وەرە و بزانە ژیان کردن لە کەلاوەکانی کوران و سەیداوە و تەعجیل چۆنە؟ ببینە لە کۆتری سەلام ئەو خەڵکە چۆن ڕاوی نان دەکەن. با هێرۆ خانی دایکت وەک دایکی ئێمە شەوان کە دەنوێ، سۆندەی ئاوەکە بە قاچیەوە گرێ بدات، کە کاتێک ئاو دێتەوە لە کاتی نووستندا بڕژێ بە سەریدا و تێبگات لەوەی شەوانە خەونی چەندەها ژن و دایک بەم شێوەیە دەزڕێن!
با وەک ژنێکی میهرەبان و هەژار کە مریشکێکتان بۆ دەکڕێ، لە پێناو تێربوونی (تۆ و پاڤێڵ)ی کوڕی، نەیخوات و بڵێ من حەزم بە قاچەکانیەتی، ڕان و سنگەکەی بخاتە قاپەکەی ئێوەوە. تا تێبگەن مانای هەژاری و نەداریی چییە و چۆنە!