هێزی بزوێنەری مێژوو...  شۆڕش و راپەڕینە، نەک قسەکردن و رەخنەگرتن


شیعە مەزهەبێك پڕلە گریان..خۆشەویستیەك پڕ لە ڕق

Thursday, 12.11.2014, 12:00

884 بینراوە


ئەم بابەتە شرۆڤەیەكە دوور لە حەزی(خۆدەرخستن یاخود ڕق لێبوونەوە یان بەكەم سەیركردن بەڵكو خستنەڕووی ڕاستیێكی مێژووی شێوێنراوە)بۆیە دەبێت بەگیانێكی دیالۆگی و مرۆڤ بوونەوە بخوێنرێتەوە، بۆئەوەی راِستیەكی تاڵ قبوڵ بكەین.كەجگە لەوەهم هیچی ترنیە بۆ هێشتنەوەی بازاڕی كۆیلایەتی بەئاوەدانی لەلایەن چەواشەكارانەوە بەناوی ئاین و پەیامی خودایی...لەدوای كوژرانی(حوسەینی كوڕی عەلی)لەسەردەستی(یەزیدی كوڕی معاویە)وكردنی سەری پەڕیوی حوسەین بەڕمێكی جەنگیەوەو سوكایەتی پێكردنی سۆزی لایەنگرانی حوسەین گۆڕدرا بەڕق وتۆڵەو بەرەنگاربوونەوە، لێرەوەدۆخێكی نەخوازراو هاتە ئاراوەو بازنەی پیرۆزیەئاینیەكان فراوان كران لەپێناو بەرژەوەندی كەسەكاندا، بەجۆرێك هەمووپیرۆزیەكان گروپی داكۆكیكار لەخوێنی حوسەین خستیانە بەرەی خۆیان و ئەوانی تریش بەپشتیوانی كردن لەبكوژانی حوسەین تاوانباركران لێرەوە ڕێڕەوی گەیاندنی پەیامی ئیسلام بەئاقاری تۆڵەدا برا بەجۆرێك تائەمڕۆ بەردەوامی هەیە تەنانەت هەنگاوە سیاسیەكانیش دەبێت لەكاروباری دەوڵەت داریدا ڕەزامەندی بەناو مەرجەعە شیعیەكانی تیا وەربگیرێت،كاردانەوەكان بەم ئاستەوە نەوەستاون تەنانەت پەیوەندی ووڵاتانی ئیسلامی و عەرەبی ناوچەیی جۆری مەزهەبەكە دیاری دەكات كەهەندێك جار بەستەڵەكی ئەو پەیوەندیانە نزیك لەسەدەیەكی خایاندووەو باجەكەشی هاووڵاتیان داویانە، ئێستا دوو خوێندنەوە دێتە ئارایەكەم(كوشتنی حوسەین) كەهەمووان كۆكین لەسەر ئەوەی بەناڕەوا كوژراوەو سوكیایەتی كردنیش بەتەرمەكەی لەبەهای ئەخلاقی مرۆیدا جێی نابێتەوە، بەڵام پرسیارە جەوهەریەكە ئەمەیە(دەبێت تاكەی تۆڵە لەبكوژانی حوسەین بكرێتە داینەمۆی دژایەتی لەنێوان گەلاندا) لێرەوە دەبێت واقعیانە بیربكەینەوە دوور لەهەڵچونی تائیفی و مەزهەبی چونكە دەمانەوێت سنورێك بۆ(پیرۆزكردنی كوشتنی مرۆڤەكان دابنێین لەژێرهاوار بۆتۆڵەی حوسەین)دا دەكرێت بیرمەندانی شیعەو ڕوناكبیرانی ئەومەزهەبە دەست بەهوشیاركردنەوەی گەلانی (شیعە مەزهەب)بكەن لەڕێی سیمینارو بەرنامەو كتێب و چاوپێكەتنەوە لەپێناو ڕاگرتنی ئەو ڕووباری خوێنەی كەبەناوی مەزهەبەوە دەڕێژرێت بەتایبەت لەعیراقدا، ئەوانەی سەرمەشقی ئەم شەڕی بەرژەوەندیە دەكەن زۆر لێزانانە ژێردەستەكانیان جۆش دەدەن بۆ كوشتن و ڕق لێبوونەوەی بەرامبەرەكانیان لەكاتێكدا ئەم حاڵەتی كوشتنە لەقورئاندا(تحریم)كراوە بەناهەق خوێنی هیچ مرۆڤێك بڕێژرێت،بەڵام حەزی دەستەڵات وای كردووە هەموو پیرۆزیەكان بخرێنە ژێر بەزەیی كەسێكەوە كە چارەنوسی گەلانی بەخۆی سپاردووە هەروەك سەرپێچیش لەفەرمانەكانی وەكو سەرپێچی لەخوا دێتە ئەژمار،لێرەوە نوسینەكەمان شێوازێكی زانستی و عەقڵانیمان لێ دەخوازێت بۆ گەشتن بەڕاستیەكان