کەرکوك
Saturday, 08/06/2019, 10:34
18173 بینراوە
کەرکوك ڕەشی مەپۆشە
دڵمان بۆت بە پەرۆشە
هەڵسە تەکانێ بدە
با پێت نەڵێن نەخۆشە
دڵنیام ناکەوی بەچۆك
بە ئاگر خۆت بپۆشە
لەسەنگەری ڕزگاری
بە مەردی تێ بکۆشە
دڵی ناحەزو دوژمن
هەر بە خوێن بیاندۆشە
لە جیاتی نەوت و فوسفۆر
زووخاویان پێ بنۆشە
ئێمە بە تۆ سەر بەرزین
چاو ڕوومان بەتۆ خۆشە
وەک سەرۆك و بەرپرسان
کەڕامەتت مەفرۆشە
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست