی و كوشتبێتی.
بە پێی ئەو زانیارییانەى دەستمان كەوتووە ئەو گەنجە برازاى عەلوان خەلیفە خەلیلە كە هەڵسوڕاوی بزووتنەوەى گۆڕانە، پێش چەند مانگێك لە ناو بازاردا لە دوو كەسی داوە و دەمانچەكەى لێسەندوون كە یەكێك لەو دوو كەسە براكەی سالار خەمەخانی لێپرسراوی فەوجە ماستاوچییەكەى تالەبانییە.
ئەو سالار حەمەخانە باڵەخانەیەكی دروستكردووە لە كفری نزیكەى 50 دەفتەر دۆلارى تێچووە ، وەك چەند كەسێك لە پۆلیسەكانی باسیان كردووە كە چەندین جار گەنجی عەرەبی بێتاوانی بە ناوی تیرۆریستەوە دەستگیر كردووەو بە 4 دەفتەر دۆلار ئازادی كردووە، جگە لەوەى سەدان پۆلیسی وەهمی نوسیوە و مووچەكەیان بۆ خۆی وەردەگرێت، هەروەها سەدان پۆلیسیش نیو موچەیان دەداتێ و نیوەكەى تری بۆ خۆی دەبات ، ئا ئەمەیە بەرهەمی راپەڕین و خوێنی شەهیدان و ئەنفال و خەباتی گەلی كورد كە دارودەستەكەى تاڵەبانی و بارزانی دەیخۆن و سوكایەتی بە خەڵك دەكەن .

نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست






کۆمێنت بنووسە