١) پەرەپێدانی بیرۆکەی پێویستیی دامەزراندنی ڕێکخراوێکی مارکسی وەکو کاکڵەی پارتی پێشڕەوی کرێکاران و زەحمەتکێشان. ئاراستەکردنی ڕەخنەی هەمەلایەنە لە دژی ڕێکخراوە قەومیەکان بەتایبەتی کۆمەڵە و یەکێتی و سیاسەت و درووشم و بیر و باوەرەکانیان.
من لەدوای نووسینەوەی ئەو نامیلکەیەوە هیچ بڕوا و هیوایەکی ئەوتۆم بەو چەپە پەرت و بڵاو و ناکۆک و ڕۆشنفکرە نەما. دامەزراندی یەکێتی خەباتی کۆمۆنیستیش هەر لەبەر ئەو هۆیانەی سەرەوە هەوڵێکی تری نەزۆکانە بوو بۆ درێژەپێدانی کار و خەباتی ئەو مەحفەلە (بەرزە)بوو لە ژێر ناوێکی کۆمۆنیستیدا.
پرسیار: ئەو دەورەیە لەژێر چ ناوێکدا کارتان دەکرد و شێوەی ڕێکخستن و پەیوەندیەکانتان لەگەڵ شانە و ئەڵقەکانتان چۆن بوو؟ بازنەی کار و هەڵسوڕانتان چ شار و ناوچەیەکی گرتبۆوە؟ قسە و باسەکانتان چی بوون؟