Friday, 08/05/2020, 2:02
6385 بینراوە
کاکه مستۆی خۆشه‌ویست هێشتا زوو بوو ئێمه‌ت به جێهێشت ، هێشتا زۆردار و چه‌ته و مافیا سه‌رسه‌ریه‌کانی ده‌سته‌ڵاتی هه‌ردوو بنه‌ماڵه‌ی تاڵه‌بانی و بارزانی و ئیسلامه تێرۆریسته کان و ئۆپۆزیسێۆنی درۆزنی گۆڕان به‌رده‌وامن له چه‌وسانه‌وه‌ی خه‌ڵکی کوردستانی باشوور و نۆکه‌رایه‌تی کردن بۆ داگیرکه‌رانی تورک و کۆماری ئیسلامی ئێران ….
کاکه مستۆی ئازیز و خۆشه‌ویست ، خۆزگه وا زوو ماڵئاوویت لێنه‌ده‌کردین و بتتوانیانه ڕۆژێک زیاتر له خه‌ڵکی ستمدیده‌ی کوردستاندا پێکه‌وه ئازادی کوردسانت و ئاهه‌نگی سه‌رکه‌ووتنی خه‌ڵکی کوردستانت له‌ده‌ست ده‌سته‌ڵاتی چه‌ته‌یی و مافیکانی هه‌ر دوو بنه‌ماڵه و کۆیله‌کانیان بتدیایه که هه‌موو ئاواتی تۆی خۆشه‌ویست و تێکۆشه‌ر بوو….
هاوڕێ ی خۆشه‌ویستم ماڵئاوا و به‌هێمنی بنوو ، ئاگاداری سه‌رده‌شت عوسمانی هاوڕێت به و باسی هه‌موو شتێکی بۆ بکه پێی بڵێ هاوڕێکانی به‌رده‌وامن له تێکۆشانیاندا و هه‌مان ڕێگه‌ی ئێوه به‌رده‌وام پێده‌ده‌ن هه‌تاکوو ئه‌م ده‌سته‌ڵاته مافیا و دیکتاتۆر و نۆکه‌ری داگیرکه‌رانی کوردستان له گۆرده‌نێن.
ئەندامی ستافی کوردستانپۆست
نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست
