KURDISTANPOST
سوهەیلا مێهەمی
جگەرەکەت هەڵکە
Tuesday, 27/04/2021, 16:46
7715
بینراوە
دەستێک بێهێنە بە پێستمدا
نەرم
بە مەمک و لێو و
قژەکانمدا
شێت.
بە ئەم شیعرەدا
کە ئازای ئەنامی ئاڵۆزە.
جگەرەکەت هەڵکە
لە هەڵەمووتی هەتاوێک
کە ناوی بێ تۆێیە.
خەریکە خەسار بێ
لە خۆمدا
خەیاڵێکی ڕووت
بە شاوەتی شەوێکەوە و
تامی تاوانی تەماشایەکت
کە نەمکرد.
تەنانەت بۆ یەکجاریش
ناگاتە دەستەکانم
قۆپچەی کراسەکەت
بێ ئەوەی ئاگادار بی
بە کلیلی وشەکانەوە
دەڕژیتە ماڵی شیعرەوە
بۆنی لا ملی وشەیەک
وەشاوەتە
ئەم ئێوارانە
کە هەنارە و هەر پاییز
لە خۆڕا
بارانێکی بە پەلەم و
(باران)ە قاوەییەکانم خۆش دەوێ.
سوهەیلا مێهەمی
© 2019- Kurdistanpost