كابینەى نوێ و ســەرەك وەزیرانى لاچەپەك

Thursday, 05/11/2009, 12:00

1758 بینراوە

پاش هاتن و چون و خۆ تەنگەتاو كردنێكى زۆر و هەندێك ئەملا و ئەولا كردن كابینەى نوێمان (كە لە ڕاســتیدا هیچ نوێ و تازەیەكى تیا نابینرێ) بە ســەرۆكایەتى ســەرەك وەزیرانى دانراومان ئاخرى پاش ســێ مانگ لە هەڵبژاردنى پەرلەمانى كوردســتانەكەمان یەكەم كۆبوونەوەیان گرێدا، من زۆر دەســتەواژە و تێرمم لەو ڕســتەیەى پێشــومدا پەڕاند لە ڕاســتیشــدا خۆى هەر نەبووە تا من بیپەڕێنم، ئەویش پاش هەڵبژاردن دەبێ بڵێین ئاخرى ســەرەك وەزیران ســەركەوتنى بەدەســت هێنا لە پێكەوەنانى كابینەى نۆێدا، جا ئەم ڕســتەیەى دوایى ئەگەر من پەڕاندبێتم هەقى خۆمە چونكە ئەو ڕووداوە ڕووى نەداوە تا شــایانى باس بێت، بەڵكوو ڕاســتتر وایە بڵێین ســەرەك وەزیران ئاخرى ســەركەوتنى بەدەســت هێنا تا ئەو وەزیرانەى لە مێژە بۆى دیارى كراوە بە دەورى خۆیدا كۆ بكاتەوە كە ئەمەش بە ڕاســتى فەن و لێهاتوویى یە مرۆڤێك بتوانێ تەحەمولى بكات، چونكە هونەرەكەى چى یە كە تۆ بەرنامەیكت هەبێت و بتەوێت بە لێهاتوویى و ویســتى خۆت تەشــكیلەیەك پێك بهێنیت تا لە ئاســتى ئەو بەرنامەیەدا بێت كە تۆ داتڕشــتووە بۆ بەڕێوە بردنى ئەم هەرێمە كە بێشــك ئەبێ خۆت بگەڕێیت كەســى شــیا و بۆ ئەو بەرنامەیە پەیدا بكەى ، بەڵام ئەمانە كەســەكانیان بۆ دانراوە چونكە بەرنامەیەك لە ئارادانیە تا پیادە بكرێت، ئەمە كوت و مت وەك ئەوە وایە مەتەڵ پێچەوانە بكەیتەوە و بڵێیت (كڵاو) مەتەڵەكەى چیە.
ئەم ســەركوزەشــتەیەى ئەم بەڕێز ســەرەك وەزیرەمان ســەردەمى منداڵى ســاڵانى زووى خۆمانم بیر دەخاتەوە كە دایكو باوكمان دەچوونە بازاڕ بۆ كڕینى كاڵا و جل و بەرگ بۆمان بێ ئەوەى خۆمان بەرن تا بە ئارەزووى خۆمان یان بەپێ ى گونجاوى قەبارەكەى هەڵیبژێرین، كاتێكمان دەزانى هەندێ پێداویســتى وەكوو جل كە ئەوســا شــەرواڵ و مرادخانى حازرى یان پێڵا و كراس و پاڵتۆیەكیان بۆ دەهێناین و لە پڕێكدا بێ ئەوەى خۆشــمان زانیبێتمان چووبن بۆ شــت كڕینى ئێمە بانگیان ئەكردین ئا كوڕم ئەمانە لە بەر كە بۆمان كڕیویت، جارێ یەكســەر ڕەنگى جل و بەرگەكە دڵى لەو خۆشــیە هەڵئەكەندین كە مزگێنى كڕینى جل و بەرگەكە لە ســەرەتادا پێ ى ئەبەخشــین، بەڵام ئەلحوكمو لیلا دەســتمان ئەكرد بە لەبەر كردنى جلەكان پاشــان گۆرەوى و پێڵا و بەڵام