ئەگەر مەبەست لەتۆڵەسەندنەوەیە لەبكوژانی(حوسەین) ئەوا لای هەمووان ئاشكرایە كە لەو سەردەمەدا تۆڵەیان لێ سەندرایەوەو كوژران تەنانەت هەندێكیان بەشێوازی قێزەون تووشی نەخۆشی بوون تاكۆتایی ژیانیا ن واتە ئەوتراژیدیا نەخوازراوە لەهەمان سەردەمدا كۆتایی پێ هێنراو لاپەڕەیەكی مێژووی ڕەشی كوشتن لادرایەوە، بەڵام دوای چواردە سەدە ئێستا شێوازی ئەوكوشتنە لەلایەن هەندێك هەلپەرستی پاوانخوازەوە نمایش دەكرێت لەیادكردنەوەیدا بەجۆرێك هەر ئەندامێكی مەزهەبی شیعی كەسێكی سونی سەدەی بیست و یەك بەكوڕەزای (معاویەو یەزید)دەبینێت بۆیە تائێستاش تۆڵە لەچاوی هەڵگرانی ئەو مەزهەبە دەبینرێت بەرامبەر بە نەیارەكانیان لەمەزهەبی سونە و ،كاربەو ئاستە گەشتووە لە بەجێ هێنانی پەرستشەكانیاندا جیاوازی جەوهەری بەدی دەكرێت تادەگاتە بواری (عقیدی) واتە تێ ڕوانینیان بۆ خودی خواو پێغەمبەرو عەلی و عومەرعائیشە زۆر دوورە لەیەكەوە بەجۆرێك ئەمان جگە لە(ئالی بەیتیان) پێ قبوڵ نیە ،هەروەك پیرۆزكردنی ئەندامانی ئالوبەیتیان بە ئاست (خوداوەند) گەیاندووەو لەژیانی ڕۆژانەیاندا لەبری هاوار لەخوا هەمووان ووشەی(یاعلی) دەبیستین، ئێستا گرفتەكە ئەوەیە كە كوشتن پیرۆزكراوەو بە(ێدقە جاریە)دەژمێررێت لەلایەن شوێن كەوتوانی هەردوو مەزهەبەوە، دوای ئەم ڕوونكردنەوەیە ئێستا شتێكی پەنهان لەمەزهەبی شیعەدا بەدەردەكەوێت ئەویش(ڕازاندنەوەی خۆشەویستی حوسەین و ئالی بەیت بەڕقێكی ئەستووربەرامبەر بەشوێنكەوتوانی مەزهەبی سوونە) بەجۆرێك جگە لەخۆیان هەمووان بەگومڕا لەقەڵەم دەدەن و بە(گروپە گوماڕاكەی عومەر ناوزەدیان دەكەن)،ئێستا پرسیارێكی جەوهەری دێتە ئاراوە ئەویش ئەمەیە باشە وەك هەموومان دەزانین(عومەروعوسمان وعلی باوكی حوسەینیش)بەناهەق كوژران ئەی بۆ باس لەكوشتنی ئەوان ناكرێت لەكاتێكدا ئەو سیانە لەپۆستی هەستیاردا بوون واتە هەریەكەیان فەرمانڕەوای موسڵمانان بووە بەڵام حوسەین هیچ پۆستێكی نەبوو بەڵام بەدوای (بەیعەتی خەڵكی كوفە)كەوتبوو؟؟ مێژووی ئیسلام پڕیەتی لەنەهامەتی بۆ مرۆڤایەتی لەدوای(پەیامبەری ئیسلامە)ەوە چونكە كوشتنی مرۆڤەكان ئەوەندە نۆڕماڵ كرا تاكار بەوە گەشتووە مرۆڤ لەسەر(ناو)بكوژرێت بەخوێنێكی ساردەوە،لەكاتێكدا خودی ئیسلام لەیەكەم هەنگاویدا لەسەر دەستی پەیامبەرەكەی(د.خ) دوای ئازادكردنی مەككە پراكتیزەی كرد بەهەڵوێستێك كەمرۆڤایەتی سەرسامە پێی ئەویش بەخشینی هەموو نەیارانی بوو لەقوڕەیش بەڵام شوێنكەوتوانی ئەو دوای خۆی حەزی پۆست و تۆڵەو پاوانخوازی بنەماڵەیی هەموو قیە م و بەهاباڵاكانی ئەوی لەبیربردنەوە بۆیە ئێستا دواكەوتووترین گەلان لەجیهاندا سەرەڕای ئەوهەموو داهات و بەخششە سروشتیانەی كە هەیانە گەلانیئیسلامین تەنانەت ڕۆژانی پشوو لەلای ووڵاتێكی مەزهەبی وەكو عیراق نزیك بووەتەوە (لەنیوەی ساڵەكە) واتە لەساڵێكدا نیوەی بۆ بۆنەی كوشتن و بڕینە لێرەوە نەگەبەتی گەلانی دواكەوتوو لە جیهانی