چۆن کوردستانپۆست سیناریۆی دەزگای پاراستنی دژی پەکەکە ئاشکرا کرد؟ پاڵەوانی ئەو سیناریۆیەش بناسن!

لە ماوەی ٢٥ ساڵەی دەسەڵاتی پارتەکانی باشووردا، دەزگا هەواڵگرییەکانی دەسەڵاتی هەردوو بنەماڵە، توانییان لە رێگای پۆست و پارە و دەستکەوتی دیکەوە، ژمارەیەکی زۆر لە نووسەر و رۆژنامەنووس و هەڵسوڕاوی نێو راگەیاندەکان کەویی بکەن، وەکو سیخوریش پەروەردەیان بکەن بیانکەن بە بەشێک لە چالاکیی نێو دەزگا سیخورەکانی خۆیان، ئەوانەیش کە دەستەمۆ نەبوون، هەوڵی تیرۆرکردنیان دەدان، یان بە لێدان و گرتن و هەڕەشە، یاخوود بە ناوزڕاندن هەوڵیان دا دەمکوتیان بکەن.

ئەم دەزگا هەواڵگرییانە دەستیان بۆ قێزەوەندترین میتۆدی دیکەش برد، بۆ نمونە دەزگای پاراستنی بنەماڵەی بارزانی، لە هەموو ئەمانەی سەرەوەدا خراپترین کاری ناشرینتریان پیادەکرد، وەک تۆمارکردنی دەنگ و ڤیدیۆ و وێنە، تا لەم رێگایەشەوە بتوانێت بە هەڕەشەی لێدانەوەی ئەو دەنگ و رەنگانە فزە لە نەیاریانی خۆیان ببڕن .

هەروەها بەرامبەر بەو راگەیاندن و سایتانەی کە دژیان دەنووسن، هەوڵیان داوە لای خوێنەر گومان و بێبڕوابوونی بۆ پەیدا بکەن، بە بیانووی ئەوەی هەواڵەکان بێ بەڵگەن، نووسینەکان جنێووشەن، رەخنەکان سوکایەتیی تێدایە و رەچاوی یاساکانی راگەیاندن ناکات، لەو لاشەوە خۆیان کۆمەڵێک نووسەری داتاشراویان لە نێو دەزگای راگەیاندنەکان دروست کردووە، هێناویانە پێشەوە تا جەماوەر روو لەوان بکات و بە رووناکبیر و بیرمەند و فەیلەسوف ناویان بهێنرێت.

رێگاکانی گەیاندنی میدیا، لەم چەند ساڵەی دواییدا هەنگاوێکی بەگوڕ چۆتە پێشێ، لەپاڵ رادیۆ و تەلەفیزیۆن و گۆڤار و رۆژنامەکاندا، ئەمڕۆ سۆسیال مێدیا و موبایل و سایتەکانی دەرەوەی وڵات رۆڵێکی گەورە دەبینن، ئەم دەزگا هەواڵگریانە، دەستیان بەمانەدا ناگات، بۆیە ئەرکی بەرەنگاربوونەوەیان بەو نووسەر و رۆژنامەنووسە سیخوڕانەی خۆیان سپاردووە، تا چاودێریان بکەن، کوردستانپۆست، یەکێکە لەو سایتانەی بەردەوام لە ژێر چاودێری ئەم دەزگایانەدا بووە، تەکنیکار و کەسانی شارەزای ئەو بوارەیان داناوە تا هەوڵی هاکردنی بدەن، نمونەی دەیان کەسی وەک ستیڤان شەمزینانیان بە چەند دەمامکێکەوە دروست کردووە، کاریان پێ سپێردراون، وەکو ستیڤان خۆی دەڵێت: تا کوردستانپۆست تیکبشکینن، مەبەستیش وەک وتمان لەکەدارکردن و گوماندروستکردن و بێ ئەرزشکردنی دەنگی ئازادە! چونکە ئەزمونی چەند ساڵەی ئەم دەزگا سیخوڕیانە ئەوەی پێ گووتون کە ناتوانن وەکو راگەیاندنەکانی دیکەی باشوور بە رۆکردنی پارە ئەو دەنگانە دەستەمۆ بکەن.

