ئەلبێرت کامۆ دەڵێت:(کاتیک خۆت بڕیارت دابێ کۆیلە بیت، ئیتر من چۆن شەڕی ئازادیت بۆ بکەم؟)

پەرلەمان یا مەکتەبی شەو

Tuesday, 07.28.2020, 17:00

2838 بینراوە


ئەکتەرێکی فلمی سێکسی ئیتالی ( کارلا پارکەر ) ئەڵێت ئەمەوێت بچمە سیاسەتەوە بەڵام لەبەر شەرەفو سومعەم ئەترسم  (کلیک)

------------------
وتەی ئەم ژنە ئەکتەرە پۆڕنۆیە، ئەوەندە جوان و بە پێزو پڕ مانایە،  پێویستی بەلێکدانەوەیکی فەلسەفیانە و سایکۆلۆژیانە هەیە، تاوەکو تاکی کورد بەرچاوی ڕۆشن بێت ، لەمەڕ سیاسیەکانی کورددا ، یان ڕونتر دەسەڵاتی کوردیی، کە ئەم گەلەیان زیاتر لە نیو سەدەیە بەم ئاکارە بردووە و بە ناوی ماف و خاک و نەتەوە و ئاڵا و جۆرەها دەستەواژەی قەبە و ناقۆڵاوە کارەسات دوای کارەستا بەسەر کوریاندا هێناوە، هەزاران قوربانی داوە و ماڵوێرانی نەماوە بەسەری نە‌هێنن بێ ئەوەی خۆیان نە خۆێن لە لوتی مناڵێکیان هاتبێت یان پارویەکی سارد و خاویان نابێتە دەمیان. یا هەر هەتاو لێیدابن.
پێویستە لەمەودوا قەڵەم بەدەست و ڕٶشنفکران لە هەوڵی ئەوەدا بن ئەو قاچاخچی پیاو کوژ و چەتانەی ناوی سیاسیان لە خۆیان ناوە بە خەڵک بناسێنن، هەروەها کاسەلێس و مەسینە هەڵگر و گەجەرو گوجەرەکەی دەوریشێان بە کۆمەڵگا بناسێنن تاوەکو تاکی کورد بزانێت گیرۆدەی دەستی چ تاقمێکی دز و جەردەی نەخوێندەوار و دواکەوتوی ناو کۆمەڵگەی مۆدێرن بووە.
ئەوەتا لەبری ئەوەی پەرلەمان متمانە لە حکومەت بسەنێتەوە ، سەرۆکی بەناو حکومەت کەی ویستی سەر تەنورەکەی پورە ڕێواس دائەخات، یا لەسەردەمی چوار ساڵ نەهامەتیەکەی گۆڕاندا چایخانەکەی دوختۆر یولفس قفڵی لێدراو ، هەر ئەوەی مابوو خۆشی پشتاوپشت سواری کەرێک بکەنو مناڵە وردکەی دوا بخەن ، گوێی وەزیرەکان ڕاکێشنو بە پەڕٶیەکی پیس کلکیان بگرنو فڕێان بدەنە ئەودیو دێگەڵەوە ، کە لەلای بنەماڵەی خیانەتو سەری ڕەشو سەری بۆگەن بوەتە خەتی بارلێف ، ئەشێت لەمەولا بەوانە بڵێین سۆزانی کە ناوی سیاسیان لە خۆناوە هەرچەندە ڕەنگە کەمپینێک لەدژی کوردستان پۆستو هاوڕێکانی ساز بدرێت لە لایەن (کارلا پارکەر) هاو پیشەو هاوڕێکانیەوە بڵێن بۆ سومعەمان ناشێرین ئەکەنو ئەمانخەنە ئاستی جەردەو پیاوکوژانو ئەو ‌قاچاغچیانەوە ، کە خۆێنی میلەتەکەی خۆیان ئەفرۆشن