بەدەستی چەپدا دووکرێکارمان دی خەریکی دروستکردنی کێلبوون، بێوەستان چوینەلایان، لەوناوەدا چەو و لم و چیمەنتۆو بەرد وشیش و خاکەنازو خەباتەیەکی ژەنگاوی و دووبەرمیلی گەورەی ڕەش دانرابوو کەئاوی تێدابوو .
هاوڕێکەم هیچ زانیاریەکی نەبوو، من هاتمە دەنگ و ووتم : نا خاڵۆگیان، ئێمە بۆیە هەواڵی گۆڕهەڵکەنەکەمان پرسی، بەر لەچەندساڵ من هاتم بۆسەردانی گۆڕستان و کاک هاوارم دی کە خۆی و سەگێکی چاوزەرد لەبەرخۆرەکەدا خەریکی هەڵکەندنی گۆڕێک بوو.