میدیای گۆڕان لە تۆپخانەوە بۆ ماستاوخانە

Monday, 30/03/2020, 8:34

6919 بینراوە


لە سەرەتای مەسەلەی بەشداری بزوتنەوەی گۆڕان لە حكومەت، مشتومڕێكی توند هەبو كە ئەم بەشداریە بە خێروبێر بۆ گۆڕان ئەشكێتەوە و یەكێتی و پارتیش ناچار ئەبن وەك گۆڕان خەریكی چاكسازی بن، یان ئەمجارەش وەك خولی پێشو هەندێ مەسڵەحەتچی وەك رێباز حەملان لەسەر حسابی گۆرانخوازان ئەچنە ناودەسەڵات و ئەبنە پارتی و هەم عەیبەش لۆ بزوتنەوەكە؟
هەڵسەنگاندنی ئاستی سەركەوتن و شكستی ئەم مەسەلەیە بۆ جەماوەر ئەهێڵمەوە، ئەوەی جێگەی سەیروسەمەرەیە میدیای گۆڕانە كە لە سەردەمی كاك نەوشیرواندا وەك تۆپخانە گەندەڵكارانی ئەكوتا و كونە مشكی لێ كردن بە قەیسەری!
ئێستا میدیای گۆڕان لە نزمترین ئاستی خۆیدایە، كەناڵی كەی ئێن ئێن كە رۆڵێكی گەورەی هەبو بۆ دژایەتی گەندەڵكاران و ركابەرایەتی میدیاكانی دەسەڵاتداران بۆ رازی كردنی دڵی یەكێتی و پارتی داخرا بێ ئەوەی میدیاكانی ئەو دو حیزبە و بەتایبەت پارتی هیچ سڵێ لە سوكایەتی بە كاك نەوشیروان و رێبازەكەی بكاتەوە. ئێستاش دەیان ملیار دینار بۆ كەناڵەكانی روداو و كەناڵ 24 و رۆژنامەكانی هەولێر و باس و وشە تەرخان ئەكرێت. تاكە راگەیاندنێكی گۆڕان كە ماویەتی رادیۆی گۆڕانە
بەرپرسی رادیۆكەش كە بەهرۆز حەمەعەلیە پێشتر بە پارەی یەكێتی لە میسر ئەیخوێند و ئێستاش بە كارئاسانی پارتی لە دكتۆرا ئەخوێنێ هەواڵەكانی كوردستان تەنانەت بە كۆرۆناشەوە كۆپیەكی میدیاكانی پارتیە و بڵاوی ئەكاتەوە بۆیە رادیۆكەیان ناوناوە رادیۆی حسك چونكە جگە لە گۆرانی و هەندێ هەواڵی كۆن هیچ رۆڵێكی نەماوە
بزوتنەوەیەك تا دوێنێ خاوەنی تۆپخانەی میدیا بوبێ و ئەمرۆش ماستاوخانە جگە لە شكستێكی گەورە لە هەڵبژاردنی ئایندەدا، رۆحی نەوشیروان مستەفاشیان بەجۆرێ عادز كردوە ئەگەر بە راگوزەرێ بێتەوە ئەم وڵاتە بە دڵنیایی بزوتنەوەی گۆڕان ناناسێتەوە!!

نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست


چەند بابەتێکی پێشتری نووسەر




کۆمێنت بنووسە