ئەرکێکی دیکەی نووسەر و رۆژنامەنووسە سیخوڕەکانی ئەم دەزگا هەواڵگرییەکانە، بەوەشەوە نەوەستاون، کە سیخوڕی بەسەر سایت و نووسەر و رۆژنامەنووسەکانەوە بکەن، بەڵکو بۆ ئەوەش دانراون ببنە چاودێر بەسەرحیزب و پارتە نەیارەکانی خۆیان و بچنە ناویانەوە و دزەی تێدا بکەن، لە ئەمڕۆدا پەکەکە چاوی پارتە دەسەڵاتدارەکانی باشووری لەسەرە و بەوەکالەتی میتی تورکی، و ئیتلاعاتی ئێرانی زانیارییان لەسەر کۆدەکەنەوە، بێ شەرمانە ئەم سیخوڕانە بۆیان هەڵدەسوڕێن.

لە هاوینی ساڵی ٢٠١٥، تورکیا دەرگای ئەوروپای بۆ پەنابەرە سورییەکان کردەوە، بەو هۆیەوە داعشیش کۆمەڵیک پیاوی خۆی تێکەڵ بە کۆڕەوی سورییەکان کرد، پارتییش هاوشێوەی تورکیا لەگەڵ رەوی گەنجەکاندا بۆ دەرەوەی کوردستان، کۆمەڵێک لە پیاوانی سیخوڕی خۆی تێکەڵ بەو گەنجانە کرد، ئاسانکاری بۆ کردن، تا بگەنە ئەوروپا و وڵاتانی تر.

ماوەیەک لەمەوبەر بە پلانی دەزگای پاراستن هەواڵێک بڵاوکرایەوە، گوایه‌ خوشكی ستیڤان شه‌مزینانی بە ناوی ڤینیا له‌ ئه‌ڵمانیا گه‌ڕاوه‌ته‌وه‌ چۆته‌ قه‌ندیل، دوای چه‌ند رۆژێك به‌ هۆی بۆردومانی فرۆكه‌کانی توركیاوه‌ له‌ قه‌ندیل شه‌هید بووه‌. (کلیک)  کۆمەڵێک سایت و پەیجەکانی پەکەکەش لە ئەوروپا بڵاویان کردەوە. ئەم هەواڵە لە دوور و نزیک پەیوەندیی بە کوردستانپۆستەوە نەبوو، بۆیە نەقسەمان لەسەر کرد، نە خۆمان تێگەیاند، تا ئەو کاتەی کەسێک بابەتێکی نووسی و بە دوایدا دۆستێکی سەر بە پەکەکەش پەیوەندیی پێوەکردین، تا بەدواداچوون لەسەر ئەمە بکەین، وەک خۆیان وتیان، هەر گەریلایەک شەهید ببێت ئەوان بە دۆکۆمێنتی دەکەن و لە راگەیاندنەکانی خۆیاندا بڵاوی دەکەنەوە، ئێمەش کۆمەڵێک زانیارییمان دەستکەوت و بۆمان ناردەوە، ئەو پێشنیارەشمان کرد، کە پەیوەندیی بە قەندیلەوە بکات، تا راستیی رووداوی شەهیدبوونی ئەو کچە رابگەیەنن، وەڵامی ئەوانیش ئەوە بوو کە نەکەسی وایان لە لایە و نەکەسێکیش بەو ناوەوە شەهید بووە، یەکسەر ئێمەش ئەو راستییەمان راگەیاند، زانیمان ئەمە پلانی پاراستنە و لە هۆنینەوەی ئەو سیناریۆیەدا ستیڤان شەمزینانی دەستی تێدایە، بە رەزامەندی ئەو دۆستەی پەکەکە چەند زانیارییەکمان خستە سەر بابەتەکە، تا ستیڤان شەمزینانی پێ بجوڵێنین و بیهێنینە سەر خەت، چونکە ستیڤانمان دەناسی و رابردووی لای ئێمە زانراوبوو، کە کاری وای لێدەوەشێتەوە، (کلیک) دوایی دێینە سەر ئەمەش، ئەو نهێنییەش ئاشکرا دەکەین، کە چۆن پێش دوو سێ ساڵ ئەم کابرایە چیی کردبوو! کاتێکیش بڵاومان کردەوە بە ناوی دالیا ئەحمەدەوە ستیڤان کۆمێنتێکی نووسی، ئێمەش هاتیین و ئەوەیمان لەگەڵدا دانا، تا زیاتر هانی بدەین. بێتە پێشەوە و لە مەبەستی تێبگەین! بۆ ئەو مەبەستەش ئێمە ئەو ناونیشانەمان بۆ هەڵبژارد تا سەرنجی زیاتری بۆ رابکێشین! بڕوانە نووسینەکە:

