مستەفای حەسەنە گەورە

مستەفای حەسەنە گەورە ئەندامی ستافی کوردستانپۆست و ئەندامی دەستەی بەرێوەبەری بەرەی خەڵک، رۆژی (07 / 05 / 2020) لە وڵاتی دانیمارک بەهۆی نەخۆشی کۆڕاناوە کۆچی دوایی کرد.


کوردستان نێت بێ سه‌ره‌، یان سەر بە دەزگای پاراستنە؟

Saturday, 08.21.2010, 12:00

1212 بینراوە


دەسەڵاتی کوردی پێکهاتەیەکە لە توخمە بنچینەییەکانی بنەماڵە، ناکۆك لە سەر زۆر پرسی چارەنووسسازی میلله‌ت و کۆك لە سەر دزیی و گەندەڵیی و خزمەت بە داگیرکەرانی کوردستان.
هەردوو بنەماڵە گەرچی خاوەنی دەیان دەزگای ڕاگەیاندنی تایبەتی خۆیانن و مانگانە سەدان هەزار دۆلار لە بودجەی کۆمەڵانی خەڵکی کوردستان بە دزیی و بە ئا شکرا دەخەنە خزمەتی نووسه‌ر و رۆژنامه‌نووس و میدیاکانی خۆیان، بەبێ ئەوەی بچوکترین خزمەت بە خەڵکی بکەن. سەرەڕای ئەوەش، له‌ هه‌وڵی ئه‌وه‌دان هه‌ر مێدیانه‌ک ئازاد بێت ده‌سته‌مۆی بکه‌ن، له‌م کاره‌یاندا سه‌رکه‌وتووبوون و زۆر له‌وانه‌ی که‌ بانگه‌شه‌ی ئازادیی ده‌که‌ن، له‌ ژێره‌وه‌ خۆیان به‌ ده‌سه‌ڵات فرۆشتووه‌، زۆر له‌وانه‌ی که‌ ماڵپه‌ڕ و گۆڤار و رۆژنامه‌یان هه‌یه‌، ئه‌مڕۆ به‌ گومانه‌وه‌ تێیان ده‌ڕوانرێت، چونکه‌ کاره‌کانیان ره‌نگادانه‌وه‌ی هه‌ڵویست و په‌یوه‌ندیی نهێنیانن، که‌ له‌گه‌ڵ ده‌سه‌ڵاتی بنه‌ماڵه‌ هه‌یانبێت، کوردستان نێتی عومەر فارسیش وەک نموونە.
عومەر فارس کە خۆی به‌ نه‌ته‌وه‌یی و کوردی عه‌یاره‌ 24 داده‌نیت، پێیەکی لە هۆڵەندا و پێکەی تری لە کوردستانە هەمیشە بانەگەشەی سەربەخۆیی سایته‌که‌ی دەکات، جارجارەش زۆر لەوە زیاتر دەڕوا و داوای سەربەخۆیی کوردستان دەکات، وەك لەم چەند ڕۆژانەی ڕابوردوو بینیمان.

