نوسینگه‌ی سه‌رۆکی سویسرا له‌سه‌ر په‌لاماری تورکیا بۆ عه‌فرین

Wednesday, 28/02/2018, 17:15

2922 بینراوە


نوسینگه‌ی سه‌رۆکی سویسرا له‌سه‌ر په‌لاماری تورکیا بۆ عه‌فرین
وەڵامی چالاکوانێکی کورد دو‌داتە‌وە
دوو هە‌فتە‌ لە‌مە‌وبە‌ر هیوا ناسیح وە‌ک هاووڵاتییە‌کی کورد و سویسریی و چالاکوانێکی مافی مرۆڤ نامە‌یە‌کی لە‌سە‌ر پە‌‌لامارە‌کانی تورکیا بۆ شاری عە‌فرین بۆ سە‌‌رۆکی سویسرا (ئالاین بێرسێت) نارد، تێیدا داوای هە‌ڵوێستی فە‌رمی وڵاتی سویسرای کردوە‌ لە‌سە‌ر هێرشە‌کە، هە‌روە‌ها داوای لە‌ ناوبراو کردوە‌، کە‌ چی لە‌ توانایاندایە‌ ئە‌نجامی بدە‌ن، بۆ ئە‌وە‌ی عە‌فرین، کە‌ وە‌ک دورگە‌یە‌‌کی ئاشتی و ئارامە لە‌ نێو شە‌ڕوکوشتاری سوریادا، وێران نە‌کرێت و خە‌ڵکە‌کە‌ی کۆمە‌ڵکوژ نە‌کرێت، هە‌ولیش بدە‌ن بۆ ئە‌وە‌ی کێشە‌ی کورد بە‌ رێگای سیاسی چارە‌سە‌ر بکرێت، گە‌لی کوردیش مافە‌کانی بپارێزرێت.  
 ئە‌مڕۆ دووشە‌ممە‌ ٢٦/٢ بە‌ فە‌رمی لە‌ لایه‌ن وتە‌بێژی رۆژنامە‌وانی سە‌رۆکایە‌تی سویسرا، بە‌ نوێنە‌ریی ئاوبراو وڵامی نامە‌کە‌یان داوە‌تە‌وە‌، ئە‌مە‌ دە‌قی وڵامە‌‌کە‌‌یە‌: 
بە‌رێز کاک ناسیح
بۆ ئە‌ونامە‌یە‌ی بە‌ ناونیشانی (تکایە‌ هە‌وڵ بدە‌ن هە‌ر ئێستا هێرشی تورکیا بۆ سە‌ر عە‌فرین راگرن!) بۆ سە‌رۆکی کۆنفیدراڵی سویسرا بە‌رێز )بێرسیت)تان ناردبوو، سوپاستان دە‌کە‌م. من لە‌ نوێنە‌رێتیی سە‌رۆکایە‌تیی کۆنفیدراڵییە‌وە‌  وڵامتان دە‌دە‌مە‌وە‌.
وڵاتی سویسرا لە‌سە‌رە‌تای پە‌لاماری سە‌ربازیی تورکیاوە‌ بۆ سوریا زۆرجار و بە‌ سوربوونە‌وە‌ ناڕە‌زایی و دڵە‌ڕاوکێی خۆی دژ بە‌ ئە‌و پە‌‌رە‌سە‌ندنە‌ نوێیانە‌ بە‌ دە‌ستە‌ڵاتدارانی تورکیا گە‌یاندوە. لە‌و جارانە‌دا جە‌خت لە‌وە‌ کراوە‌تە‌وە‌، کە‌ وڵاتی سویسرا لە‌ ململانێکە‌دا هە‌میشە‌ کار بۆ چارە‌سە‌رێکی سیاسییانە‌ دە‌کات، و‌ داوای ئە‌وە‌مان کردوە‌، کە‌ بە‌ مافە‌کانی گە‌ل و  مرۆڤە‌وە‌‌ پابە‌ند بن وە‌ هاوڵاتیانی سیڤیل بپارێزن.
من دە‌توانم ئێوە دڵنیا بکە‌مە‌وە‌، کە‌ سویسرا بۆ لە‌مە‌ودواش رە‌وشە‌کە‌ لە‌ سوریا و لە‌ تورکیا بە‌ وردی چاودێری دە‌کات، و لە‌ داهاتوشدا کار بۆ پابە‌ندبوون بە‌ مافی گە‌لان و پاراستنی دانیشتوانی سیفیل وە‌ مافە‌کانی مرۆڤ دە‌کات.
لە‌ گە‌ڵ سڵاو و رێزدا
مارکوس بیندە‌ر
وتە‌بێژی رۆژنامە‌وانی سە‌رۆکی کۆنفیدراڵی سویسرا

