بەپەلە... كۆمسیۆنى لەهەوڵى غەشكردندایە

Wednesday, 06.17.2009, 12:00

838 بینراوە


سەرچاوەیەك لەئۆفیسى هەولێرى كۆمسیۆنى باڵاى سەربەخۆیی هەڵبژارندنەكان، ئاگادارى لیستو قەوارە بەشداربووەكانى هەڵبژاردنى پەرلەمانى كوردستان دەكاتەوەو دەَڵیت((تا زووە فریاى خۆیان بكەونو نەهێڵن دەسەڵات بەدەردى هەڵبژاردنەكانى سەرۆكایەتەتى ئێرانیان بەرن)).
سەرچاوەیەكى ئاگادار لەئۆفیسى هەولێرى كۆمسیۆنى باڵاى سەربەخۆیی هەڵبژارندنەكان ڕایگەیاند، كۆمسیۆنى ناوبراو بەهاوكارى چەند ئەندازیارێكى بەتواناى (سۆفت وێر) و بەیارمەتى یەكێتى پارتى، لەئێستادا سەرقاڵى دروستكردنى پرۆگرامێكن بۆ جیاكردنەوەى دەنگەكانى ڕۆژى هەڵبژاردن.
سەرچاوەكە وتى:" ئەو پرۆگرامە بەشێوازێك بەنیازن دایڕێژن كە لەكاتى جیاكردنەوەى دەنگەكاندا لیستى كوردستان بەهیچ شێوەیەك لەڕێژەى (70%) نەیەتە خوارەوە،واتە گەر قەوارە بەشداربووەكانى تر (50%)ى دەنگەكانیش بەدەستبهێنن، ئەو پرۆگرامە (30%) دەنگەكان دەخاتە سەر لیستى كوردستانى".
وتیشى:" ئێستا پرۆگرامە تەواو بووەو ڕۆژانە تاقیكردنەوەى تیادا ئەنجام دەدەن".
سەرچاوەكە تەئكیدى كردەوە كە( یەكێتى پارتى بۆ ئەو مەبەستە بودجەیەكى خەیاڵیان دابینكردووە)).
سەرچاوەكە وتەكانى سەرانى یەكێتى پارتى بیرهێنایەوەو وتى:" پەرپرسانى هەردوولا بەپشت بەستن بەو بەرنامەیە، لەهەموو كۆڕو كۆبوونەوەیەكدا دەڵێن((لیستى كوردستانى لەهەڵبژاردنەكاندا 70%) ى دەنگەكان بەدەستدێنێت".
17/6/2009