هۆکارە راستینەکانی بندەستیمان

Wednesday, 24/03/2021, 21:13

6542 بینراوە


ئەگەر بۆ هۆکارە راستینەو بنچینەیی یەکانی داگیرکردن ودابەشکردنی کوردستان بگەڕێین، خۆخۆریی و دەردە کورد لەپێش هەرهەمو هۆکارەکانەوەن کە ئێمەیان گەیاند بەئەم رۆژگارە رەشەی لەسەدەی بیست و یەکدا هێشتا هەریەکتر دەکوژین وکۆسپ و تەگەرە دەخەینە بەردەم یەکدی،تەنانەت بۆ هەنگاونان بەرەو سەربەخۆیی ..هۆکارە راستینەو  دێرین و بەردەوامەکە ، نە داگیرکاری یەکانی لەشکری ئیسلام و نە عوسمانی و صەفەوی، نە بەریتانیاو فەرەنسایە و نە هەموئۆباڵەکەش دەکەوێتە ئەستۆی هەڵکەوتە جوگرافی یە نەحلەتی و نالەبارەکەی کوردستان،بەڵکو دەبێت دیرۆکی هەزاران ساڵ پێشترمان پەڕە پەڕە بکەین و روبکەینە باپیرانمان کە نەیانتوانی ببنە رەنگڕیژی پێکهێنانی نەتەوەیەکی یەکگرتو،لە گوندێک ی بچوکدا دو بەرەبابی ناحەزو نەیار تیروشیریان لەیەکتر دەسو، گوندێکی دیکە دو کوێخای هەبووە! پیرەمێردی نەمر دەفەرموێت(گوندی کەنارو لەیەک کاتدا دو کوێخای هەبو). بەو هۆیەشەوە کەوتینە گێژاو و تاریکستانی نامۆبون بە مێژو،لێکدابڕانی نەتەوەیی و دواتر لێکدابڕان و دابەشکردنی نیشتیمان و نەتەوە بەسەر چوار پێنج بەشداو ماڵ و لانەی کورد بووە سەربەشی ماڵان. ئێمە لەمێژە کەرتوپەرتکراوین و لەپەراوێزی مێژوی دێرین و نوێدا ژیاوین ودەژین! سستی و لاوازیی و گەشەنەکردنی هەستی نەتەوەیی وەک لای دراوسێکانمان بوژایەوەو گەشەی دەکرد، لای ئێمە هێشتا چەکەرەشی نەکردبو. فارسەکان یا گەلانی ئێران بەر لە 1400 صاڵ ئەو هەستی نەتەوەیی ووڵاتپارێزی یە، لەفۆرمی شیعەگەرێتی دا دەکەنە چەکێکی بەکاروخۆیان لەچنگی هەژمونی ئیسلام وبندەستیی عەرەب رزگار دەکەن. فارسەکان شیعەگەر نین،نەتەوەپەرستن و لەژێر دەواری شیعەگەرێتی وخوێنی  ئیمام عەلی و حسەین و .. مافی زەوتکراویاندا  لە مێژە بەرنامەیەکی نەتەوەپەرستیی کوێرانەی بەربڵاو پیادە دەکەن. تورکە مەغۆلەکان چەندین کاریزما لەنێویاندا هەڵکەوتن وەک  ئەرتغۆل، هۆلاکۆ،جەنگیزخان، تەیموری لەنگ وعوسمان  ناوێک یەکیخستن ورابەریکردن خاک و نیشتیمانی  ئەرمەن و کورد داگیربکەن کە ئێستا بە تورکیا ناسراوە . وڵاتانی ئیسلام  وعەرەب و ئەوروپای خۆرهەڵات و هەتا سنورەکانی وڵاتی نەمسا کەوتنە بندەستی ئەو تورکە بەغۆلانە. ئەوان سەرەتا پاڵیان دەدا بە دوژمنێکی بەهێزەوە هەتا خۆیان بەهێزدەکردو دوژمنەکە بێهێزدەبو،ئینجا پەلاماریاندەداو تەختوتاراجیان تێکدەدا. نەتەوە زیندووەکان بەوجۆرە سەرکەوتون،کوردەکەی ئێمەش بۆ ساڕێژکردنی زامەکانی دەردە دێرینەکە،خۆخۆری وکوردکوژی و خزمەتکردنی بێگانە، کە ئێستاش هەر پێوەی دەناڵێنێت، هەمیشە خۆی کردۆتە کەواسوری بەر لەشکری بێگانەو داگیرکارانی خاک و نەتەوەکەی .