دە‌قی وڵامە‌کە‌ بە‌ زمانی ئە‌ڵمانی:

Sehr geehrter Herr Naseh
 
Für Ihre Email und den offenen Brief mit dem Titel „Bitte versuchen Sie den sofortigen Stopp der Angriff der Türkei!“ an Herrn Bundespräsident Berset bedanke ich mich. Ich antworte Ihnen im Auftrag des Bundespräsidenten.
 
Seit Beginn der Militäroperation der Türkei in Syrien hat die Schweiz gegenüber den türkischen Behörden mehrfach und nachdrücklich ihre Besorgnis über die jüngsten Entwicklungen ausgedrückt. Dabei wurde jeweils betont, dass sich die Schweiz in Konfliktsituationen stets für eine politische Lösung einsetzt, und dazu aufgerufen, das humanitäre Völkerrecht einzuhalten und die Zivilbevölkerung zu schützen.
 
Ich kann Ihnen versichern, dass die Schweiz die Situation in Syrien und in der Türkei weiterhin genau beobachten und sich auch in Zukunft für die Einhaltung des Völkerrechts, den Schutz der Zivilbevölkerung sowie die Menschenrechte einsetzen wird.
 
Mit freundlichen Grüssen
 
Markus Binder
Markus Binder
Pressesprecher

دە‌قی نامە‌کە‌ بە‌ زمانی کوردی:
نامە‌یە‌کی کراوە‌ بۆ سە‌رۆکی کۆنفیدراڵی سویسرا
بۆ/ سە‌رۆکی کۆنیفدراڵی سویسرا بە‌رێز (بێرسیت)
تکایە‌ هه‌وڵ بده‌ن هه‌رچی زووتره‌ هێرشی تورکیا رابگرن!
وه‌ک به‌رێزتان ئاگادارن که‌وا زیاتر له‌ سێ هه‌فته‌یه‌ سوپای تورکیا په‌لاماری کانتۆنی کوردیی عه‌فرینی له‌ باکوری سوریادا داوه‌. ئه‌م هێرشه‌، له‌ هه‌موو زیاتر بۆمبابارانی فرۆکه‌جه‌نگییه‌کانی، به‌ پێی رێکخراوه‌کانی مافی مرۆڤ و سه‌رچاوه‌ی بێلایه‌نی تر، تا ئێستا بۆته‌ هۆی گیان له‌ ده‌ستدانی زیاتر له‌ ١٥٢ که‌سانی سیڤیل، له‌ نێو ئه‌مانه‌دا ٣٥مناڵ و خوار هه‌ژده‌ ساڵیان تێدایه‌. ده‌یان خوێندنگه‌، نه‌خۆشخانه‌ و شوێنه‌واری دێرین له‌گه‌ڵ زه‌ویدا ته‌خت بوونه‌.
له‌ ناوچه‌ی عه‌فریندا نزیکه‌ دوو میلیۆن دانیشتوان هه‌یه‌. له‌وێوه‌ هه‌رگیز هیچ هه‌ڕه‌شه‌‌یه‌ک بۆ سه‌ر تورکیا دروست نه‌کراوه‌. تا ئێستا ناوچه‌ی عه‌فرین له‌ جه‌نگ دوور بووه‌ و بۆته‌ په‌ناگه‌ی سه‌دان هه‌زار ئاواره‌ له‌ ناوخۆی سوریادا.
