ئەمن عیلاقەم پێدا نییە

Tuesday, 29/06/2021, 20:41

15375 بینراوە


لە وڵاتان کەسانى سیاسى و پلەدار پاش ئەوەى لە ئەرک و کارى سیاسەت دوور دەکەونەوە، زیاتر ناسراو ودیار دەبن، هەیانە دەبێتە راوێژکار و شرۆڤەکارى سیاسى ،یان دەبێتە مامۆستاى زانکۆ و وانەى سیاسەت دەڵێتەوە، خەڵک و خوا بە ئەندازەیەکى زۆر سوودى لێدەبینن، و گرنگى بایەخ بە وانە و دیدو بۆچونەکانى دەدەن، کەچى بۆ نەگبەتى ئێمەى کورد لەوەشیاندا شانسمان نییە، ئەوەتا پاش سەدان ساڵ سیاسەت و کوردایەتى و شۆڕش، یەک دوو سیاسى و رۆشنبیر و خاوەن هەڵوێستمان تیا هەڵنەکەوت، تا بتوانێت کاریگەرى و سەنگى لەسەر گۆڕەپانى سیاسەتدا هەبێت، بە نموونەى فوئاد مەعسوم، ئەو مرۆڤەى پتر لەنیو سەدەیە بەناو سیاسییە و سەردەمانێکیش سەرکردایەتى  پارتێکى شۆڕشگێرى دەکرد، کەچى ئیمرۆ لە بۆنەیەکدا پەیامنێرێک لەسەر پرسى گیراوانى بادینان پرسیارى لێکرد، کەچى زۆر ترسنۆکانە و نامەردانە و بە کوردییەکى شەق و شڕ وەڵامى دایەوە، دەڵێت: (ئەمن عیلاقەم  پێدا نییە).
من خەفەت لە کەرێتى و نەفامى و گەمژەیى فوئاد مەعسوم ناخۆم، چونکە ئەو پیاوە زیاتر لەشەست ساڵە لەناو زەلکاوى سیاسەتدا بۆقە مەلە دەکات، بەبێ ئەوەى فێرى هیچ بووبێت، تەنیا نەیتوانیوە یەک وتار ، یەک نامیلکە، یەک کۆڕ و کۆنفراس ، یەک لێدوان بدات، تا بزانین ئاستى گەمژەیى و بێ دەماغى ئەو گۆلکە چەندە؟بەڵکو من زیاتر خەفەت بۆ کورد و شۆڕش و سیاسەتەکەى ئەخۆم کە ساڵانێکى زۆر ئەم نامەرد و ناکەس بەچەیە بۆتە پێشڕەو و سیاسەتمەدارى، لەوەش ناخۆشتر ئەوەیە کەسبەى رۆژ ئەم مانگاى بێ شیرە تۆپى راگەیاندن و میدیاکان ئەیکەنە پرسە و شین و واوەیلا، کە کورد کەڵە سیاسى و دکتۆرێکى بەئەزمونى لەکیس چوو.
بەندە لە ساڵ ( 1992 )ـەوە ئەم پیاوە ئەناسم و پێشتریش دکۆر مستەفا زەڵمى لە کتێبى کاروانى ژیانمدا زۆر باسى ترسنۆکى و بێ هەڵوێستى و نەفامى ئەو پیاوە دەکات، ئەوە بینیمان لەساڵانى سەرەتاى دروستبونى حکومەتى هەرێم ئەم پیاوە کرا بەسەرۆک وەزیران، بەڵام چ خێر و بێرێکى هەبوو؟ پاشانیش کە تاڵەبانى نەخۆش کەوت فوئاد چووە شوێنەکەى بو بە سەرۆک کۆمارى عێراق، کەخەڵکى سلێمانى ناویان نا بوو3310، مەبەست لێى جۆرە مۆبایلێک بوو کە هیچ  تایبەتمەندییەکى تیا نەبوو. لە بەغداش جگە لە دامەزراندنى کچ و خزم و قەوم و قیلەى نەیتوانى یەک پۆلیس دابمەزرێنێت، بچوکترین شت بۆ کورد بکات. پاشانیش ئوتوماتیکى چۆن بە بێدەنگى بو بەسەرۆک بەبێدەنگیش خانەنشین بوو. هەر لەسەر ئەوەش نوکتەیەکى خۆشم بیرکەوتەوە: ( ئەڵێن ئەوسەردەمەى تاڵەبانى نەخۆش ئەکەوێت، لە شوێنەکەى تاڵەبانى فوئاد ئەکەنە سەرۆک کۆمارى عێراق ، رۆژێک فوئاد مەعسوم لەگەڵ کۆمەڵێک هاوڕێى ئەچن بۆ سەردانى تاڵەبانى، تاڵەبانى پاش گفتوگۆ و ئەملا و ئەولا، روو ئەکاتە فوئاد مەعسوم لێى ئەپرسێت، فوئاد ئێستا بەچى یەوە سەرقاڵیت و چى ئەکەیت؟ ئەویش لە رووى نایەت بڵێت لەشوێنەکەى تۆ دایان ناوم و بووم بە سەرۆک کۆمارى عێراق، ئەڵێت کردویانم بە قایمقامى کۆیە. تاڵەبانیش ئەڵێت جا فوئاد بۆت ئەچێت بەڕێوە؟)
لە 31 ئابى 1996 دا فوئاد مەعسوم لەهەولێر بە دیلى ئەکەوێتە دەست پارتى، لەکاتێکدا ئەوەى بۆنى یەکێتى یان نەیارى پارتى لێ بهاتایە سەرنگومیان ئەکرد، کەچى فوئاد  کەس لە گوڵ کاڵترى پێ نەوت، هەتا ئەو سەردەمە لە رادیۆى پارتییەوە دژى یەکێتى قسەى کرد و یەکێتى تاوانبار کرد بەهەڵگیرسێنەرى شەڕى ناوخۆ، پاشان بەڕێز و شکۆوە  رەوانەى سلێمانى کرایەوە، لەو کاتەوە تا ئیمڕۆ زۆرێک بەرپرس و سیاسى و پلەدارى یەکێتى یە بەراستەوخۆ یان ناراستەوخۆ قسە و هێرش دەکەنە سەر پارتى، کەچى ئەو فوئاد مەعسومە هیچ شتێکى وەهاى نەوتوە کە پارتى و مەسعود نیگەران بکات، لەوەش زیاتر خۆى و کچ و بنەماڵەکەشى بەردەوام بەشان و باڵى پارتیدا هەڵ ئەدەن ، ماستاو و مەرایى و مامە حەمەیى بۆ مەسعود و پارتى ئەکەن
پرسیار و گومانەکەى من ئەوەیە ، ڤیدیۆى رووت و  گەڵ و گونى زۆرێک لەسەرکردەى یەکێتى بۆ ئەو حیزبە و خودى کەسەکان بۆتە ماڵ وێرانى و هەموو دەم و کاتێک پارتى وەک چەکێکى کاریگەر لە دژیان بەکارى دێنێت، ئەى باشە خۆ فوئادى کەڵتە کۆن و خەساو ئەوەشى نییە تا بڵێین پارتى بەوە بەستویەتیەوە و دەمکوتى کردوە، تۆ بڵێت پارتى شتى خراپترى لێنەکردبێت، وا چارەکە سەدەیەکە ناوێرێت ئەلفێک لەدژى پارتى و بنەماڵە بڵێت؟

نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست






کۆمێنت بنووسە