ئەو خائینانەی کە ئەم رۆژەیان بۆ دروست کردین!

Wednesday, 07.31.2019, 9:22

4246 بینراوە


دوای ئاشبه‌تاڵ، له‌ گه‌رمه‌ی ده‌ست پێکردنی ئەوەی ناویان نابوو شۆڕشی نوێ، لەو کاتەوە منیش به‌ هه‌موو باوه‌ڕێکه‌وه‌ ژیانی خۆم  خستبووه‌ خه‌ته‌رەوه‌، لەو کاتەدا منیش کارم بۆ رێکخستن کرد، له‌و  باوه‌ڕه‌دا نه‌بووم، که‌ رۆژێک توشی به‌سه‌رهاتێکی ئه‌وا ببمەوە، وای کرد هەموو ژیانمی گۆڕی.
 له‌ ساڵی 1977-1978 کاتێک من که‌ کوڕێکی گه‌نج بووم، هیچ رێگایاک نەبۆوە بۆ ئەوەی لە شار بمێنیتەوە، بۆیە کرابووم بە (سه‌ربازی موکه‌له‌ف)  له‌ بەڕیوەبەرایتی ته‌جنیدی سلیمانی  له‌ به‌شی مديریه‌ت. چه‌ند مانگێکم ما بوو کە بەتەوەی لە سەربازیی ته‌سریح بم.
رۆژێک له‌ چله‌ی هاویندا زۆر گه‌رم بوو، کە به‌ڕێوبه‌ری دائره‌ی تەجنید بانگی کردم  که‌ ناوی (عەلی عەبدوڵڵا) بوو، لەبەر ئەوەی هیچ کێشەیەکم نەبوو، کارەکانی خۆم بە بەشی بەجێ دەهێنا،  ئه‌م به‌ڕێوبه‌رە منی زۆر خۆش ئه‌ویست، رۆژێک بانگی کردم و  ووتی ئیشێکم به‌ تۆیه‌! ئه‌مڕۆ معتمه‌د لێره‌ نییه‌ (واته‌ ئه‌وه‌ی که‌ پۆست ده‌بات)  
ئەمڕۆ ئیجازه‌یه‌، بەسەردار  ڕۆیشتۆتەوە بۆ (حله‌).
علی عبدوڵڵا ووتی: نامه‌یه‌کت ده‌ده‌مێ زۆر گرنگە بڕۆ شه‌خسی بیدە بە دەستی  قائد فیرقه‌ی سلیمانی، دەبێت روو بەڕوو بیدەیتێ، تەسلیمی هیچ کەسێکی تری نەکەیت! ئه‌م نامه‌یه‌ لێی نووسراوە (سری للغایة) نابێت بیکه‌یته‌وه‌، قه‌دغه‌یه‌ وه‌ ده‌بێت لەگەڵ خۆتدا ده‌فته‌ری (صادرة)ش بەریت، تا قائید فرقە بە دەستی خۆی ئیمزای وەرگرتنەکەی بکات.
هەروەها ووتی: زۆر په‌له‌یه‌ و ده‌بێت به‌ زووترین کات بگاته‌ ده‌ستی، به‌ شۆفێرکه‌ش بڵێ تا بتگه‌یەنێته‌ فرقه‌ی سلێمانی. 
منیش نامه‌که‌م وه‌رگرت، کە بە رەنگێکی سوور نازانم (مۆم یان سلیکۆن) بوو، داخرابوو.
هەر لەگەڵ گەیشتنم بۆ بەردەم ئیستیعلاماتی  فرقه‌،  نائب زابتێک چاوه‌ڕوانی من بوو، منیش سڵاوێکی سەربازنیانەم بۆی کرد ووتم ده‌مه‌وێ قائید فیرقە ببینم،
له‌ پێشادا ووتی نامه‌که‌ بده‌ ده‌ست، من منیش له‌ وه‌ڵامدا ووتم: سه‌یدی من ئه‌مرم پێکراوه‌، کە به‌ شه‌خسی نامه‌که‌ بده‌مه‌ ده‌ستی.
نائب زابتەکە ووتی باشه‌ ئاگاردارم، وه‌ره‌ له‌گه‌ڵمدا .
ئیتر بردمی و زۆر پێچوو په‌نای کرد و منی برد، هه‌تا گه‌یاندمییه‌ ژووری قائید .
پێش ئەوەی بڕۆمه‌ ژووره‌وه‌، نائب زابته‌که‌ سه‌یری قیافه‌تی کردم و ووتی  نابێت زۆر قسه‌ بکه‌یت، تەنیا نامه‌که‌ی ته‌سلیم ده‌که‌یت پێی بڵێ ئیمزایه‌ک له‌ سه‌ر ده‌فته‌ری (صادرة)ەکە بکات و ئیتر وەرە دەرێ و تەواو.
