بەراستى میللەتیکى نەخۆشین و خۆشمان نازانین چى ئەکەین و چۆن کیشە و دۆزەکەمان بەدنیا بناسێنین! بەسەدان کەسى ناپاک خائین ولات فرۆش، لەژێر ئاڵاى کوردستاندا وەک قارچک هەڵتۆقین و بوون بەشت،تا دوێنى دینار لەگیرفانیانا نەبو، ئێستا خاوەن کۆمپانیا و حزب و مۆئەسەساتن. بەهەزارانمان لەژیر ئەو ئاڵایەدا خیانەتیان کرد .بەسەدان هەزار جاش ناپاک وخائین بەپاساوى ئەو ئاڵایە،زوڵم وناهەقى و دەست درێژی لە رۆڵەکانى ئەم گەڵ کرد بەهەزارانیى لە کونجى زیندانەکانى ئەمن و ئەبو غرێب توند کرد ،کەچى نەبیستمان نبینیمان نەگوێمان لى َ بوو کەسێک دەنگ بەرز بکاتەوە بڵى بَیناموسینە ئەو گەرەترین خیانەت و ناپاکی بوو لەگەل و وڵات کردتان،هەقە هەر بەپەتى ئەو ئاڵایە بتانخنکێنین. بەڵام پێچەوانە کەوتەوە، ئەوەى تا دوێنى بێ رێزى و بێ حورمەتى بەئاڵا دەکرد، ئێستا بەرپرسە،پارەدارە و لەریزى پێشەوە ئەژماردەکرێت.کەچى ئێستا بەپاساوى سوتاندن یان سوکایەتى بەئاڵاى کوردستان، کۆمەڵێک کەس ،زیاتر ئەوانەى کە لە بەنزیکبونەوەى کورد و بەغدا کە بەپلەى یەکەم میللەت تیایدا قازانج دەکات و ئاهێکى بە بەردا دێتەوە لەژێر چەپۆکى حزبە زاڵمەکان رزگارى دەبێت زارەترەک بون، دێن ئەو وێنانە بڵاو دەکەنەوە، تا هەست و بیرى تەسکى ناسیونالیستیمان ببزوێت، لەبەرامبەر ئەو کارە ساویلکە ومناڵانەیەدا پەرچە کردارێک بکەین ، بەنزین بکەین بەو ئاگرەدا، کە ساڵانێکە مەسعود بارزانى لەدژى رژێمى بەغدا و بەفیت و موئامەرەى تورکیا هەڵیگرسیاندوە، تاکە مەبەست لێى تەنها مانەوەى رەوشەکەیە بەو شێوەیە کە لەبرژەوەندى مەسعود وکورسیەکەى کۆتایى دێت.، ئەگەرنا پارتى و لایەنەکان هێندە دڵسۆز و خەمخۆرى ئاڵا نیین، ئەى کێ بوو لەپاڵ ئەو ئاڵایەدا رێز وحورمەتى حکومەتى لە31 ئابدا خستە بن پێوە؟ کام لایەنە بوو کاتێک دەیبینى گاردى کۆمارى لەپاڵ ئەنجومەنى نیشتمیانیدا بۆسوکایەتى بەکورد و مەسعود و هەرێمەکەى، بەئاڵاى کوردستان پۆستاڵیان دەسڕى. ئەى ئەگەر ئاڵا ئەوەندە پیرۆز و پڕ بەهایە، بۆچى جەنابى سەرۆک لەکاتى سەردانى بۆ ئەتاتورک خانەکان ناوێرێت هڵەڵی بکات؟ تاکە مەبەست و مەرام لەم سیناریۆیە ئەوەیەکە تەنها برسى و گیرفان خاڵییەکانى وڵات زیاتر بەقوڕدا بچن و رەوایى بە شەڕى مەسعود لەگەڵ دەسەڵاتى بەغدا دا لەژێر پەردەى ئاڵا و ناکۆکى حەشدى شەعبیدا بدات. تا تەمەنى ویلایەتە دۆڕاوەکەى چەند ساڵێک درێژ بکاتەوە.
من لەهەموو کوردێکى دڵسۆز و ئاڵا خۆشەویست و قوربانیدە دەپرسم: ئاڵایەکم بۆچىیە کە بەدەست خائین و ناپاکەوە بێت؟ من چى لەئاڵایەک بکەم کە ئەم دەسەلاتە بەرزی دەکاتەوە، جگە لەماڵوێرانى و نەهامەتى هیچى بۆ من نەبووە؟ من چ خێرێک لەوئاڵایە دەبینم کە بۆ ئەوان گەورەترین خێرو قازانجى هەبێت، بۆمنیش شەهید بون و ماڵ وێرانى و پاش مەرگم بۆ موزایدە و خۆشیرین کردن لەتابوتەکەمى بئاڵێنن؟
لاى من مرۆڤ لەهەمووشت پیرۆزترە؟ هەرچى مەزهەب و ئاین و پەرچەم و دروشم هەیە گەر نەتوانێت مناڵێک لەبرسان و لەسەرمان قوتار بکات، چاکترە نەبێت.