عومەر فارس لە بەشی ژێرەوەی سایتەکەیدا ئاوای نووسیوه‌:
ئێمه‌ وه‌ك کوردستان نێت به‌کارهێنانی ناوی خوازراو له‌ نووسیندا که‌ ئاڕاسته‌ی ده‌سه‌ڵات بکرێت و به‌ به‌ڵگه‌وه‌، گه‌نده‌ڵی و دزی به‌رپرسه‌ گه‌وره‌کان ئاشکرا بکات به‌ کارێکی دروست ده‌زانین، هه‌میشه‌ وه‌ك پرنسیپی کاری ڕۆژنامه‌وانی سه‌رچاوه‌که‌ی لای ئێمه‌ پارێزراو ده‌بێت. ‌هه‌روه‌ها نووسینی سکاڵای زوڵملێکراو و کێشه‌ی کۆمه‌ڵایه‌تی گه‌ر خاوه‌نه‌که‌ی نه‌یه‌وێت ناوی خۆی ئاشکرا بکات، مافی خۆیه‌تی به‌ڵام، ده‌بێت ئێمه‌ وه‌ك بڵاوکه‌ره‌وه‌ی کێشه‌که‌ی ناو ناونیشانی ڕاستی نوو‌سه‌ره‌که‌ی بزانیین و به‌رپرسیارێتی پاراستنی زانیارییه‌کانی هه‌ڵده‌گرین. به‌کارهێنانی ناوی خوازراو له‌ نووسیندا دژی تاکه‌ که‌س و خه‌ڵکی ئاسایی، که‌ به‌ ناو و ڕه‌سمی خۆیه‌وه‌ بابه‌ت ده‌نووسێت، به‌ هیچ شێوه‌یه‌ک قبوڵ نییه‌، وه‌ك کورد ده‌ڵێت (که‌و ئه‌و که‌وه‌یه‌ به‌ره‌وڕووی که‌و بخوێنێت). ئه‌گه‌ر له‌مه‌وپێش که‌مته‌رخه‌میمان له‌م بڕیاره‌ماندا کردبێت داوای لێبووردن ده‌که‌ین. کوردستان نێت..6-6-2007

کەچی دەیانجار بە پێچەوانەی ئەو بانگەشە چەواشەکارانەی ڕەفتار دەکات.
هەند جارێکی تریش لەلایەن کەسانی تروە ڕووبەڕووی هەمان ڕەخنە بۆتەوە!
قسە و باسەکەکانم لەوچەند دێڕەی خوارەوە کورت دەکەمەوە..
من و عومەر فارس هەردووکمان ئەندامی ڕێکخراوی چاک بووین ، پێشتر و پێش ئه‌وه‌ی گومانه‌کان له‌ سه‌ری که‌ڵه‌که‌ ببێت، دەیان بابەتی منی بێ هیچ سانسۆرێک بڵاو کردۆتەوە، بەڵام کاتێک وەک ئەندامێکی چاک و کەسوکاری قوربانیان دەستم برد بۆ پرسی دادگایی جاش و ئەنفالچییە کوردەکان، بەڕێزەوە داوام لەسەرۆکی هەرێم کرد کەناکرێت سەرۆک داوای پیادەکردنی یاسا بکات و دەیان جاش و ئەنفالچی لەژێر سایەی ئەودا بحەوێنەوە! ئەوسا گۆڕان ئاسا بە زمانی گوڵ لەگەڵ سەرۆکەکەی عومەر فارس دەدوام بە بەڕێز سەرۆکی هەرێمم ناو دەبرد، کەچی له‌ بەرامبەر ئەو کارە شارستانییە و حەقخوازەی مندا کاردانەوەی پارتی و پاراستن بۆمن هێرشی ناڕەوایی ڕاگەیاندن بوو لە ڕێگای سایتەکانی نیشتیمان نێتی بەختیار سەعید و سایتی بەدناوی ڕۆشنایی.
ئێستا کوردستان نێت بە زیادەوە ئەو بۆشاییەی بۆ پاراستن پڕ کردۆتەوە و بەداخەوە کە هەندێک که‌سیش، خۆیان گێل دەکەن، بابەت و نووسین لە لای ئەم بڵاودەکەنەوە، کە بە ڕای من لەلای سایتە ئاشکراکانی سەر بەدەسەڵات بڵاوی بکەنەوە گەلێک باشترە، چونکه‌ یه‌ک لایه‌نی ئه‌وانه‌ یه‌کلابۆته‌وه‌.
ناوەندی چاک وەک ئەرکێکی ڕاگەیاندنی خۆی لەبەرامبەر هێرشی ناڕەوای پارتی، وەڵامی پارتی و پاراستنی دایەوە و بەزمانێکی سیاسییانه‌ و نەرم، داوای لە پارتی کرد کە لەجیاتی هێرش بکەنە سەر من، باشتره‌ سەرۆک جاش و ئەنفالچیەکان ڕادەستی دادگا بکەن، کەچی عومەر فارس ئامادە نەبوو ئەو وەڵامەی ناوەندی چاک بڵاوبکاتەوە ئەگەر بپرسین بۆچی؟ هەڵبەتە وەڵامەکەی ڕوون و ئاشکرایە!
عومەر فارس بەرژەوەندییە تایبەتییەکانی خۆی لەگەڵ دەزگای بەد ناوی پاراستن، هه‌رگیز بەناوەندی چاک ناگۆڕێتەوە؟
دوای ئەوەی عومەر فارسم لە کۆنگرەی دووی چاک بینی لە ئەڵمانیا هیچ کاردانەوەیەکی وام نەنواند لە بەرامبەریدا، بە پێچەوانەشەوە هەوڵی ئەوەماندا ئەو بارگرژییە کەم بکەینەوە. کەچی دوای ئه‌وه‌ خراپتر و خه‌ستتر هێندەی نەبرد هەر لە سایته‌کەی عومەر فارسدا بە ناوی خوازراوەوه‌ چەند جارێک پەلامارم درایەوە.

