بێدەنگ نابین: خۆپیشاندان لە شاری مالمۆی سوید دژی ماڵی مەلا مستەفا


دڵخۆشکردن بە ڤاکسێنی دژی "کۆرۆنا" پووچ و بێ مانایه!

Thursday, 12.31.2020, 3:48

1720 بینراوە


دڵخۆشکردن بەڤاکسێنی دژی ڤایرۆسی کۆرۆنا بازار گەرمی و بەدەستهێنانی پارە و پوڵێكی خەیاڵی کۆمپانیا زەبەڵاحەکانی دەوڵەتانی ستەمگەری بورجوازی و چەوسانەوەو بێکارکردنی میلیۆن ها کریکار و ئینسانی زەحمەتکێش و خاوەن پیشەو سەرکوت و کپ کردنەوەی دەنگی ناڕەزایەتی ئازادیخوازان و ئینسانە شۆڕشگێر و سکۆلاریزمەکانە لەجیهان. ئەمە دابەزاندنی خواست و ئارەزووی شۆڕشگێرانەی خەڵکە تا ئاستی دروستکردنی ڤاکسێنێکی دژی "ڤایرۆسی کۆرۆنا". 
کۆڤید- 19، ئێعتیراز و پرۆتیست و ناڕەزایەتی کۆمەڵگای بەشەرێتی دژ بەشەڕانگێزی و چەوسانەوەی نیزام و سیستەمی بۆگەن و چەوسێنەری سەرمایەداری بۆ چەندین ساڵ پاشەکشێ پێکرد. تا بە ئەمڕۆ زیاتر لە82 میلیۆن کەس بەپەتای کۆرۆناوە لە نێو نەخۆشخانە و ماڵەوە ئەتڵێنەوە و زیاتر لەچەند میلیۆن ئینسانیش بونە قوربانی ڤایرۆسی سەرمایەداری و ئەم پرۆسە نەکۆتایی پێهاتووەو نەبەم نزیکانەش کۆتایی پێدێت.
بەبڕوای من ئەمە تازە سەرەتای جنایەتێکی گەورە و قڕکردنی کۆمەڵگای بەشەرێتە بەدەست و پلانی دەوڵەتانی زلهێزی سەرمایەداری. بیل گیتس سەرۆکی مایکرۆسۆفت کە بۆ خۆی یەکێکە لە سەرمایەدارە بەناوبانگەکانی جیهان و خاوەنی بەشێکی گەورەی کۆمپانیای زەبەڵاحی دەرمان سازییە، هەر زوو دانی بەوەدا نا کە ڤایرۆسێکی تازە و کۆشەندەتر بەڕێگاوەیه. دەوڵەتی بریتانیا 19 ی ئەم مانگە خەبەری بڵاوبوونەوەی جۆرێکی دیکەی کۆرۆنا کە زۆر لەوەی ئێستا خەتەرناکترە بڵاو کردوەوه. چەند ڕۆژی پێ نەچوو خەبەری بڵاوبوونەوەی "کۆڤید- 20 " لە هۆڵەند و دانیمارک و ئۆسترالیا و بڕێک شوێنی دیکە ڕاگەیاندرا. هەر بەم بۆنەوە، زۆرێک لەوەڵاتەکان قەدەغەی هاتووچوی نێوانیان ڕاگەیاند. ژان فرانسوا دڵفرسی "اپیدمیولوژیست " گەورەی دەوڵەتی فرانسه، ڕۆژی جومعە17 دیسامبر گوتی کە زۆر زەحمەتە خەڵكی فرانسە تا وەرزی پایزی 2021 بتوانن بگەڕێنەوە بۆ ژیانی عادی و ڕۆژانەی خۆیان. منیش ئەڵێم تا پایزی 2022 یش زۆر زەحمەتە کە خەڵکی بگەڕێنەوە بۆ نیمچەژیانی عادی و ڕۆژانەی ساڵەکانی پێشوو و چەند ساڵێشی پێویستە کە ئابوری جیهان تا ئەندازەیەک سەقامگیری خۆی بەدەستبهێنێتەوە، تازە ئەگەر هیو لایەکی دیکەمان بۆ ساز نەکەن.
ڕێکخراوەی تەندروستی جیهانی لەزاری "تدروس ادهانوم" داوای لە هەموو وەڵاتانی جیهان کرد کەخۆیان ئامادەبکەن بۆ بەرگری کردن لەکارەسات و ڤایرۆسی خراپتر. بەڵێ، دەوڵەتانی سەرمایەداری هێشتا کۆڤید 19 یان لەبازار کۆ نەکردوەتەوه، کۆڤید 20 یان خستە بازارەوه. کۆمپانیا زەبەلاحەکانی ئەمریکا و روسیا و بریتانیا و سین و بڕێک وەڵاتی دیکە کەوتونەتە رکابەر و ململانێکی توند کە دەرمانێک دروست بکەن و زۆرترین مشتری بەلای خۆیاندا ڕابکێشن و لەم جەنگە تیجارەتییەدا کە بەخوێنی میلیۆن ها ئینسان تەواو ئەبێت زۆرترین سوود و قازانج بکەن.
