لە نەوشیروانەوە بۆ شاسوار لەویشەوە بۆ (ئا.نا)

کارگەی بە گەمژە کردنی هاوڵاتی درێژەی هەیە بۆ زیاتر سەپاندنی دەسەڵاتی جووت بنەماڵە. ئەم پرۆسەی بە گەوجاندن و سەرلێشێواندنی هاوڵاتی باشوور لەو کاتەوە دەستی پێکرد کە کوردستانپۆست توانی بەشێکی بەرچاو لە خەڵکی ووشیار بکاتەوە لەو هەموو دزیی و فەرهودکردن و خیانەتە نەتەوەییەکانی پارتە کوردیەکان دەرهەق بە ئێمە کردیان.

دەسەڵاتی جووت بنەماڵە دوای ئەوەی زانیان کەلێنی گەورە دروست بوە لەنێوانیان و نێوان هاوڵاتی، ئێدی ترسیان لێنیشت و کەوتنە بیرکردنەوەی ئەوەی چۆن بتوانن ئەم دەنگە ناڕەزایی و یاخی و تووڕانە دەستەمۆ بکەن، یان لانی کەم کاریگەری و هەژموونی کەم بکەنەوە.سەرەتا بەناوی میدیای ئەهلی و دەرکردنی چەند گۆڤارێکی لابەلا و دروست کردنی چەند دوکانێکی سیاسی هەندێ لەو تەوژمەیان نزم کردەوە، بەڵام ئەم شێوازە ئەبوو گۆڕانکاری تێدا بکەن.... هەر بۆیە ئەم مەئموریەیان بە نەوشیروان مستەفا سپارد، ئەویش بەوپەڕی لێهاتوویی و شارەزایی توانی بۆ ماوەی زیاتر لە ١٠ شەقامی باشوور تەواو گەمژە و خامۆش بکات.

نەخۆش کەوتنی و دواتر مردنی هەلێکی تری ڕەخساند بۆ ئەوەی کەسێکی تر ئەم ڕۆڵە بگێڕێ و بتوانێ کارگەی گەوجاندن برەوی هەبێ و لە دەستەوت و بەرهەمەکەی پەکی نەکەوێ. شاسواریان هێنا، دوای ئەوەی دەسەڵات خرت و  دەوڵەمەند و قەڵەویان کرد و کەڵبەیان بۆ تیژ کرد بۆ ئەوەی باشتر بچەقێتە جەستەی لەهۆشبووی باشوور، توانی سەردەمێکی تر بۆ حۆلکردن چاو و  لە ڕێگای کەناڵە تەلەفیزێۆنی و شوێنە گەشت و گوزارییەکانیەوە، هاوڵاتی لە خشتە بەرێ و ئەمیش وەك نەوشیروان ئەوەندەی تر قووڕەکەی بۆ خەڵکی خەستر کردەوە، ئەوەندەی تر لە قوژبنی نا ئومێدی و بێهیوایی خەڵکی داوەشاند.

بۆ ئەم کاری گەوجاندنەش ئەوە نەوشیروانمان بینی چەندە پارە و موڵك و پۆستی بۆ ماڵ و مناڵی خۆی جێهێشت، ئەوا شاسواریش لەو هاوکێشەیە بەدەر نابێ و بەبێ ماندووبوون و ئارەقە لێی دەرئەچێ.

پرسیارەکە لێرەدا ئەوەیە؛ سەرەکە هاتۆتە سەر کێ بۆ ئەوەی بەردەوامی بەم کارگەی گەوجاندنە بدات؟!