کوردستانپۆست قوتابخانەیەک بۆ فێربوون، پەروەردەیەک بۆ یاخیبوون


ئه‌مجاره‌ ئه‌رمه‌نستان به‌ یارمه‌تیده‌ری په‌ژاک تاوانبار کرا

Saturday, 11.06.2010, 12:00

408 بینراوە


سایته‌کانی نزیک له‌ سوپای پاسداران و محافزه‌کاره‌کان، ده‌وڵه‌تی ئه‌رمه‌نستان به‌وه‌ تاوانبار ده‌که‌ن که‌ چه‌ک و چۆڵ بۆ په‌ژاک دابین ده‌کا.

به‌گوێره‌ی هه‌واڵی ئه‌و سه‌رچاوانه‌، له‌م مانگه‌ی دواییدا په‌ژاک بڕێکی زۆر چه‌ک و چۆڵی له‌ ئه‌رمه‌نستان کڕیوه‌ و بۆ چیاکانی قه‌ندیل گواستویانه‌ته‌وه‌.

ئه‌و سه‌رچاوانه‌ هه‌روه‌ها بانگه‌شه‌ ده‌که‌ن که‌ گرووپی جوندوڵاش به‌هه‌مان شێوه‌ چه‌کیان له‌ ئه‌رمه‌نستان کڕیوه‌ به‌ڵام ئاماژه‌یان به‌وه‌ نه‌کردوه‌ ئه‌و چه‌ک و چۆڵانه‌ چۆن و به‌ چ شێوه‌یه‌ک ده‌گوازنه‌وه‌ بۆ بلوچستان و پاکستان.

شایانی باسه‌ پێشتر زۆر جار کۆماری ئیسلامی ئێران و تورکیا، ده‌وڵه‌تی ئه‌رمه‌نستانیان به‌وه‌ تۆمه‌تبار کردوه‌ که‌ هاوکاری په‌ژاک و په‌که‌که‌ ده‌دا.



(دەنگدراوە: 0)