کێ شەریف و بە ئەخلاقە، سایە کەریم، یان مەسعود بارزانی

Wednesday, 06/05/2020, 4:50

27946 بینراوە

هەڵبەت لەم ماوە کەمەی کە ئەم کچە دەستی داوەتە ئەو کارە، بە سەدان کەسی بەڕێ کردووە، پارەی باشی لێیان وەرگرتووە و بە دەیان دەفتەرە دۆلاریشی پەیدا کردووە و پێیان داوە، من هیچ گومانم نییە، کە بەشێک لەو پارانە  بەرپرس و دەسەڵاتدارەکان، کوڕ و کەسە نزیکەکانی ئەو دەسەڵاتەوە پێیان داوە. ئەم کچە وەک لە ڤیدیۆکەشدا دەردەکەوێت و دەیسەلمێنێت، کە ئیستا پارەیەکی زۆری هەیە بۆیە دەفتەرێک لە دۆلاری ناوگەڵی دەدا بەو بێ موچە و هەژار و بێپارانەی، کە دەسەڵاتی پارتەکانی باشوور موچەیان ناداتێ.
ئەوەی کە جێگای سەرنجە بۆ من، دەپرسم ئاخۆ کێ بێت دەستبگرێتەوە پارە لە سایە کەریم وەربگرێت؟!
کۆمەڵگای کوردیی  کە ئەمەش سیاسەتی پارتە کوردییەکان و داگیرکەرانە، خەڵکی کوردستانیان بەرەو ئەم ئاقارە بردووە، تا خەڵکی بێ پارە و هەژار بژیی!
دەسەڵاتی خیانەتکاری کوردیی  و داگیرکەران هەرچی سامانی ئەم نیشتیمانەیە دزیویانە و بۆ خۆیانیان بردووە، خەڵکییان سووک و سەفیە کردووە، ئیستا بەو پەیامەی سایە کەریم ئەوەندەی تر تێدەگەین، کە کەسایەتیی کورد چۆن سوکتر و چروکتر و بێ نرخ بووە،.
من دڵنیام زۆر کەس بە دەنگییەوە دەچێت و داوای پارەی لێدەکەن، دەشزانن سەرچاوەی ئەو پارەیە لە کوێوەیە، کە بەمە ئەوپەڕی داشکان و تێکشکانی کەسێتی کورد رادەگەیەنێت و لە رێگای ئەو پەیامەی سایەکەریمەوە  بە خەڵکی کوردستان دەگات. ئەو پەڕی سوکایەتییە بە رادەیەک کە دەڵێت ئەوەی ئامادە بێت ئەو پارەیە وەربگرێت، لە داهاتوودا نەک بە دەستی دوو لە سایە کەریمی وەردەگرێت، بەڵکو خۆشی ئامادە دەبێت ژن، کچی خۆشی بنێرێ تا پارەی بۆ پەیدا بکات!، ئەوە پەیامی ناڕاستەوخۆی سایە کەریم و دەسەڵاتی کوردییە بۆ ئەوانەی پارەیان نییە و بە مەبەست ئەو سەرکردە و بەرپرسە خوێڕیانەهەژار و بێ موچەیانی کردوون.