پاش رۆژێک دالیا ئەحمەد، واتە (ستیڤان شەمزینانیی) پەیوەندیی بە دۆستێکی کوردستانپۆستەوە کرد و کۆمەڵێک زانیاری لەسەر ئەو بنەماڵەیە پێداین، ئێمەش بۆ ئەوەی لێرە بەدواوە دەزگای پاراستن بهێننیە سەر خەت، ئەو زانیارییانەی ستیڤانمان بڵاوکردەوە، لەگەڵیدا ئەو وێنەیەی خوارەوەمان دانا، کە وەیسی کوڕی مەسعود بارزانییە، لەگەڵ سۆنیا شەمزینانی، کە ستیڤان کردوویەتی بە خوشکی خۆی، بەمە ویستمان پاراستن و بنەماڵەی بارزانیی پێ بجوڵێنین. لەگەڵ گێڕانەوەی قسەکانی ستیڤاندا تێکەڵمان کرد.

ستیڤان شەمزینانی کە بە ناوی دالیا ئەحمەدەوە زانیاریی بۆ ناردین، لێرە بەدواوە وەستا و تووشی شۆک بوو، ترسا چاوەڕوانی ئەوە نەبوو، کوڕێکی بنەماڵەی بارزانی تێکەڵ بەو سیناریۆیە بکرێت، ئیتر سیناریۆکەی پاراستن دژی پەکەکەمان لە چنگی ستیڤان دەرهێنا و رووە موخابەراتیی و سیاسەییەکەیمان هێنایە پێشێ، ستیڤانیش ناچار بوو دوای کەمتر لە دوو رۆژ ئەو روونکردنەوەیەی نووسی، ئاشکرا کرد، کە ئەم سیناریۆیەی دژی کوردستانپۆست کردووە، تا کوردستانپۆست تێکبشکێنێت، بە دوایدا دەزگای پاراستنیش هاتە سەر خەت و لە کەناڵی رووداودا، (هێمن مەلا زادە)، کە کەسێکی سەر بە دەزگای پاراستنە لە بەرنامەکەی خۆیدا (هۆت لاین) کردییە بابەت و کەوتە پرسیارکردن سەبارەت بەو سیناریۆیە، ستیڤانیش هەمان قسەی ناو نووسینەکەی خۆی دووبارە کردەوە.

هەڵبەت ستیڤان شەمزینانی یەکێکە لەو سیخوڕانەی دەزگای پاراستن، کە زۆر نەزانانە هاتە پێشەوە و دەستی خۆی خستە روو. کەناڵی رووداویش، کە بە کەناڵی ئاكاپه‌ و نێچر ناسراوە، سەرەتا ستیڤان شەمزینانی وه‌ك شاعیر و نووسه‌رێکی دیار به‌ خه‌ڵك ناساناد. بە بێ ئەوەی ناوی کوردستانپۆست بهێنن، کۆمەڵیک تۆمەتیان دوای کوردستانپۆست خست، کە ئێمە لە خوارەوە وەڵامیان دەدەینەوە