شێخ رەزای تاڵەبانی شانازی بەوە دەکات میرێکی میرنشینی بابان پەڵاماری مێرێکی میرنشینی ئەردەڵان دەدات و شڕی دەکات(کە عەبدوڵڵا پاشا، والی سنەی شڕکرد** رەزا پێنج و شەش، تیفلی دەبیرستان بو). مامە شێخ پێمناڵێیت چ شانازی یەک لەوەدایە؟ ئەی میر محەمەدی میری سۆران (پاشاکۆرەی رەواندز)کەپەلاماری برا ئێزدی یەکانیدا لە قەڵای شەنگار و هەرکامیان تفی لەشەیتان نەکردایە بە شمشیر وەک خەیار دایدەقڵیشاند،لەبەرژەوەندی کورد بو، یا سوڵتانی عوسمانی کە خۆیکردبووە خەلیفەی موسوڵمانانی سەرزەوی و ئەوانەی بە شەیتان پەرست و کافر حسێب دەکرد.ئەوەتا ئێستا بەشێکی بەرچاوی ئیزدی خۆیان بەکورد نازانن و بەشێکیشیان دەڵێن ئێمە نەکوردو نەعەرەبین،ئێمە  ئیزدین. 
لەبواری کزیی و لاوازیی هەستی نەتەوەیی ونۆکەریی بێگانەدا نمونە زۆر زۆرن، کاتێک بەراوردی نێوان هەڵکەوتووانی کوردو هەڵکەوتووانی بێگانە دەکەین هەست بە شەرمەزاری دەکەین، هەر بۆنمونە : مستافا کەمال(ئەتا تورک) دایکی تورک ومەگەر هەرخوا بزانێت باوکی کێ بووە، دەڵێن کابرایەکی جولەکە،یۆنانی یا بولگاری بو! ئەردۆگان سەرۆکی ئێستای تورکیا، لە شاری لاز-  جۆرجیا ی روسیا لەدایک بووە، عەبدوڵڵا گول بەرەچەڵەک ئەرمەنی یە وخزمەتی گەورەیان بۆ تورکیا کردووە،بەڵام کەسانێکی وەک مەلا ئیدریسی بتلیسی و مەلای خەتێ کە هەردوکیان کورد کوڕی کوردن، یەکەمیان میرو دەسەڵاتدارانی باکوری کۆکردەوەو پەیمانێکی بێ بنچینەی پێبەستن لەگەڵ سوڵتانی عوسمانیدا کە پڕچەک بکرێن وهەمیشە ئامادەی فەرمان بن بۆ شەڕی( کافران)، لەبەرامبەریشدا مێرەکان جۆرێک سەربەخۆییان هەبێت لە ناوچەکانی خۆیاندا. مەلای خەتێ ش فەتوایەکی ئاینیی دەرکرد بۆ لەشکرەکەی میر محەمەدی پاشای سۆران(هەرکەسێک چەک لەروی سوپای سوڵتاندا بەکاربەرێت تاڵاقی دەکەوێت!)هەر لەو بوارەدا دەبینین زۆرێک لە ناودارانی تورک وەک کۆمیتەی دامەزراندنی کۆمەڵەی بەرزیی و پێشکەوتن (تەعالی و تەرەقی)کە پێنج ئەندام بون، سیانیان کوردبون.مامۆستا رەفیق حیلمی ش دەلێت 1/3 سێیەکی ئەندامانی پەیماننامەی میللی (میثاق میللی)مصتەفا کەمال کوردبون. ئینجا وەرنە سەر سەرکردە باڵاکانی دیکەی تورکیا کەبەڕەگەز کوردن وەک عیصمەت ئین ئینۆ، بوڵەند ئەجەوید،خوالێخۆشبو تورکوت ئۆزاڵ، هزرەوان وتیئۆریستی ناسراوی بیری شۆڤێنزمی تۆرانی(ضیاء کول ئالب)وحیکمەت چەنین خەڵکی ماردین ومەولود چاویش ئۆغلۆ- ئەرزنجان،بن عەلی یڵدرم - بتلیس، دەوڵەت باخچەلی – سوێرک، حەقان فیدان – وان، کامیران کینعان، پیرەمێردە کەللە پوتەکەی رابەری نەتەوەپەرستەکان و عەلی باباجان گشتیان کوردن. ئەوە جگە لە سەرکۆمارو سەرۆک وەزیران و وەزیرانی باڵادەستی حکومەتە یەک لەدوای یەکەکانی سوریا هەتا دەگاتە بنەماڵەی ئەسەد هەر هەمویان کوردن و نەک پشتیان کردۆتە خاک و نەتەوەی خۆیان بەڵکوبێپەروا و بەدڵ وگیان خزمەتی تورک عەرەب وسەرسەختانەش دژایەتی کورد