زانكۆ و سیاسەتی كولێرە سوتاوەكە

Monday, 03/06/2019, 8:05

3746 بینراوە


پەندێكی باو ئەڵێ كولێرەیەكم مەدەرێ بەڵكو فێری پەیاكردنی كولێرەم بكە! 
ئێستا لە كوردستان بەئانقەست ناهێڵن فێری پەیاكردنی كولێرە و كاسبی بیت تا هەمیشە موحتاج و مەمونی ئەو كولێرە سوتاوە بیت كە بە منەتەوە حیزبێ یان مەسئولێ فرێی ئەداتە سەرسفرەی هەژاران!
ماوەیەكە هەندێ مەسئولی حیزبی فێر بوون بۆ ئەوەی رەونەقیان لە زانكۆكان هەبێت، دەعوەت بۆ خوێندكاران و قوتابیان بەناوی بەربانگەوە ئەكەن، بەڵام ئەوەی فەزاحەتە ئەو هەموو وێنەگرتن و كامێرایەی كەناڵە حیزبیەكانن كە تا خوێندكار نان ئەخوا، لە چەند پەیج و كەناڵێكی حیزبی وێنەكەی بڵاوئەكەنەوە كە ئەمە نە دەعوەتە و نە بەخشندەیی، بەڵكو ئابڕووبردنێكی خوێندكارە هەژارەكانە.
ئەمە نمونەیەكە لەو ئابرووبردنەی د.ئالان فەرەیدوونی سەرۆكی زانكۆی پۆلەتەكنیكی سلێمانی كە وێنەكان لە پەیجی زانكۆ و چەند پەیجێكی حیزبی بڵاوكراونەتەوە، مەهزەلەكەش ئەوەیە كە بەشی تەندروستی و كۆمەڵ لە زانكۆكەدایە كەچی هیچ مەرجێكی تەندروستی لە دابەشكردنی خواردەمەنیدا نابینی.
دواقسەشم ئەوەیە ئێمەی خوێندكار هیچی تر قبوڵ ناكەین لەجیاتی گەرانەوەی پارەی دەرماڵە بۆ خاتری داوەتێك ئابروومان لە ئیعلامەكان ببەن و منەتباری بەردەم حیزبی دەسەلاتداریشمان بكەن.

پێشەوا قەرەداغی

نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست






کۆمێنت بنووسە