چى بێ لە ئێوە نهێنى پێڵاو تەنگ و جلە كوردیەكەش فش و درێژ، قۆڵ و دەرەلنگەكەى دەبوایە دوو ســێ لۆ بكرایەتەوە ئینجا دەتزانى كامە دەســت و قاچى چەپ و ڕاســتتە، بە هەرحاڵ هەندێ گووڕومان ئەگرت و نابەدڵیمان هەڵئەڕشــت بەڵام دایە و بابە بە چاو زیت كردنەوە و قەناعەت پێكردنمان كۆتاییان بەو بار گرژى یە ئەهێنا، دەســا خەڵكى ســەمدیدەى كورد ســیناریۆى ســەرەك وەزیران و كابینەكەى كوت و مت ئەو ســەركوزەشــتەیەى جل و بەرگەكانە بگرە جیاوازیەكیشــى هەیە كە ئێمە ئەوكاتە نابەدڵیش ئەبووین بەو جل و بەرگە نوێ یەمان لە گەڵ چاو زیت كردنەوە و قەناعەت پێ كردنەكەى دایە و بابەدا دوو ماچى لا ڕوومەتیشــیان ئەكردین و ئەیانووت ئیف كە لێ ى جوانە ، ئیدى تۆرانەكەمان بیر ئەچۆوە، بەڵام ســەرەك وەزیرەكەى ئێمە لە گەڵ ئەوەى ئەزانم هیچ ئیرادە و خواســتێكى لە تەشــكیلەى حكومەتەكەیدا نەبووە بەڵام دایە و بابەى حیزبەكانى دڵنەواییەكیان نەدایەوە بگرە لەوە دەچوو كۆبوونەوەكەى یەكەمى لەگەڵ كابینەكەیدا نەخشــە و دیزاینى تایبەتى بۆ كراوە كە بەو جۆرە بێت و هێندەى تر دڵتەنگى ئەكەن، خەڵكینە دەزانن ئەو جۆرە دیزانە چۆن بوو خۆ لە تەلەفیزیۆندا دیتان ســەرەك وەزیرانى هەرێمى كوردســتان (بە حســاب هەڵبژێردراوى گەلە) لە هۆڵى كۆبونەوەكەدا لە شــوێنى خۆى دانەنیشــتبوو كە ئەو كورســیەى كۆتایى دواوەى مێزەكەیە و لە ناوەڕاســتدایە و وەزیرەكانیش لەم لاو لاى تەنیشــتیەوە ئەبێ دانیشــن كە ئەوە عورفى هەموو شــوێنانى دیكەیە كە ئەو كاربەدەســتە هەمیشــە لە شــوێنى Chair man دائەنیشــێت و ئەبێ موســەیتر بێت بە ســەر هەردوو لاى ڕاســت و چەپى خۆیا كەچى ئەم بەڕێزەمان نازانم بۆخۆى یان پێ ى ووترابوو لە شــوێنێكى لاچەپەكى بەرێكى مێزەكەدا لە ناو وەزیرەكانیدا دانیشــتبوو قســەى بۆ ئەكردن، جا نازانم هەر ئەمجارەیە كە یەكەم جاریەتى و جارێ تازەیە و ڕووى نەكراوەتەوە بۆیە زۆر هەڵنەكشــاوەتە ســەرەوەى دیواخان یان هەمیشــەیى دەبێت و وەكوو بچوكى ناو دیوەخان حســابى بۆ ئەكرێت، بۆیەجێگاكەى خۆى بەتاڵ بوو، لەو ســەرەوە لە دوورەوە دیاربوو كە لە پشــتیەوە وێنەیەكى باوك هەڵواســرابوو بەڵام ئەم باوكەى ئەم وادیارە عورفى عەشــایەرى كۆن بەكار دەهێنێ كە منداڵ و مەزن بۆیان نیە بێنە ســەرەوەى دیواخان دانیشــن و جێگایان هەر لاى قاپى دیواخانەكەیە.
ســلێمانى 2/11/2009