دەکەن. بەرپرسانی باڵاو وەزیرەکانی کورد لە حکومەتی عێراقیشدا لەبیر نەکەین، ميَذونوسي طةورةي كورد ئةمين زةكي بةط جيَطري سوثا سالاري عيَراق بو، ماجد مستةفا ثاريَزطاري عةممارة، تؤفيق وةهبي بةط ثاريَزطاري حيللة، هةردوكيشيان دواتر بون بةوةزير، ثاريَزطاري بةسراو فةرماندةي لةشكري بةسراش عةميد مةجيد عةلي هةر كوردبون، دواتر بابة عةلي شيَخ مةحمود و حةمدي بابان و مةحمود جةميل بابان و سةعيد قةزازيش بون بة وةزير، كورد كيَش و قورسايي خؤي هةبو لة دةولَةتدا، بةلآم كةلَكيان ليَ وةرنةطرت.
ئەوەش ئاشکرایە سکرتێرەکانی پارتی کۆمۆنیستی سوریاو پارتی کۆمۆنیستی عێراق، خالید بەگداش و رەوانشاد مامۆستا بەهادین نوری،عەزیز محەمەد وکەریم ئەحمەد، جگە لە مامۆستا بەهادین نوری هەرهەمویان کوردن،بەڵام پشت لە کوردایەیی بون و ئەو پەندە کوردی یەش پوچەڵدەکەنەوە کە دەڵێت( رێوی لە کونی خۆی هەڵگەڕیتەوە گەڕ دەبێت). لێرەدا مەبەستم ئەوەیە، مرۆڤ ئازادە لە هەڵبژاردنی ئایدیای رامیاری، ئاین و ئاینزا، بەمەرجێک نەبێتە هۆی دورکەوتنەوە،پشتگوێخستن و دژایەتیکردنی خاک و نەتەوەکەی. بریا کۆمۆنیستەکانی کورد هەتا راپەڕینە مەزنەکەی بەهاری1991 یش ئاوڕێکیان لە بەرژەوەندی یە کانی کورد بدایەتەوەو بە شێوازی خۆیان و کۆمۆنیستانە یا مارکسی یانە یا لینینیانە خەباتیان بۆ بکردایە، نەک ستالینیانە. ئایا هەر کوردی باشور نەبون لەژێر باڵی پارتی کۆمۆنیستدا،گاڵتەو قەشمەری بەزمان و کولتوری باو وباپێرانیان دەکرد، لەبری معاریفی کوردستان دەیانوت معاریفی قلیاسان. کە دەمانوت رۆژباش، ئەوانە دەیانوت:عەنتەڕناش، فەڕتەرناش (تاقمێک پەیدابون لەکەوش و کڵاش، سەلامی خوایان کردووە بە رۆژباش،فەڕتەڕناش،عەنتەڕناش!!) ئایا هەر کورد نەبو کە جەژنی کرێکارانی لە جەژنی نەورۆز بەپیرۆزتر دەبینی؟ شاری سابڵاخ ی دەکردە قوربانی مۆسکۆ؟. لێرەدا داستانی شۆڕسی ڤێتنامی ئەمەریکا بەزێن دێتەوە یادم،. سەرکردە هەڵکەوتووسەرکەوتووەکەی گەلی ڤێتنام، هۆشی منە ی مەزن،کەوڵاتەکەی رزگارکرد، بڕیاریدا ئەوانەی دژی گەل بون لە گۆڕەکانیان دەربهێنرێن و دوای دادگایی کردن بۆئەوەی خاکی ڤێتنام پیس نەکەن، فڕێبدرێنە دەریاوە!بریا لە کوردستانیش هەمو ئەوانەی لەسەر جیاوازی بیروباوەڕ،پەیوەندی نێوان کوڕو کچ،ئافرەت کوشتن تاوانبارو دەستبەخوێنن، هاوشان لەپاڵ ئەوانەدا کە قەشمەری یان بە پیرۆزی یەکانی نەتەوە دەکرد، هەریەکەو بەپێی قورسی و سوکی تاوانەکەی ، ئەگەر لە ژیانیشدا نەمابن بدرێنە دادگاو سزای رەوایان بەسەردا بدرێت. سپیکردنەوەی ناپاکیی نیشتیمانیش فاکتێکی کاریگەری هۆکارە راستینەکانی بندەستیمانە، ئیتر بۆ هەمو ئۆباڵەکە دەخەینە ئەستۆی تورک، فارس، عەرەب ، بەریتانیاو فەرەنسا وئەمەریکا؟ 


نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست






کۆمێنت بنووسە