به‌رخۆدان

Saturday, 26/03/2011, 12:00

2354 بینراوە

مــن ئــــەو دیلـــــــــــەم چێـژى ئــــــازادیــــــم لـــێ وونــــە
خـــــــــەو دەبینـــم بە هیــواوە چونكـــە بانگــــەوازی منە
گـــــــــــــــەردو تۆزی زەمەنێكە ئاســـــۆی ئاواتــی تەنیــوم
خۆم ناناسم ترسو گومــــــــــان كێڵگــەی ژینی داپۆشیــوم
من ئامانجێك لە دڵمایە دەیان ساڵە بۆی پەرۆشـــــــــــــــــم
بۆیە هەردەم ئاوارەمو لە پێناویـــــــــــا خوێن دەڕێــــــــژم
ڕووتو ڕەجاڵو ســــەرگەردان لە بـــاوەش خەمدا تەزیوم
بەناوژاندا ڕادەبوورم ئازار ئۆقرەی لێ بڕیـــــــــــــــــــــــوم
بۆ خەمی نان سەربزێوم ماندووە جەســــتەی شەكــــەتم
هەردەم مەمرەو بژى دەژیم بەڵام لە ژینـا بێ ســــرەوتم
نەیـــــــــــــارانم شەشەمەنو تاریكیــــــــان لا مەبەســـــتە
من بەرەو ڕووناكی دەڕۆم گیانی خۆمم لەســـەر دەســتە
سڵ لە چەرخی بەدكار ناكەم كۆتو پێوەندم دەپسێنــم
بە ڕژانی خوێنی گەشم مێژووی عەشقێك دەئافرێنــــم
ڕادەپەڕم لەو خەوانەی جــــادوی لـــە هــزرم كـــــردووە
دەبمە هـــــــاواری ســەرهەڵدانێك بــە باوەڕێكـی تینووە