دیکتاتۆر و نیشتیمان

Sunday, 22/07/2018, 22:12

5471 بینراوە


یاسین محەمەد (جوانپەرست)

1- 
ئەوسا:
دیکتاتۆر تاوانبارە. 
ئێستا:
دیکتاتۆر تاوانبارە؟ 
ئایندە: 
دیکتاتۆر تاوانبارە!
****
تاوانەکانی خۆم نەبینیبوو، 
نەمبینیوە و نایبینم. 
****
بگەڕێوە!
نەک هەر کوورسی 
ئێستا شەقامیش پێویستی پێتە. 
****
لە تۆدا هەموومان هەبوو، 
لە هەمووماندا تۆیەک هەیە. 
****
هێندەی هەڵپەی کورسیم بوو، 
هێند ئاگام لە تەرازوو نەبوو. 
دەرم کردیت و هاتمە شوێنەکەت 
تا خۆم تەرازووبازی بکەم. 
2- 
ئەگەر ڕۆژێک زلهێزەکان یەکە یەکە دابڕمێن،
بێگومانم هۆکارەکەی باڵای تۆیە. 
****
شەیتان لە تۆوە لە دایک بووە! 
تۆ هەم دایکی و هەم نیشتیمان. 
****
کە باسی کۆتاییت دەکەن 
پێکەوە گریان و پێکەنین دەمگرێت. 
تۆ عیزرائیلی!
 ڕۆحی هەموو جیهان دەکێشیت. 

نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست






کۆمێنت بنووسە