کاتێک چوومە ژوورە و بە رێورەسمی سەربازی سڵاوی خۆم کرد و نامەکەم دایە دەستی، بینیم کابرایه‌ک به‌ جلی کوردییه‌وه‌ لەلای دانیشتبوو ته‌پووتۆزی لێنیشتبوو .
یەکسەر بیرم بۆ ئەوە چوو، کە ئەمە رەنگە یه‌کێک بێت له‌ هه‌ره‌ جاشه‌ خائینه‌کانی کورد، له‌وانه‌یه‌ له‌ شه‌ڕدا بووە و گەڕاوەتەوە بۆ بینینی قائید فرقە!..
به‌هه‌ر حال وەک وتم له‌ ژووره‌ سڵاوێکی سه‌ربازیم کرد ووتم سه‌یدی له‌ لایه‌ن مدیری تجنیده‌وه‌ نامه‌یه‌کی سڕیم بۆتان هێناوە. ئەویش لێی وەرگرتم و دەفتەرەکەم دایە و  ئیمزای کرد. منیش سڵاوێکم کردەوە و بەرەو دواوە گەڕامەوە،  رۆیشتمه‌ نزیکی ده‌رگاکه‌، قائید ووتی:  ڕاوەسته‌! منیش زۆر ترسام، دڵم داخورپا وتم تۆ بڵێیت ئه‌مه‌ پیلان نه‌بێت یان هەڵەیەکم کردبێ! ناچار وەستام و وتم: فەرمو گەورەم .
قائید ووتی: تۆ کوردیت ووتم به‌ڵێ 
قائید ووتی خه‌ڵکی کوێی ووتم سلیمانی.
قائید ووتی: ئه‌مە ده‌ناسی؟ 
وەڵامم دایەوە: نەخێر سه‌یدی.. ئه‌مه‌ یه‌که‌م جاڕه‌ بیبینم. (کە لە راستییدا ئەوەندە بالاشمەوە گرنگ نەبوو تا تێیبڕوانم، وەکو تارماییەک دەمویست خۆمی لێ لابدەم)
قائید ووتی: هذا جه‌لال تاڵه‌بانی شڵون ماته‌عروفه‌؟
منیش له‌ ترسادا نه‌م ده‌زانی چی بڵێم. جارێکی تریش ووتمەوە وتم: سه‌یدی نایناسم.
ئیتر جه‌لال تالەبانی به‌ کوردی ووتی: تۆ کوڕی کێی؟
منیش ووتم کوڕی قادر ئه‌فه‌نیم، باوکم له‌ به‌یته‌ره‌ ئیش ده‌کات. جه‌لال زۆر زۆڵانه‌ ووتی تۆ برازی حاجی مه‌کیت ووتم: به‌ڵێ.
له‌ ترسادا من زۆر سه‌رسام بووم، نه‌م ده‌زانی چیبکه‌م؟!  له‌ دڵی خۆمدا جەلال تالەبانی و سەرکردەی ئەمەی کە ئیستا ناویان ناوە شٶڕشی نوێی گەلەکەمان و لێرەو ئەمڕۆ لە سلێمانی و لای قائید فیرقە چی دەکات لێرە؟! بەتایبەتی بە کوردیی تەپوتۆزاوییەوە بە بێ حیمایه‌!
زۆر ترسم لێی نیشت و که‌ له‌ کاتێکدا من بۆ خۆم لە ژێرەوە  له‌ رێکخستنەکان ئیشم ده‌کرد، شه‌وان یارمەتییمان دەدان و پێشمه‌رگه‌مان ئه‌هێنایه‌  ناو سلێمانیه‌ و وەکو سەگ و پشیلە چه‌ندین جار شه‌ومان له‌ سه‌رقه‌بران ده‌برده‌سه‌ر. ترسەکەشم ئەوە بوو، کە جەلال تالەبانی ئەمە بزانێت! بیرم له‌وه‌ ده‌کرده‌وه‌ ئیتر جه‌لال تالەبانی دەستم ئاشکرا بکات و سەرم بە فەتارە بدات.
باش بوو، ئیتر (قائد فیرقة) وتی تەواو بڕۆ دەرەوە، منیش هاتمە دەرەوە.
لەو رۆژە بەدواوە ئیتر منیش بڕوام پێیان نەماو و وازم لێهێنان، چونکە زانیم ئەم شۆڕشەش به‌ خیانه‌ت ده‌ستی پێ کردۆتەوە. 
 
چاوه‌ڕوانی به‌شێکی تری خیانه‌تی جه‌لال بن به‌م زووانه‌ ئه‌ویتریتان بۆ ده‌نوسم
سامی مارف واته‌ سه‌باح عبدولقادر




(دەنگدراوە: 4 . زۆرباشە: 4/5)