ئەمریکا و ڕوسیا و گەڕاندنەوەی ناوچەکە بۆ خاڵی سفر


سێبەرەکانی حیز ب

Wednesday, 08.01.2018, 21:49

2088 بینراوە


سێبەرەکانی حیز ب
یاسین محەمەد (جوانپەرست)
(بە یادی ماغوتەوە)

"خۆم لەوە بە گەورەتر دەزانم، ببوورن، حیز بی کوردی لەوە بە بچوکتر دەزانم بێنە نێو دێڕگەلەکانمەوە. بەڵام لەم زەلکاوی سیاسەتەدا، ئەگەر مێشوولەی حیز ب میکرۆبی پیسیت بۆ بگوێزێتەوە خۆ گوناه نییە بڵێیت یاع. ببوورە هاوڕێ تۆ حیز بیت، من نابم."

هەموو ڕێگەکان دەچنەوە سەر بانە -
هەموو حیزبەکان دەچنەوە سەر حیز بێ، 
ئەویش تەنیا پەیامێکی هەیە: دزی. 
دزیکردن لە پارەی خەڵک، لە قووتی خەڵک، 
لە گیرفانی خەڵک، لە موچەی خەڵک، 
لە ئابڕووی خەڵک، لە ویژدانی خەڵک، 
لە زەوی و ئاسمانی خەڵک، 
لە ڕۆحی خەڵک .... 
خەڵکیش تەنیا بژادەیەکی بۆ ماوە: 
دەنگ بداتەوە بەو حیزبە!
****
دەسەڵاتدار یەک شێوەی هەیە: 
بە گوفتار نازانیت کام عومەرەیە؟* 
بە کرداریش یەزیدی کوڕی موعاویەیە. 
****
هەموو ڕێگەکان دەچنەوە سەر هەرێمێک 
کە بووەتە زیندان
شکاندنی خەونی چۆلەکەیە، 
ئاسمانیشی باڵندە لێوەی دەرناچێ. 
بووەتە گۆڕستان و دووایین مەنزڵگامان. 
****
هەموو ڕێگەکان دەچنەوە کن پیاوێکی نێرگزی 
هەمووان وەک ئاوێنە ئەبینێ. 
هەمووان وەک ئاوێنە ئەیبینین. 
تفمان لێ ئەکا و تفی لێ ئەکەین
نازانێ ئەوین. 
نازانین ئەوین. 
****
با حیزبەکان بکەینە پێڵاو
ڕێگاکانیان کوێر کەینەوە 
با ئاوێنەکان بشکێنین
با زیندانەکە دابخەین
پیاوەکە لە ناخمان بکوژین
سەرلەنوێ دەست پێکەینەوە. 
*   عومەری کوڕی خەتاب و عومەری کوڕی عەبدولعەزیز، لای ئیسلامی سونی دوو خەلیفەن نمونەی دادپەروەری بوون.




(دەنگدراوە: 2 . زۆرباشە: 5/5)