بەپارە ، یا لەگەڵ ئەوان ناومان ئەهێنن کە ڕۆژنامە نوس ئەکوژن ، ژن ئەکوژن ، ئەوانەی کە تاڵان چیەتی بوەتە پیشەیان ، ئەوانە بۆ یەک جار لەژیانیاندا ڕاست نەڕۆشتون ، ئەوانەی هەرڕٶژەوە جاشی دراوسێیەکن ، ئامادەشن ببنە چاشی هەمو کەسێک ، سەروەتی ژێرزەمینیو سەرزەمینی وڵاتەکەیان هەرزان فرۆش ئەکەنو ڕادەستی دۆژمنانی کوردی ئەکەن هەر لەبەر ئەوەی خۆیانو دەسەڵاتەکەیان بمێننەوە .تەنها ئامادە نین لەگەڵ گەلدا ڕاسگۆبن ، بەڵام ئامادەن هەر ڕۆژەو ئەلقە لەگوێی دەوڵەتێکی دراوسێ بن
جا ئەی خاوەن قەڵەمە شەریفەکان ، با هەمومان ئەوە بزانین ئەمڕۆ ڕۆژی هەڵدانەوەو ئاشکرا کردنی ( سی ، ڤی ) یەک بەیەکی ئەو جەردەو دزانەیە بە خۆیانو ئەوانەشەوە کە بونەتە دەستو پێوەندیان ، تا میلەت باشیان بناسێت کە چۆن ئەمانە وڵاتێکیان کاوڵ کردو بەها مرۆڤایەتیەکانیان سوکو ڕسوا کرد با یەک یەک پرۆفایلیان بۆ بکرێتەوە ، خەڵک بیان ناسێت ، جارێکی تر نەتوانن لەژێر ناوی گەمەی هەڵبژاردندا خەڵک بخەڵەتێنن ، لەبری ئەوەی بیان نێرینە سەر کورسی پەرلەمانو وەزارەت ڕەوانەی سەرنوێلکی مێژویان بکەین ، کاتی خۆی مام ڕۆستەم بوو بە ئەندام پەرلەمان ، جارێک هەروا بەدەم ڕێگاوە لێم پرسی ئەرێ دەنگو باسی پەرلەمان ، وتی مەڵێ پەرلەمان بڵێ مەکتەبی شەو ، وتم بۆ وتی کاکە زەمانی ئێمە لەمەکتابی شەو کەس دەوامی نە ئەکرد ،لەوسەریشەوە دەر ئەچوو ، ئەم پەرلەمانەی ئێمەش ئەڵێێ ئەو مەکتەبی شەوەیە ئەندامەکان کەس دەوام ناکاتو بەئارەزوی خۆیو بێتاقەتی کەی ویستی سەرێک ئەداو لەوسەریشەوە تەقاویتیەکەی مسۆگەرە ، ئەم قسەیەی مام ڕۆستەمم سەلماند ئەوکاتەی لە گەڕەی ئێستادا لوقمەقازی فرۆشێک بوە بە ئەندام پەرلامان و زۆر بێشەرمانە لە وڕێنەو بزڕکاندنێکا خۆی لێ بوە بە ( جۆن بۆڵتن ) ، ئەڵێ ئیشی گەورەترمان لە پێشە نابێت ئێستەو لەم کاتەدا باسی موچە بکەین ، وەک ئەوەی خەڵک کە برسی بو نانو درۆی ئەون بخوات، یا سەرۆک فراسیۆنێک کە تەنها یەک ڕٶژ پێش ڕاپەڕنە مەزنەکە بە جلی جەیش شەعبیەوە لەبەردەم ئەمانەتی عامەی ڕۆشنبیریو لاوندا حەراسەتی ئەگرت ، ئیستا نیشتمان پەروەریمان پێئەفرۆشێتەوە ، جا مافی خۆمانە بەشایستەی ئەوتان نەزانیین وەک سۆزانیش لێتان بڕوانین




(دەنگدراوە: 23 . زۆرباشە: 5/5)