1. ئەو روونکردەوەیەی ستیڤان، لە پەیجەکەی خۆیدا بڵاوی کردەوە، ئێمەش هێنامان و لە کوردستانپۆستدا بۆمان خستە ناو ئەرشیفەکەیەوە (کلیکی ئەرشیفەکەی بکە) تێیدا ویستی ئەوە بڵێت، گوایە ئەم سیناریۆیە دەستکردی خۆیەتیی و دژی کوردستانپۆست رێکی خستووە، ئێمەش دەڵێین ئەمە راست نییە، بەڵکو بۆ مەبەستێک دژی پەکەکە کراوە و دوای تێپه‌رینی دوو هه‌فته‌ ئه‌وكات ئێمەش به‌دواچوونمان بۆی كرد، پێشتر په‌یج و ماڵپه‌ری تر بایەخیان به‌و سینارۆیه‌ی پاراستن دابوو، به‌ڵام له ‌ده‌ره‌نجامی گه‌وره‌كردنی له‌لایه‌ن كوردستانپۆسته‌وه‌ ئه‌و سیناریۆ و كاره‌ قێزه‌وه‌نده‌ی پاراستن ئاشكرابوو، بەڵگەش بۆ ئەمە کەناڵی رووداو بوو، کە هاتە پاڵ سیناریۆکە و ویستیان گومان لەسەر پلانەکە بڕەوێننەوە.

2. ستیڤان وەک خۆی ددانی پێدا دەنێت، کە چەندین ئەکاونتی کردۆتەوە بەمەوە نەوەستاوە بەڵکو بۆ هەر ئەکاونتێک وێنەی کچێکی دانابوو، هەڵبەت ئەو وێنانەش وێنەی راستەقینە بوون، نەک وێنەی دروستکراوی کاریکاتێر و ئەنیمێشن و فۆتۆشۆپ، دەتوانین ئەو کچانە وەک قوربانی ناولێبنێین، چونکە کەسایەتییەکانی کوشتووە و ناوی دیکەی داونەتێ، وێنەکان راستیین و خاوەنی خۆیان هەیە، ستیڤان بۆ ئەم ئەکاونتانە بەکاری هێناون، ستیڤان ئەگەر خاوەنی موڕاڵ بوایە و لە مانای بەهاکانی بگەیشتایە کاری ناشرینی وای لێنەدەوەشایەوە.

3. وێنەی ئەو ژن و کچانەی ستیڤان، کە لە فەیسبوکدا کردنی بە خاوەنی ئەکاونتەکانی خۆی، قسە و گومان زۆر هەڵدەگرن، دەتوانین لێرەدا قسە لەسەر هەندێک لەو گومانانە بکەین:

4. وێنەی ئەو کچەی لەگەڵ وەیسی کوڕی مەسعود بارزانییدا بڵاوکردۆتەوە، بە ناوی سۆنیا شەمزینانی، گوایە خوشکی خۆیەتی! لە ستیڤان دەپرسین: مادام دەڵێیت سیناریۆن، ئەی خاوەنی راستەقینەی ئەو وێنەیە کێیە و ناوی چییە؟! بۆ تا ئیستا ئەو کچە خۆی دەنگی نەکردووە؟ ئایا ئەو کچە دایک و باوک و خوشک و برای هەیە؟! ئایا ئەو کچە لە ژیاندایە یان مردووە؟! بۆچی تا نووسینی ئەم بابەتە ئەو کچە نەهاتۆتە دەنگ و بێسەر و شوێنە؟ کەوابوو ئەو کچە یان سەر بە دەزگای پاراستنە و بەشێکە لەو گەمە موخابەراتییە، یان ئەوەتا یەکێکە لە قوربانییەکانی دەزگای پاراستن و لە رێگای ئەم سیناریۆیەوە دەتانەوێت ناوی بسڕێتەوە و بێ سەروشوینی بکەن؟ کەوابوو ئەو کچە یان کوژراوە، یان بێدەنگ کراوە؟! بۆ دەنگێکی نییە تا بەرگری لە خۆی بکات! بڕواش ناکەین ئەو کچە تاقانە بێت و کەسێکی نەبێت، تەنانەت تا ئیستا ئەندامێکی بنەماڵەکەشی نەهاتۆتە دەنگ، رەنگە ئەوانیش لە ژێر فشار و هەڕەشەی پاراستندا بن، بەم سیناریۆیەی ستیڤان شەمزینانی هەموو راستییەکانی تر لەسەر ئەو کچەش دەشارنەوە بۆیە دەتوانرێت دەیان گومان لە سەر ئەمە دروست بکرێت، کە لە هەموو حاڵەتەکاندا ستیڤان شەمزینانی تاوانبارێکی گەورەی لێدەردەچێت، چونکە کەسێتی و مێژووی ئەم کچەی شاردۆتەوە و شێواندوویەتی!

