هه‌ڵۆکانى ئازادى چالاکیه‌که‌ى ئه‌نقه‌ره له‌ئه‌ستۆ ده‌گرن
Friday, 19/02/2016, 22:05
1767 بینراوە
رۆژنیوز ــ ناوه‌ندى هه‌واڵه‌کان
هه‌ڵۆکانى ئازادى کوردستان (TAK) چالاکییه‌که‌ى ئه‌نقه‌ره ده‌گرنه ئه‌ستۆ و ناسنامه‌ى ئه‌و که‌سه‌ى چالاکیه‌که‌شى ئه‌نجامداوه ئاشکرا ده‌کات.
له‌راگه‌یاندراوێکى نوسراو دا هه‌ڵۆکانى ئازادى کوردستان ناسراو به ( تاک) رایده‌گه‌یه‌نێت:" رۆژى 17ى شوباتى 2016 کاتژمێر 18:30 خوله‌ک له‌ئه‌نقه‌ره له‌دژى کاروانێکى سه‌ربازى سوپاى تورکى فاشیست ، له‌چالاکییه‌کى تۆڵه‌سه‌ندنه‌وه‌دا که ئێمه وه‌ک هه‌ڵۆکانى ئازادى کوردستان ئه‌نجامماندا به‌سه‌دان سه‌ربازى تورکى فاشیست کوژران. چالاکییه‌که له‌لایه‌ن قاره‌مانى گه‌لى کورد زنار راپه‌رین ( عه‌بدولباقى سۆنمه‌ز) پێکهاتووه و له‌و چالاکیه‌دا ئۆتۆمبێلێکى بۆمبرێژکراو به‌کارهاتووه."
TAK ده‌ڵێت:" ئه‌م چالاکیه له‌به‌رامبه‌ر تۆڵسه‌ندنه‌وه‌ى ئه‌و هاوڵاتیه بێ تاوانانه‌ى له‌ژێرزه‌مینه‌کانى جزیره به‌شێوه‌یه‌کى زۆر دڕندانه له‌لایه‌ن سوپاى تورکى داگیرکه‌ره‌وه شه‌هیدکران، ئه‌نجامدراوه. با هه‌موو که‌سێک ئه‌وه بزانێت که به‌رپرسیار که‌سانه‌ن که فه‌رمانى سوتاندنى هاوڵاتیانى برینداریان داوه. چه‌ته‌کانى ئه‌ردۆغان و ئاکه‌په‌ى فاشیست که له‌شه‌ڕدا هیچ پێوانێک ناناسن ، ئه‌و شارانه‌یان هه‌ڵوه‌شاندنه‌وه که گه‌له‌که‌مان تیایدا ده‌ژیت، ده‌بێت بزانن که ئه‌و ئاگره ئه‌وانیش ده‌سوتێنێت."
هه‌روه‌ها هاتووه:" ئێمه وه‌ک هه‌ڵۆکانى ئازادى کوردستان پێشتریش رامانگه‌یاندبوو ؛ تۆڵه‌ى هه‌موو هێرشه‌کانى سه‌ر گه‌له‌که‌مان ده‌که‌ینه‌وه." جه‌ختیش ده‌کاته‌وه :" سه‌دى سه‌د تۆڵه‌ى هه‌موو ئه‌و هێرشانه ده‌که‌ینه‌وه که کراونه‌ته سه‌ر گه‌له‌که‌مان. ئێوه له‌کوێ و له چ کات ده‌بێت ، ئه‌منیه‌تیان نیه. هه‌روه‌ک چۆن ئێوه ماڵى هاوڵاتیانى گه‌لى کورد به‌سه‌ریاندا هه‌ڵوه‌شانده‌وه، ئێمه‌ش سه‌ربازگه‌کانتان به‌سه‌ردا هه‌ڵده‌وه‌شێنینه‌وه."
هه‌روه‌ها له‌و رایگه‌یه‌ندراوه‌دا هۆشدارى ئه‌وه‌شدراوه:" ده‌بێت له‌سه‌رووى هه‌موویانه‌وه ده‌وڵه‌تى فاشیستى تورک و ئاکه‌په و هه‌موو جه‌لاده‌کانیان و هه‌موو که‌سێک ئه‌وه بزانێت ، هه‌ر ئێشێکى به‌هۆى توندوتیژیه‌کانى ئێوه گه‌که‌مان بینیویه‌تى ، به‌هه‌زاران قات به‌سه‌ر ئێوه‌ى دێنینه‌وه. ئه‌و نۆکه‌ره خائینانه‌ى ئێشى مه‌زنیان داوه‌ته گه‌له‌که‌مان و له‌کاته مێژوویه‌کاندا شه‌ره‌ف و ناموسى خۆیان ده‌فرۆشنه کۆشکه‌کان ، ئێوه ناتوانن خۆتان له ده‌وڵه‌تى تورک رزگاربکه‌ن."
هاوکات بانگه‌وازیش له‌گه‌لى کورد ده‌کرێت :" له‌هه‌مووکات زیاتر به‌ئیراده‌یه‌کى پۆڵاینه‌وه له‌به‌رامبه‌ر فاشیزى ده‌وڵه‌تى تورک سه‌ڕهه‌ڵدان بکه‌ن. بۆ ئه‌وه‌ى دکتاتۆرى فاشیستى ئه‌ردۆغان تێک ببه‌ین، ئێمه له‌هه‌موو کات زیاتر به‌هێزتر ده‌بین، شه‌ڕڤانانى هه‌ڵۆکانى ئازادى کوردستان له‌هه‌موو شوێنێک له‌دژى دوژمن تێکۆشان ده‌که‌ن."
له راگه‌یاندراوه‌که‌ى هه‌ڵۆکانى ئازادى کوردستان ئه‌وه‌ش هاتووه:" هه‌ڤاڵمان زنار راپه‌ڕین ، له‌ساڵى 1989 له خانه‌واده‌یه‌کى وڵاتپارێز له‌ناوچه‌ى گوڵپنارى سه‌ربه وان له‌دایک بووه ، له‌ساڵى 2005 له‌چه‌ندین شوێنى جیاواز تێکۆشانى کردوه، له‌ساڵى 2011 وه له‌ریزى هه‌ڵۆکانى ئازادى کوردستان (تاک) وه‌ک فیداکارێکى رێبه‌ر ئاپۆ و گه‌لى کورد ره‌نجێکى مه‌زنى داوه."
له‌کۆتایشدا TAK ده‌ڵێت:" جارێکى دیکه په‌یمانى په‌یوه‌ست بوون به رێگه‌ى شه‌هید زنار راپه‌ڕین تازه‌ده‌که‌ینه‌وه، له‌ژێر فه‌رماندارێتى ئه‌ودا ، ئه‌و ئاڵاى تێکۆشانه‌ى به‌ئێمه‌ى داوه، هه‌تا داگیرکه‌رانى فاشیستى تورک له‌وڵاته‌که‌مان وه‌ده‌رده‌نێین ، ئه‌وا له‌هه‌موو کات و شوێنێکدا تێکۆشان به‌هێزتر ده‌که‌ین."
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
