ئاراس وەلی وەک خۆی

پاشان کە نێوانی یەکێتی و پاسۆک گرژی تێکەوت و سەرکردایەتی پاسۆک لە شاخەکەی پشتی" نۆکان" خۆیان جێنشین کرد، لەشارباژێر ئاراس وەلی لە تۆڵەی رووداوێکی پێشوو تر، کە کوژرانی دوو پاسۆکی لێکەوتبۆوە، ئەم فریادرەسەی کورد لە گوندی " گەرگەیەر" و لە مزگەوتەکەیدا فەرمان ئەدا بە مەفرەزەکی لە گەڵیدا بوون دەسترێژ لە پەلێک پێشمەرگەی یەکێتی بکەن، کە بۆ پشوودان لەوێ بوون لە ئەنجامدا شەش پێشمەرگە شەهید ئەکەن، کە لە ناویاندا" مامۆستا جەمال"ی فەرماندەی کەرت بوو، خۆیشی بە هەڵەداوان تا سەرکردایەتی حیزبەکەی نەوەستا و ماوەیەکی پێ چوو بۆ شاردنەوەی تا لەڕێی ئێران و سوریاوە خۆی گەیاندە ووڵاتی سوید،  بۆ زیاتر پارێزگاریکردن لێی هاوسەرگیریی لەگەڵ کچەکەی (ئازاد مستەفا)ی کۆچکردو کرد، ووردە ووردە تاوانەکە لەبیر چووەوە و بوو بە شوڤێری تاکسی لە ستۆکهۆڵم و کاتێکیش لە حەل بوونی پاسۆک لە ناوپارتیدا (خۆیان ئەڵێن کۆنگرەی یەکگرتن) هیچی دەست نەکەوت، کەوتە کارکردن لە ناو رێکخراوە مەدەنی و خزمەتگوزەرییەکان لە هەولێر" گومانی ئەوەش هەیە پاراستن ئەو کارەی پێ سپاردبێت" چونکە باوکی پەیوەندییەکی تۆکمەی لەگەڵ پارتیی و لەگەڵ پاراستنی سەردەمی مەسعودداهەبوو، تا ئەو رادەیەی بە بێ مۆڵەت سەردانی مەسعودی دەکرد، بەمەش ئاراس وەلی کەڵکی لەو پەیوەندییە وەرگرت، ئینجا تا دروستبوونی بزووتنەوەی گۆڕان خۆی گەیاندە گردەکە و بەهۆی کۆنە پاسۆکیکی راوێژکاریی"نەوشیروان مستەفا" جێی خۆی کردەوە تا دروست بوونی ژوورەکا ن کرا بە بەرپرسی (ژووری رەوەندی کوردی).  گەرچی نەوشیروان مستەفا لەگەڵ ئەوە نەبوو و بروای بەوە نەبوو رەوەندی کوردی لەدەرەوەی ووڵات کاریگەریەکی بەهێزی ئەبێ لە پارسەنگی موعادەلە سیاسیەکاندا ، لەگەڵ سەردانی ئاراس وەلی بۆ ئەوروپا گۆڕانخوازەکان وەک داری پایز کەوتنە وەرین ئەوەش بەهۆی ئەوەی ئەو زاتە هاوڕێیەتی و دەم چەورکردنی خۆی پێوەری ژمارە یەکی مەمەڵە کردن بوە لەگەڵ رێکخستنەکانی گۆڕان تا ئەو ئاستەی بە "دەعوەتێک !" كەسێک کراوە بە بەرپرسی رێکخستنەکانی گۆڕان لە ووڵاتێکی ئەورپیدا.