عومەر فارس و دۆسیەی سەردەشت عوسمان
ناردنی ئیمەیلێک داوای وێنە کردن لەم بابەتە هەستیارە لە سەردەشت پاشان ئیمەیلی دووه‌م بڕوا نەکردن بە وێنەکەی ئایا ئەم پرسیارەی عومەر فارس هەر لە خۆڕا هاتووە، یان لەسەرەوە فەرمانی پێکراوە؟
ئەم ئیمەیل ناردنە بۆ سەردەشت عوسمان و دڵنیا بوونەوە لە وێنەکە لەسەر بابەتێکی گەلێک هەستیار کە ئاسایشی نەتەوەیی بنەماڵە دەهەژێنێت دەرگای زۆرقسە و باس هەڵدەگرێت، کاتی خۆی زۆرمان لەسەر ئەم بابەتە نووسی، عومەر فارس هەرچەند نکوڵی بکات، که‌ نه‌شیکردووه‌، ناتوانێت خۆی لە بەشدرانەبوونی تاوانی ئاشکرابوون که‌سایه‌تیی و تیرۆرکردنی سەردەشت له‌لایه‌ن پاراستن پاک بکاتەوە، زۆریشم پێ سەیرە، ده‌سه‌ڵاتئاسا، فرمێسکی تیمساحانە بۆ سەردەشت هەڵدەڕێژێت، کاتێکیش دەبینم کەسانێک خۆیان بە کۆمنیست و چەپ و شۆڕشگێر دەزانن لە زمان درێژی و بابەت نوسین کەس پێیان ناوێرێت دێن بابەتەکانیان کوردستان نێت بڵاو دەکەنەوە!
هیوادارم ڕۆژێک بێت لە دادگایەکدا ئەم ڕاستییانە دەر بکەون، ئەوسا ئەو نووسەرو ڕۆژنامەنووسانەی، که‌ لەیادی ساڵەی پاراستن نێتدا بروسکەی پیرۆزبایی بۆ دەنێرن، ئاخۆ ئه‌و کاته‌ دەبێت هەڵوێستیان چی بێت، که‌ ناشیانبێت!.
لەکۆتایدا دەڵێم چاودێری کوردۆ ساید و حیزبه‌ کۆمۆنیسته‌کانیش بە هەموو باڵەکانیانەوە، پاسۆکه‌ به‌ ناو نه‌ته‌وه‌ییه‌کانیش، زۆر بێ هەڵوێست بوون لە بەرامبەر دەوری عومەر فارس لە کەیسی سەردەشت عوسمان.
ئێستاشی لەگەڵدا بێت بابەتەکانیان لە کوردستان نێت بڵاو دەکەنەوە.