5. ستیڤان شەمزینانی نەک وێنەی ئەو کچەی بۆ ئەو کارە سیخوڕییە بەکار هێناوە، بەڵکو بە هەمان شێوە وێنەی کەسێکی دیکەشی بەناوی ڤینیاوە بەکار هێناوە، کردوویەتی بە شەهیدی پەکەکە لە قەندیل، نەک تەنیا ئەم دووانە، بەڵکو وێنەی کچی دیکەشی بەکار هێناوە و بە وێنەکانیانەوە ئەکاونتی بۆ کردوونەتەوە! وەک دالیا و کوردە جەمال ئاغا و دەیان وێنەی کچی تر، هەموویان بوونەتە قوربانی ئەو سیناریۆیە. ستیڤان شەمزینانی نەک تەنیا لە رووی موڕاڵ و ئەخالاقییشەوە تاوانبارە، بەڵکو لە رووی یاساوە تاوانکارە، وەک خۆی دەڵێت ئیستا لە ئەڵمانیا چاوەڕوانی وەرگرتنی مافی پەنابەرێتییە، بەرپرسانی ئەڵمانی و ئەوانەی کار لەسەر کەیسی وەرگرتنی ستیڤان دەکەن، ئەگەر بەمە بزانن و ئاگادار بکرێنەوە، رەنگە کار بکاتە سەر کەیسی وەرگرتنەکەی، ئەمەی ستیڤان، کردوویەتی تاوانێکی گەورەیە و ئەو وڵاتە ئەوروپیانە پێیان خۆش نییە مافی پەنابەری بدەن بە کەسێکی توانبارکاری وەکو ستیڤان! (ئێمە وەک کوردستانپۆست دەست بۆ ئەمەیان نابەین) لەوە زیاتریش نامانەوێت خۆمان بخەینە نێو قوڵایی سینارۆکەی پاراستن و ستیڤان شەمزینانییەوە، دەمانەوێت ئەوەش بیڵێین، کە دروستکردنی سیناریۆی شەهیدبوونی کچێک لە قەندیل، پەیوەندیی بە کوردستانپۆستەوە نەبووە، هەواڵی شەهیدبوونی ڤینیا لە زۆر شوێندا بڵاوکرایەوە، زۆر کەس لە خشتەبران و سەرخۆشیی و خەم و ماتەمینی خۆیان دەردەبڕی، دوایی دەریشکەوت، کە دەزگای پاراستن لە پشتییەوە وەستاوە و بۆ فێڵکردن لە پەکەکە و ئەندامەکانی ئەوروپایان ئەمەیان رێکخستووە، رەنگە مەبەستی پاراستن لەم کارە ئەوەش بووبێت کە لە رێگای کەسێکی وەک ستیڤانەوە، زانیاریی لەسەر کادیرەکانی پەکەکە لە ئەوروپا کۆبکاتەوە، بۆیە ستیڤان خوشکێکی بۆ خۆی دروست کرد و ناردنی بۆ قەندیل و دوایی شەهیدیشی کرد، تا لای پەکەکە خۆی خۆشەویست بکات، بڕوا و متمانەی پێ بکەن! دوای ئەوەیش، کە کوردستانپۆست توانی دەستی ستیڤان و پلانی پاراستن بخاتە روو، ئیترهیچیان بە دەستەوە نەما، ویستیان بە نیوە دۆڕاو لێی دەربچن، ستیڤان شەمزینانی هات وای پیشاندا گوایە ئەم هەموو کارانەی بۆ ئەوە کردووە، تا کوردستانپۆست تیکبشکێنێت.