ئیسلامیدا دەبینین، ئێستاش كات زۆر لەبەردەممان ماوە بۆ زیندوو ڕاگرتنی هەستی مرۆڤ بوون و چاندنی تۆۆی خۆشەویستی لەنێوان تاكەكانی كۆمەڵگەی مرۆڤایەتیدا بەجۆرێك ئاین بۆ چاندنی خۆشەویستی ئەكتیڤ بكرێت نەك ڕق و تۆڵەو كوشتن و سڕینەوەو پەراوێزخستن، سەركردەو ڕابەرە مەزهەبیەكانی شیعە زۆر لێزانانە شەقامی شیعیان (سڕكردووە) ئەویش لەڕێی لاوانەوەو پاڕانەوەو چاوەڕوانی بەزەیی بۆیان لە زیندوو ڕاگرتنی بۆنەكانیانەوە كەزیاتر مۆركی (ژێردەستەی) پێوە دیارە تەنانەت هۆنراوەكانیشیان بەهەمان شێوە تەنها باس لەكوشتنی حوسەین و خانەوادەكەی دەكەن هەتا هەستی تۆڵە زۆر ئەكتیڤ بێت لەلای تاكی شیعی و دەرگای لێبووردەی و پێكەوە ژیانیان لێ دابخەن بەجۆرێك دواكەوتن لەو بۆنەیە خاوەنەكەی دەخاتە ژێرپرسیارەوە لەڕووی(گومان لەبیروباوەڕەكەی) بۆیە پیرۆزكردنی ئەم بۆنانە تاكە فاكتەری ڕێبەرانی مەزهەبی شیعەیە بەرامبەر بە تاك بەتاكی شوێن كەوتەی ئەم مەزهەبە ،بەوردبوونەوە لەم پانۆرامایەی شیعەكان لایەنێكی شاراوە بەدی دەكرێت ئەویش ئامادەنەبوونی خودی كەسی یەكەمی ئەم مەزهەبەیە لەو بۆنەیەدا لەشوێنەپیرۆزەكانی شیعە كە(نەجەف و كەربەلا)ن نازانم بۆ دەبێت ئەندامانی ئەم مەزهەبە ئەوەندە سادەبن جورئەتی پرسیاریان نەبێت لەهۆی ئامادەنەبوونی كەسانی یەكەمی ئەم مەزهەبە لەو یادەدا ؟؟؟ ووتارە ئاگرینەكانی سەركردە شیعەكان چ لەخەتی (مەرجەع چ لەخەتی سیاسی) وای كردووە كۆمەڵگا بەردەوام لەحاڵەتی (هەڵچوندا) بێت و ئامادەباش بێت بۆ هەر بەرەنگاربوونەوەیەك لەگەڵ بەرامبەردا كەهەمان تاكی ئەو كۆمەڵگەیە،بەجۆرێك كوشتنی حوسەین دەبەستنەوە بەتاكێكی ئەم سەردەمە (كەوێنەی حوسەینیشی نەبینیوە،) لێرەوە دووڕووی سیاسیە مەزهەبیەكان بەدەر دەكەوێت ئەویش بەبەشداری كردنیان لەگەڵ سەرانی سوونە لەكایەی سیاسیداو تەوقەو پێكەنین و تەنانەت بزنسیش بەڕی دەكەن لەگەڵیاندا بەڵام ناولێنانی منداڵێك بەناوی(عومەر)بەكوفر دەزانن بۆیە خۆپیشاندانی شیعە وەكو (ستەم لێكراو)تەنها مەبەست لێی چاندنی تۆۆی تۆڵەو ڕقە لەناخی شوێنكەوتوانی مەزهەبەكەیاندا، لەبەرامبەردا (سونەكان)گروپی تەكفیری و توندڕەو تیرۆر بەرهەم دێنن لەدژایەتی ئەماندا چونكە(شیعە)ئاڵای ئالوبەیتی بەخۆی بەخشیوەو هەموو تاكێكی كۆمەڵگەی شیعی دەبێت فێری هونەری گریان بكرێت دوور لەویستی خۆی چونكە ئەم گریانە نمایشی ساختەی كەسانێكە بۆ لەخشتەبردنی نەوەی داهاتوو بۆیە گریان هیچ كات پێناسە نیە بۆ ڕەوایەتی داواكاری بەڵكو چەكێكی هەڵخەڵەتێنەرە بەرامبەری پێ لەخشتە دەبرێت ،خۆشەویستی بەگریان و لەخۆدان دەرنابڕێت بەڵكو كلتووری (لێبووردەیی) ڕووی ڕاستەقینەی خۆشەویستیە، لەكۆتایدا دەڵێم بۆ دەبێت مرۆڤانێك بكرێنە قۆچی قوربانی هەڵەیەك كە ئەمان دەستیان تیانەبووە بگرە لەو سەردەمەشدا نەژیاون بەڵكو هەموو تاكێكی ئێستا خۆی بێ بەری دەكات لەوتراژیدیا قێزەونەی كوشتنی حوسەین.

كامه‌ران/گوڵپی