ئەوگۆڤارە بە ئاماژە بەوەی کە هەرێمی کوردستانی عێڕاق کە لە حاڵی حازردا بیست وحەوت میلیون دەڵار قەرزدارە!ئەو گرفتەش سەرچاوە لە خراپ بەکار هێنانی بەرهەمیی نەفت وفرۆشی نەفت وگەندەڵی ماڵیی لەو ناوچەیە. نەبوونی شەفافیەت وناڕوونی لە دەخڵو خەرجی فرۆشی نەفت و... بۆتە هۆی ئەوەی کە دەسەڵاتدارانی بەغدا بەشە بودجەی ئەو هەرێمە لە عێڕاق لە بەشە بودجەی گشتی داببڕن.
بە ئاماژە پێکردن بە سەرنەکەوتن ولاوازیی دەوڵەتی هەرێمی کوردستان گووتراوە کە ئەو ناوچەیە خاوەنی نزیکەی ٦ ملیون کەسە بە هەبونی یەک میلیون و٢٠٠،٠٠٠ فەرمانبەر! بۆیە هەرێم نەیتوانیوە مووچەی مانگانەی ئەو فەرمانبەرانە دابین بکا! ئەو گرفتە بۆتە هۆی ئەوەی کە هیندێک لە فەرمانبەران دەخوازن مانگانەیان بە شێوەیەکی راستەوخۆ لە لایان دەوڵەتی ناوەندیی عێڕاق بەدەست بگا.ئەوەش بە واتای نارەزایەتی کوردەکانە لە دەسەڵاتدارانی هەرێمی کوردستان.
بە پێی نووسراوەی میدل ئیست ئای، نارەزایەتیەکان لە سیاسەت وکردەوەکانی دەوڵەتی هەرێمی کوردستان بەرادەیەکە کە تاقمێک خوازیاریی دەست بە سەر داگرتنی نەفت وخاڵە نسووریەکان وباڵەفڕخانەکانی هەرێمی کوردستانن. لە لایان دەوڵەتی ناوەندیی بەغداوە.ئەو پرسەش دەبێتە هۆی داڕمان ورووخانی دەسەڵات لەو هەرێمە.پێویستە ئاماژە بەو خاڵەش بکرێ کە دووحیزبیی دەسەڵاتدار لە سەرەتای دروست بونی هەرێمی کوردستان، دەسەڵاتیان قۆرخ کردوە وجارێکیش بونە هۆی دروست بونی شەڕی ناوخۆیی!هەروەها داییم لە سەر کورسیی دەسەڵاتێکی زیاتر پێکەوە لە کێ بڕکێدابون. بەرهەمی ئەو سیاسەتەش بۆتە هۆی دواکەوتوویی هەرێمی کوردستان وخراپتربونی بارودۆخ لە ناوچەکەدا بە تایبەت دوای سەرهەڵدانی کڕۆنا ودابەزینی قیمەتی نەفتی خاو.
ئەو گۆڤارە، بە ئەژمارکردنی گرفتەکانی هەیی وئاماژە پێکردن بە هەڵبژاردنی پێش وەختیی عێڕاق لە لایان مستەفا کازمییەوە، بە بەڕێوە چوونی وەها هەڵبژاردنێک لە هەرێمی کوردستان بۆ دەرباز بون لەو قەیرانانە بە کارێکی باش وەسف دەکا.
گۆڤاری میدل ئیستا ئای،پێشنیازیی کردوە کە دەوڵەت وپارڵمانی ئێستای هەرێمی کوردستان لە بەر یەک هەڵوەشێ وبە دروست بونی دەوڵەتێکی تێکنۆکڕات،رێگا بۆ هەڵبژاردنێکی ئازاد بۆ پێکهێنانی پارڵمان لەو ناوچەیە بە چاوەدێریی نەتەوەیەکگرتوەکان ئەنجام بدرێ.ئەوکارە دەبێطە هۆی ئەوەی کە هەرێمی کوردستانی عێڕاق بەرەو رێگایەکی دێمۆکڕاتیکی راستەقینە هەنگاو بنێ وئەو ناوچەیە لە ژێر نیروئاموری سیستمێکی لاوازو زەعیفی دەسەڵاتداریەتی رزگاریی بی.
نوسەری شڕۆڤەگەرلە سەر ئەو باوەڕيە کە تێك چونی چوارچێوەوقەوارەی هەرێمی کوردستان رێکارێکی ئاڵۆزوحەوجێی بەچاک سازیی هەیە لە یاسای بنەڕەتیی عێڕاق وبەڕێوەبردنی رێفڕاندۆمێکی دیکە، بەڵام بەشێک لە کوردەکان بە هۆی لاوازیی ئێستای هەرێمی کوردستان ونەبونی ژیانێکی خۆش بۆ خەڵك،لە حاڵی حازردا بەغدایان لە هەولێر پێ باشترە.