---------------------------------------------------------------

١٧ی شوبات، ئەگەر رۆژگارێک بووبێت بۆ دەرخستنی ناڕازییەکانی خەڵکیی و توڕەبوونی گەنجانی کوردستان لە دەست ئەو دەسەڵاتی باشوور، لە هەمانکاتدا رۆژگارێک بوو، دەماکی زۆر کەسی ساختەی هەڵدایەوە. ستیڤان شەمزینانی دەیەوێت بڵێت کوردستانپۆست بوختانی بۆ کردووم و منیان بە سیخوڕی پاراستن لە قەڵەم داوە. لەم بەشەدا باس لەوە دەکەین کە چۆن ئەو هەواڵەی لەسەر ئەو رۆژنامەنووس و نووسەر و کەسایەتییانەی لە بەر دەرکی سەرای سلێمانی بڵاو کرایەوە کەوا سیخوڕییان بەسەر خەڵکەکەوە کردووە، یەکێک لە سەرچاوەکان کەسێکی نێو لقی چواری پارتیی بوو، ستیڤان شەمزینانیی یەکێک بووە لەوانەی ئەم سەرچاوەیە ناوی هێناوە، کە سیخوڕی بەسەر خۆپیشاندەرانەوە کردووە. ئەگەر کاتی خۆی هەواڵەکە راست نەبوو، دەبوو ستیڤان روونکردنەوەی بدایە، لایەنی کەم بینووسیایە کە لە ١٧ی شوباتدا کاری سیخورییم بە سەر خەڵکەوە نەکردووە. وەک خۆی دەڵێت بە بێ بەڵگە تۆمەتم بۆ دروست کراوە هەرچەندە ئەو دوو وێنەیەی کە جامانەی سووری کردۆتە سەر و لەوێنەیەکی تردا لە ئۆفیسی پارتی و پاراستن دانیشووە پۆز لێدەدات، وەک بەڵگە دیوێکی دیکەی راستییەکانمان بۆ دەردەخەن!

پاش ئەوەی ئێمە هەواڵەکەمان بڵاوکردەوە، هەر ئەو سەرچاوەیەی نێو لقی چواری پارتیی لە سلێمانی ئەوەی پێڕاگەیاندنین، کە ستیڤان دوایی وتوویەتی من تۆڵە لە کوردستانپۆست دەکەمەوە، خۆمیان لێدەگوڕم و پەیوەندییان پێوە دەکەم. ئێمەش داوامان لە سەرچاوەکە کرد و فێرمان کرد، کە چۆن ئایپی ئەدرێسی هێڵی ئینتەرنێتی لقی چوار و ستیڤانمان بۆ وەربگریت، پاش ماوەیەک ستیڤان پەیوەندیی بە هاوکارێکی کوردستانپۆستەوە کرد، لەم بارەیەوە ئەو هاوکارەمان ئەمەی خوارەوەی بۆنووسیین:

(لە فەیسبوکدا زیاتر له‌ ١٧٠٠ نووسین (چات) له ‌نێوانماندا دروست بوو، زۆر زانیاری بۆ نووسیم، گه‌رچی كوردستانپۆست زۆربه‌ی ئه‌و زانیاریانه‌ی بڵاونه‌كرده‌وه‌، چونكه‌ بە زانیارییەکاندا هەموومان واقمان وڕمابوو، له دارمانی ئه‌خلاقی ستیڤان، تۆمەتی ‌زۆری بۆ خه‌ڵك دروستكرد بوو …. وای خۆی نمایش كرد بوو كه ‌زۆر دژی پارتیی و‌ پاراستنه‌ .... هتد)

