موچەکەت جوانە.. ناپیاو...!

Saturday, 05/12/2020, 3:18

6117 بینراوە

کوردستانپۆست: دوای ئەو خۆپیشاندان و ناڕەوزاییدەربڕینەی کۆمەڵێک لە خەڵکی رەشورووتی سلێمانی کە بێ مووچەیی و نەخۆشیی و پێ پارەیی وای لێکردن بڕژێنە سەر شەقامەکان و دەنگی ناڕازیی خۆیان دژی دەسەڵاتی زاڵمی کوردیی و خائین بەرزبکەنەوە.
دوو بێچووەکەی تالەبانی و کوڕەکانی شێخ جەنگی کۆنەبەعسیی برای جەلال تالەبانی، کە لە دەرەوەی سلێمانی چەکدار و پیاوکوژیان لە ناوچەکانی ترەوە بۆ هێنان و لەو خەڵکەیان بەردان..
بەو بۆنەیەوە ئیستا تۆڕە کۆمەڵایەتییەکان پڕکراون لە ڤیدیۆ و دەنگی ناڕازیی و گاڵەپێکردن بەو دیاردە قێزەوەندەی دەسەڵاتی پارتەکان. یەکێک لەوانە ئەم پارچە نووسینەیە، کە کەسێک بە ناوی (حسێن على شريف) بە زمانی تەنز هێرش دەکاتە سەر ئەو هێزانە.
ئێمە بە بێ سانسۆر و دەستکاریی ناوەرۆکەکەی وەکو خۆی بڵاوی دەکەینەوە، (جگە لەو ناونیشانەی سەرەوە، نەبێت)، ئەم نووسینە بۆ ئەو بەرپرس و دەسەڵاتدارانە ئەرکێکی مێژووییە کە پێویستە بوونی هەبێت، چونکە هەڵسوکەوتی دەسەڵات ئەوەی تێدا نەهێشتۆتەوە، چیدی بە زمانی جوان دیالۆگ و قسەیان لەگەڵدا بکرێت، بەڵکو شایستەی لەوە خراپتریشن، هەرچەندە کەسێک کە شەرەفی کەسێتیی و نەتەوەیی و نیشتیمان لێهەڵگیرا، ئیتر شەرم و شکۆی نامێنێت. هیچ کام لەو بەرپرسانەی نێو پارتەکان لەم قسانە بەدەر نییە، ئەم دەسەڵاتە نەوە و پاشماوەی جادە و کۆڵانەکانن، بۆیە شایستەی ئەوەن، کە بە زمانی رەوشتی خۆیان و کرداری پاسەوانەکانیان لەگەڵیاندا بدوێن.
--------------------------------------

معاشەکەو جوانە گەواد!

نووسینی: حسێن على شريف:

بۆ ئەوەی جەنگ لەگەڵ سەگێکی هاردا ببیەتەوە، سەرەتا ئەبێت بیر لە شکاندنی دانەکانی بکەیتەوە!

کەڵبەی ئەم دەسەڵاتە نابوتە، ئەوانەن کە بە جلی سەربازی و لە ژێر ناوی ئاسایش و پۆلیس و پێشمەرگەدا لە خەڵکی ڕەش و ڕوت ئەدەن.

هەتا ئەو کاتەی ئەمانە نەگەنە ئەو قەناعەتەی کە ئەوان نابێت دژی مەزڵوم پشتی زاڵم بگرن، هەتا ئەو کاتەی ئەوان تێنەگەن کە ئەوان پارێزەری گورگن دژی مەڕ، ئیمکان نیە خەڵک بتوانێت زەفەر بەم دز و جەردانە ببات.

میللەت نەهاتۆتە سەر جادە بۆ فەوزا، نەهاتۆتە سەرجادە بۆ داگیرکردنی بارەگای حیزب، هەڵی نەکوتاوەتە سەر تیاترۆخانە و تاوەر و مۆڵ و کۆمپانیاکانی بەرپرسی خوێڕی.

میللەت پەلاماری باخ و ڤیلای سەرکردەی نەداوە و ڕابواردن و خواردنەوەی لێ تێک نەداون.

میللەت پەلاماری تەنکەری نەوتی ڕەش و دەروازەی سنوری پڕ لە قاچاخی نەداوە.

تەنها و تەنها هاتۆتە سەر شەقام و بە گریان و پاڕانەوەوە داوای مافی خۆی ئەکات.

لەبری داوای یەکسانی و ئازادی و یاسا و شەفافیەت، تەنها و تەنها داوای لەتە موچەیەک ئەکات کە سکی منداڵەکانی پێ تێر بکات.

کەچی ئێوە وەگ سەگی هار بەربونەتە گیانی ئەو خەڵکە و بە دار و کێبڵ و غازی فرمێسکڕێژ تەعدایان لێئەکەن!

معاشەکەت جوانە گەواد!

تۆ کێ ئەپارێزیت؟ بۆ کێ لە خەڵکی ڕەش و ڕوت ئەدەیت؟

تۆ کە وەک سەگێکی گەڕ لەبەردەم باخ و ڤێلای بەرپرسەکەتا پاست پێ ئەکەن، تۆیەک کە منداڵی خۆت هیچی نیە و منداڵی بەرپرسەکەت وەک کوڕی فیرعەون ئەژی، پێم بڵێ بە چ ڕویەکەوە دار بۆ ئەم گەوادانە ئەوەشێنیت؟

معاشەکەت جوانە گەواد!

تۆیەک دایکت لەبەر نەبونی نەخۆشخانەی حکومی لە ماڵدا گیان لەدەست ئەدات، پێم بڵێ بە چ ئابڕویەکەوە ئەو نامەردانە ئەپارێزیت کە بۆ هەڵامەتێک بەفڕۆکەی تایبەت ئەڕۆنە هەندەران.

هۆکاری نەهامەتی ئەم میللەتە ئێوەن، ئەگەر ئێوە ئەم حیز و گەوادانە نەپارێزن ئەوانیش ناتوانن ئاوا سواری خەڵکی ببن.

ئەوە ئێوەن لەسەر یەک قسە بە بەرپرسێکی کەمتیار ڕەنگ ، ناودەمی گەنجی ئەم وڵاتە پر ئەکەن لە فیشەک، دواتریش وەک جرجێکی بۆگەن هەر خۆیان تەسفیەتان ئەکەن.