بیرەوەرییەکانی زرار سلێمان بەگ بە فارسی بڵاوکرایەوە

Sunday, 12.11.2011, 12:00

1379 بینراوە



کتێبی بیره‌وه‌ریه‌کانم لە ساڵی (1977/1943) به‌پێنووسی (زرار سڵێمان به‌گ ده‌رگه‌ڵه‌یی) وەرگێرانی بۆ زمانی فارسی د. قانعی فەرد، ئەمڕۆ لە ئێران بە ناونیشانی (نبرد من با ابلیس) بڵاوکرایەوە. هەرچەندە بنه‌ماڵه‌ی بارزانی لە رێگای نوێنەری حکومەتەکەیان (مامۆستا نازم ده‌باغ و جگه‌رخوێن) ویستیان رێگری لە چاپدان و بڵاوکردنەوەی ئەو کتێبە بگرن، بەڵام ئەم هەوڵەیان سەری نەگرت. شایانی باس من بۆ خۆم پێش ماوەیەک لە سێ بەشدا و له‌ژێر ناونیشانی (کاتی ئه‌وه‌ هاتووه‌ به‌رۆکی مێژوونووسه‌کانی کورد بگرین) له‌کوردستانپۆستا له‌ سه‌ر ئەو بیرەوەریانەم نوسی ، لەگەڵ دەرچوونی ئەو کتێبە بە فارسی، هەر ئەمڕۆ ئاگادار کراینەوە، کە کتێبه‌که‌ کەوتۆتە بازاڕەوە. کوردستانپۆست بەر لە ماوەیەک سەبارەت بە هەوڵدانی پارتیی بۆ بڵاونەکردنەوەی ئەو کتێبە ئاگادارکرایەوە، کەوا نوێنه‌ری پارتی بێت زۆر هه‌وڵیان داوه‌ که‌ ئه‌و کتێبه‌ ڕاوه‌ستێن و ته‌نانه‌ت په‌یامنێری کوردستانپۆست ئاگای له‌وه‌یه‌، که‌ بنه‌ماڵه‌ی بارزانی په‌یوه‌ندییه‌کی زۆر به‌رفراوانیان کردوه‌ بۆ خاتری به‌چاپ نه‌گه‌یاندنی ئه‌و کتێبه‌ ، لێ به‌ڵی خۆشبه‌ختانه‌ ئه‌مڕۆ له‌گه‌رووی چاپخانه‌ ده‌رهات و ئیتر خوێنه‌ری فارسی زانیش ده‌توانێ ئه‌و مێژوه‌ ئاڵۆزه‌ پڕ پرسیارو گرێ کوێره‌یه‌ بخوێنێته‌وه‌ . ئه‌گه‌ر چی ئیستا له‌ باشوری کوردستاندا بۆ ده‌رمانیش که‌سێک ناتوانێ به‌رگێکی ئه‌و کتێبه‌ی ده‌ست بکه‌وێت ، من بۆخۆم وەکو تاقیکردنەوە، هه‌رچی کتێب فرۆشی هه‌ولێرو سلێمانی و دهۆک و زاخۆ بوو هەواڵی ئەو کتێبەم پرسی و ئاگادارم کردوون ده‌ڵێن نه‌مان دیوه‌ و نه‌شمان بیستوه‌ ، که‌چی زیاتر له‌ 2000 دانه‌شی لێ چاپ کرابوو .فه‌رموون له‌گه‌ڵ لینکی ئه‌م نوسینانه‌ له‌سه‌ری . بۆ زانیاریتان کوردستانپۆست بەنیازە ئەو کتێبە بخاتە کتێبخانەکەیەوە، دەتوانن پاش ماوەیەکی تر ئەو کتێبە بخوێننەوە.

http://www.kurdistanpost.com/view.asp?id=f7a1b644

http://www.kurdistanpost.com/view.asp?id=b5db0f7a

http://www.kurdistanpost.com/view.asp?id=5b26791d