زانیارییەکانی ئەم نووسینەی خوارەوە، (کلیکی ئێرە بکە) ستیڤان شەمزینی خۆی بە کوردستانپۆستی داوە، کێ بڕوا دەکات ستیڤان کاری وای لێبوەشێتەوە، زانیاری لەسەر خۆی بدات، ئەگەر درۆش بێت، بوختان و قسەی ناشرین بە خوشک و کەسوکاری خۆی بدات، ئەو قسانە رێک بخات، تەنیا لەبەر ئەوەی کوردستانپۆست بڕوای پێ بکات، وا پیشان بدات کە ئەمەم خۆی نییە و کەسێکی دیکەیە لەسەر ستیڤانی نووسیوە!؟ لە دواییدا سەرچاوەکەش ئەوەی پشتڕاست کردەوە، کە هەمووشی تەنیا بۆ ئەوەییە تا لای پارتی خۆی شیرین بکات و خۆی بکاتە قوربانی. بەڵگەیەکی دیکەش کە دەبێتە جێگای سەرسوڕمان، ئەوەیە، کە زۆربەی ئەو زانییارییانە، ئێمە بڵاومان نەکردەوە، کەچی ئیستا هاتووە و لە بیری چۆتەوە وا دەزانێت بڵاوکراونەتەوە، بۆ نمونە ستیڤان قسەی لەسەر رەحمان غەریبیش کردبوو، کەچی پاش دوو ساڵ دێت و لە کەناڵی رووداودا، گێلانە باس دەکات گوایە کوردستانپۆست رەحمان غەریبی کردووە بە پاراستن، کە ئێمە بە هیچ شێوەیەک هەواڵی وامان بڵاونەکردۆتەوە، ئەمەش بەڵگەیە و بە زمانی خۆی دەیسەلمێنێت کە ئەو زانیارییانە لە خودی ستیڤانەوە بە کوردستانپۆست دراوە.

ئێمە لە خوارەوە بەشێک لەو زانیارییانەی کە بە هاوکارەکەمانی داوە، بڵاودەکەینەوە، رەنگە ستیڤان شەمزینانی پاش دوو سێ ساڵ پێی وابووە ئێمە فڕێمانداوە و قسەکانیمان نەپاراستووە، با خوێنەر حوکم لەسەر ئەم کەسە بدات و کۆتایی بەم باسەش دەهێنین. به‌تایبه‌تی كه‌ خۆی لای چه‌ند كه‌سیك رای گه‌یاندبوو گاڵته‌ی به‌ كوردستانپۆست كردوه‌، هەرچەندە زۆربەیان دوایی گوتبیان ‌ئێمه‌ ده‌زانین ئه‌وه‌ كاری ستیڤانه (مه‌یله‌كان ماوه‌)‌.
 له‌گه‌ڵمان بن بزانن چۆن به‌ قسەی خۆی، خۆی كرده‌ عەقیدی پاراستن و تومه‌تی بۆده‌یان هاوڕێی خۆی دروستكردووە و له ‌هه‌مووی ناشرینتر و بیئه‌خلاقانه‌تر، كه ‌بروا ناكرێت له‌ ناو ٧ ملیار مرۆڤی سەر گۆی زەوی‌، نمونەی حەوت کادیری پاراستنی وای تێدا بێت، کە بۆ مەبەستێکی سیخوڕی دایك و خوشكی بكاته‌ له‌شفروش تا بڕوای پێبكرێ!

------------------------------------

دوای ئەمە ستیڤان وێنەی خۆی بە رووتی لە ژوورێکدا گرتوویەتی دەنێرێت کە لە گەڵ کچێکدایە، كه‌سێك ئەگەر كه‌مێك ئه‌خلاقی هه‌بێت چۆن وێنەی ئه‌و ئافره‌تانه‌ ده‌نێرێت كه‌ له‌گه‌ڵی بوونە، ناویان دەزڕێنێت، تا بڵاوبكرێته‌وه‌؟ وێنەی ئاوا هەستیار لای کێی دیکە دەست دەکەوێت، ئەگەر خۆی نەبێت!؟ بەتایبەتی لە ژووری نووستندا تەنیا دوو کەس لە لای دەبێت، ئێمه‌ لێره‌دا هیچ کام لەو وێنانەمان بڵاونەکردۆتەوە، نەشمانداوە بە هیچ کام لە ئەندامانی ستافی کوردستانپۆست، لە بری ستیڤانیش خەمێکی زۆر و شەرم دایگرتیین. لەم بارەیەوە ستیڤان ئاوا چاتی کردووە و دەنووسێت:
تێبینی: بۆ یەکێک لە وێنەکان ئاوا دەنووسێت: