کوردستانپۆست قوتابخانەیەک بۆ فێربوون، پەروەردەیەک بۆ یاخیبوون

ماوەی دوو سێ هەفتەیە هەموو بانکەکانی هەولێر و دهۆک لەلایەن بنەماڵەی بارزانییەوە بەتاڵکراوە و هەمووی گواستراوەتەوە بۆ دەڤەری بارزان و شوێنی نادیار

کۆرۆنا فایرۆس بەرپرسێن فایرۆس

Tuesday, 03.17.2020, 22:14

1106 بینراوە


بەرپرسیاریەتیا حوکومەتێ تایبەت وەزارەتا تەندروستیا هەرێما کوردستانێ
ماوەکە فایرۆسا کۆرۆنا ل جیهانێ سەرهەلدای،
کاربدەستێن وەلاتێن خەلکێ هەر چ پێویستە بو رویبرویبونا فایرۆسێ کۆرۆنا بو ساخلەمیا هاوڵاتیان خەمساری نەکریە،
ئەگەر تەماشەی چالاکیێن حوکومەتا هەرێمی بکەین دێ بینین تەنێ هندەک رێنمایێن دەرکرین زاروکەک دشێت وان هوژداری و رێنمایا پێشکێشی جڤاکێ بکەت دویر ژ هەر پێرابونەکا زانستیانە بو بەرهنگابونێ ژ تەندروستیا هاوڵاتیان،
ئەڤە ژی وێ چەندێ رادگەهینیت کو پاراستنا گیانێ هاوڵاتی نەگرنگە،
بهەمی باوەری دبێژم چونکە ئەڤ نەخوشیە ل وی ئاستی دەربازی سنورێن هەرێمێ نەبویە هەتا دیاربیت کو پێرابونێن پێویست هاتبنە ئەنجامدان،
دەمەکی دا پروپاکندا دەولەتا کوردی دکر، (٢٩) ساڵا شیانێن بەرهنگاربونا بچویکترین ئاریشە نەبیت،
نمونە د زۆرن ئەم دەرهەق دەرناکەڤین ئەگەر رێزبەند بکەین، حوکومەتێ نەخوشخانەک بو کاودانێن تایبەت مینا جەنگێ داعش بو دویربونا گیانێ پێشمەرگێن دلێر ژ هەر رویدانەکا نەخوازراو پارێزیت ئەرێ چەوا بو چارەسەریا نەخوشیا فایروسێ کۆرۆنا جهەکێ تایبەت هەبیت،
من پێخوشە هاوڵاتیێن بەرێز بزانن کو ئەڤ تەخە بەرپرسە وەڵات یێ گەهاندیە سەر تاریترین مەترسی بو نەمانا ڤێ پارچێ ئەوا بناڤێ هەرێما کوردستانا عیراقێ هاتیە ب نافکرن،
دوور نابینم ل ئایندەی داگیرکەر و دوژمنێن دۆزا گەلێ کورد ڤی چرای بڤەمرینن ئەڤە ژی بسایا سەرێ حوکومرانیا پارتی و ئێکەتی،
بوچی! قەیران چ جارەکێ بدوماهیک ناهێن ئەڤ بویەرە گەلەک پرسیارا بخوەڤە هەلدگریت ئەرێ ژ راست رەوش هندە تاریە هەتا کو قەیران بداوی نەهێن،
گەرەکە تەماشەی خزمەتکاریا وان بکەین دێ زانین تەنێ هندەک کار بو بەرچاڤکرنا چاڤێ جیهانا دەرڤەی هەرێمێ ئەنجامداینە بو کو هەڤسوزیا وان بەرەف خوڤە راکێشن دهەمان دەم دا دیاربیت مە کوردستانەکا پێشکەفتی ئافراندیە ئەو ژی بتنێ ب بلندکرنا ئاڤاهیان و هندەک جادێن سەرەکی ل ناڤا باژارێن هەرێمێ هەر ب وێ چەندێ خویا کەن ئەم خزمەتکارێن سەرسەختێن نەتەوا خوەینە ئەڤە ژی ژ بلی دەرەوەکێ هیچ پێگەهێ خزمەتکرنێ بخوەڤە هەلناگریت،
ئەگەر چاڤ خشاندنەکێ دئاڤاهیێن حوکومی دا بکەین دێ خویابیت هەمی خزمەتێن وان کرین ب پلان هاتینە ئەنجامدان بو پاراستنا حاشیگەریا خوە دڤی حالەتی دا زۆر سەرکەفتی بون چونکە بو دەوڵەمەندکرنا پێگەهێ خوە ئەڤ یەکە کریە دینەموویا سەرەکی ،

نمونا بەرچاڤ کو ئەڤ تەخە بکێر رێڤەبرنا وەلاتان ناهێن

ئاڤاهیێ پەرلەمانی ئەوێ نوکە بریار بو بەرژەوەندیا پەرپرسێن پارتی و ئێکەتی ژێ دەردکەڤن هەر ئەو ئاڤاهیە ئەوێ حوکومەتا گوربەگورا رژێما بەعس ئاڤا کری،
کەرتێ تەندروستێ
نەخوشخانێن سەرەکی ئەوێن بناڤێ نەخوشخانێن ئازادی دهێنە نیاسین ل هەر چوار پارێزگەهێن هەرێمێ ب ناڤێ (مستشفي صدام العام)
ئەرێ کەنکێ حوکومەتا کوردی هەولێن خوە برینە خوشکرنا ژیارا هاوڵاتیان ئەوێن هەر مالەکێ شەهیدەک بو هەبونا کیانێ کوردی جانفیدای ڤێ خاکێ کرین هەر بوزانین چ دەردەسەریەکا بسەرێ ڤێ مللەتی هات بیت هەژار قوربانیێ ژمارە یەکەمە، دەولەمەند و سیاسیا پەنایا خوە بریە بەر رەڤێ بو ژ دەرڤەی کوردستانێ هەلچوینە،
کەنگی دەمە چوینەکا نوی سەری هەلبدەت بو خزمەتکرنا تاکێ ڤی وەڵاتی ب دلەکێ پری ڤیان ژیانەکا شایستە بهێتە هەبونێ؟
دوماهیکا بابەتی پێناسەکێ بدەمە بەرپرسێن هەرێمێ
ئەڤە نە بەرپرسن فایرۆسن؟
ب واتەیا فایرۆسەکێ دووم درێژ بو ژ ناڤبرنا مللەتی و نەتەوا کورد،
بهەمی پیڤەرا فایرۆسەکێ مڕۆڤ کوژن،




(دەنگدراوە: 2 . زۆرباشە: 1/5)