پێشتریش ناوچه‌ی خۆبه‌رێوه‌به‌ری کانتۆنی عه‌فرین جێگای نیومیلیۆن راکردوان له‌ جه‌نگی سوریای له‌خۆگرتبوو. ئه‌نجامی هێرشی تورکیا ده‌شی ببێته‌ کۆمه‌ڵکوژییه‌کی دانیشتوانه‌که‌ی، هه‌روه‌ها شه‌پۆلێکی هه‌ڵاتن و ده‌ربه‌ده‌ربوون.. ماوه‌یه‌کی زۆره‌ عه‌فرین به‌هۆی گه‌مارۆی تورکیاوه‌ ده‌رگیربووه‌، که‌ وا شورایه‌کی به‌ درێژی سنوری کانتۆنه‌‌که‌ لێداوه‌. هه‌ر ماوه ‌نا مه‌وه‌یه‌ک له‌ ناوچه‌کانی ژێر ده‌سته‌لاتی تورکیاوه‌ له‌ لایه‌ن سوپای تورکیا و میلیشیاکانی هاوپه‌یمانی قاعیده‌یه‌وه‌ بۆمبابارانی عه‌فرینی سوریا کراوه‌.
ژنان و پیاوانی خۆبه‌رێوه‌به‌ری کوردیی بوونه‌ته‌ له‌‌مپه‌رێکی به‌هێز به‌رامبه‌ر ده‌وڵه‌تی ئیسلامی (داعش). ئه‌وان ئه‌و که‌سانه‌ن که‌ به‌سه‌ر تێرۆریستاندا له‌ کوبانی سه‌رکه‌وتن وه‌ شاری ڕه‌قه‌ی سوریای پایته‌ختی ده‌وڵه‌تی ئیسلامییان رزگارکرد، بۆیه‌ شایانی ئه‌وه‌ن له‌ لایه‌ن کۆمه‌ڵگای نێوده‌وڵه‌تییه‌وه‌ پاداشت بکرێن و هاوکاری بکرێن.
من وه‌ک هاوڵاتییه‌کی سویسری، کوردیک و رۆژنامه‌نوس و چالاکوانێکی مافه‌کانی مرۆڤ، که‌وا زیاتر له‌ هه‌ژده‌ ساڵه‌ له‌م وڵاته‌ ده‌ژیم، تکاتان لێ ده‌که‌م، هه‌رچییه‌کتان له‌ ده‌ست دێت ئه‌نجامی بده‌ن، تاوه‌کو ئه‌و هێرشانه‌ تا زووتره‌ بوه‌ستێنرێت. مه‌سه‌له‌که‌ په‌یوه‌ندی به‌ شه‌رێکی دژ به‌ مافی گه‌لانه‌وه‌ هه‌یه‌، که‌وا تورکیا و هێزه‌ تیرۆریسته‌ ئیسلامییه‌کانی له ژێر ئاڵای (سوپای سوریای ئازاد)دا ده‌یکه‌ن. گه‌ر تورکیا ناوچه‌ی عه‌فرین داگیربکات، ئه‌وکات هه‌ڕه‌شه‌ی جه‌نگی خوێناویتر و پێشێلکاری زیاتری مافه‌کانی مرۆڤ له‌ ئارادایه‌. له‌ کاتی ده‌سبه‌سه‌راگرتنی ئه‌وێدا، نیگه‌رانی و ترسم هه‌یه‌ که‌ دانیشتوانه‌که‌ی له‌لایه‌ن سوپای تورکیاو و میلیشیا ئیسلامییه‌کانی هاوپه‌یمانییه‌وه‌‌ کۆمه‌ڵکوژی بکرێن، ئه‌مه‌ش ده‌ربه‌ده‌رکردن و هه‌ڵاتنی خه‌ڵکێکی زۆرتری به‌دوادا دێت.
تکایه‌ رێگیری بکه‌ن له‌وه‌ی که سوپای تورکیا، ئه‌و دوورگه‌ ئارام و ئاشتییه‌ له‌ نێو سوریادا تێکبدات وه‌ جینۆسایدی خه‌ڵکه‌که‌ی بکات! 
ئێستا ئیتر ته‌واو کاتییه‌تی، که‌ سویسراش وه‌ک لێپرسراوێتییه‌کی ئه‌خلاقی، قسه‌ی خۆی بکات.
ئایا ده‌توانم به‌رێزه‌وه‌ لێتان چاوه‌ڕوانی پشتیوانی و هاوکاری بکه‌م؟

له‌ گه‌ڵ رێز و سڵاودا

هیوا ناسیح
١٢/٢/٢٠١٨

نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست






کۆمێنت بنووسە