ئەگەر هۆشیارانە سەیری ڕووداوەکانی جیهان بکەین بەڕوونی ئەبینین کە کۆڤید 19 واتە ڤایرۆسی "کۆرۆنا" بووەتە خەێر و بەرەکەتێک بۆ دەسەڵاتداران و دەوڵەتانی بورژوا ئیسلامی. لەژێر سێبەری "کۆرۆنا" و تێکچوون و ناسەقامگیری سیاسی و ئابوری جیهان، زۆرێک لە دەوڵەتە شوڤێنی و توتالیتاری جیهان لەلایەکەوە بەمەیل و ئارەزووی خۆیان بەتوندترین شێوەکەوتونەتە سەرکەوت کردنی شۆڕشگێڕان و خەڵک و لەلایەکی دیکەشەوە کەوتونەتە داگیرکاری و تەجاوەز بۆ سەر بەرژەوندییە ئابوریەکانی وەڵاتانی دیکه. 
دەر ئەنجامی ئەم ڤایرۆسەی سەرمایەداری تەنیا بەکوشتن و نەخۆش و پەکخستنی سەدان میلیۆن ئینسان تەواو نابێت. هەر لەم یەک ساڵەدا ئابوری گەلێک وڵاتی هەژار بەتەواوەتی داڕما. بەهەزاران کۆمپانیا و شەریکەی گەورە و بچوک مایەپوچی خۆیان ڕاگەیاند و تا ئێستا سەدان میلیۆن کرێکار و خاوەن پیشە، کار و ژیانی خۆیان لەدەست داوه. جگە لەمانە کۆمەڵگای جیهانی بەگشتی تووشی دڵەڕاوکێ و ترس و خەمۆکی و وەهم بوون. هاتووچو و پەیوەندی و عیلاقەی نێوان ئینسانەکان گەیشتوەتە نزمترین ئاستی خۆی. تەنانەت عیلاقە و ڕەوابتی نێو خێزانەکانیش ئاڵگۆڕی بنەڕەتی بەسەردا هاتووه. باوک و دایک لە یەکتر و منداڵێش لەهەردووکیان بەگۆمانن ک ەڤایرۆسی کۆرۆنایان نەبێت. ئەبێت ئێمە تەنیا ئەوەمان لەبەر چاو نەبێت کە کەسانێک بەم ڤایرۆسەگیان لەدەست ئەدەن. گیان لەدەستدانی هەر ئینسانێک پەیوەندی ڕاستەوخۆی هەیە بە ژیان و ئاوات و ئارەزووی دەیان کەسی دیکەوە و ڕاستەو خۆ ئاڵگۆڕێکی نیگەتێڤ و ئەساسی لەژیانی کەسەکانی دیکەدا دروست ئەکات. 
ئەمە گەورەترین تراژێدی و کارەساتی مێژووی بەشەرییەته. ئەمە گەورەترین بۆحران و قەیرانی ئینسانییە کە دەوڵەت و سیستەمی سەرمایەداری وەحشی بەسەر کۆمەڵگای بەشەرێتدا دایسپاندووه. سەرەڕای ئەم هەموو کارەسات و قەیرانە ئینسانییه، دەوڵەتانی چەوسێنەر و ئینسانکوژی سەرمایەداری بەجێگای ئەوە کە لە فیکری دابین کردنی بودجەیەکی زەبەڵاح بن بۆ دروستکردنی هەزاران نەخۆشخانەی تایبەت و دامەرزاندنی دوکتور و پزیشک و یارمەتیدەر، هەر بەفیکری زیادکردنی بودجە شەڕ و جەیش و موشەک و بۆمبی ئەتۆمی، هێدرۆژنی و لێزری و تەیارە و هەزار جۆر چەکی کۆمەڵکوژن. 
هەمووان دەبێت چاک بزانن کە کاریگەری پۆزەتیڤ و نیگەتێڤی ئەم ڤاکسێنە هێشتا ڕوون نییە و ئەوەش بزانن کە ئەم ڤاکسێنە ناگاتە دەستی یەک لەسەر سێی خەڵكی جیهانیش. روسیا و ئەمریکا و بریتانیا و چین ئیدیعا دەکەن کە هەر یەکێک لەوان دوو جۆر ڤاکسێنی دروست کردووە، کە91٪ کاریگەری دەبێت . بەڵام خۆشیان لەواقێعدا لەدەرمانەکانی خۆیان بەگومانن. لەکاتی تاقیکردنەوەدا دەیان کەسی کوشت و ئیفلیج کرد. ئەمە بازرگانی و تیجارەت و "دماگۆژی" و خەڵک سەرقاڵکردن و مەشغوڵ کردنە بە ڕووداوێکی دروستکراو.
کۆمەڵگای بەشەرێت ئەبێت تێبگات کە ئازادی و ڕزگاری و بەختەوەری ئەم کۆمەڵگایە لەدروست کردنی ڤاکسێنێک یان دوو ڤاکسێن بەدی نایەت، بەڵکو تەنیا ئەڵتەرناتیڤ، لەشۆڕشێکی گەورەی جەماوەری دایە، کە ئەساس و بۆنیادی ئەم سیستەمە خوێنڕێژە لەگۆڕ بنێت و سیستەمێکی سێکۆلار و ئازاد و خەڵکی بهێنێتە ئاراوه. ئەگینا دڵخۆش کردن بەدروستکردنی ڤاکسێنێکی "تیجارەتی" دەوڵەتانی زیدە بەشەری بورژوازی جگە لە خۆخڵتاندن، کامڵەن پوچ و بێ مانایه. ئەمە دڵۆپێکە لەدەریایەکی گەورەی جنایەت و هەڵەوێژی و پرۆژەی سەرمایەداری.