پێش ئیسلام هەروا بووە، بیركردنەوە و سایکۆلۆژیای عەرەب دەسوڕایەوە بەدەوری داگیرکردن و تاڵانکردندا (الغزو). داگیرکردن و تاڵانکردن بريتيه له دڕندایەتیی و دزی و کاولکاری و کوشتن. لە سەردەمی خەلافەتە ئیسلامیەکاندا، بیركردنەوە و سایکۆلۆژیای عەرەب به هەمان شێوە بووە. ئەوەی کە محەمەد و هاوەڵە نزیکەکانی و ڕێساناسە ئاینییەكانى پاش خۆی، زیادیان کرد بریتيیه لە دوو شت:
1. دووبارە بەرهەمهێنانەوەی كولتوری داگیرکردن و تاڵانکردنی عەرەبی به شێوەی ئایدۆلۆژیایەکی دڕندانە، کە ناو نرا (ئیسلام)، و لە ڕێگای ئیسلامەوە، ڕەوا و پیرۆزیان دا بە داگیركردن و تاڵانكردن و ناویان نا (جیهاد)، و فیردەوسى باڵا (الفِردوس الأعلى)، كه باشترين جێگایه له ناو "بەهەشت"دا پێشكەشیان كرد وەك خەڵات به داگیرکەر و تاڵانکەر، و ناويان نا (موجاهيد).
2. داگیرکردن و تاڵانکردنیان دەركرد لە چوارچێوەی (پرۆژەی خێڵ)ى سنووردار، و له چوارچێوەی ئامانجی سنووردار (كۆنترۆڵكردنی لەوەڕگە و بیرى ئاو)، بۆ پرۆژەیەکی جیهانی، و دەستبەسەراگرتنی جیهانيان کردە ئامانجی داگیرکردن و تاڵانکردنیان. بەڵێ، بەئیسلامکردنی جیهان واتە (بەعەرەبکردنی جیهان).
هەتاکو ئێستاش کەسایەتيی مرۆڤی عەرەب لەژێر کاریگەری كولتوری داگیرکردن و تاڵانکردن (جیهاد)دایە، و بە ئەقڵییەتی داگیرکردن و تاڵانکردن ڕەفتار دەکات. هەتاکو ئێستاش سایکۆلۆژیای داگیرکردن و تاڵانکردن هەر ماوە لە ناو ناخى قووڵى کەسایەتیى عەرەبدا، و ئەوەی کە ئەمڕۆکە جیهان دەناڵێنێت بەدەستیەوە، بەرهەمی ئەو كولتوره داگیرکردن و تاڵانکردنە عەرەبیيه.