ئاوازی دەنگت

Monday, 30/08/2021, 20:08

5910 بینراوە


تەنھا ئاوازی دەنگت 
دەمباتەوە نێو دابڕانێ
نێو خەیاڵێك
نێو گەڕانەوەی بەشێك لە یادەوەری 

تەنھا ئاوازی دەنگت
ناھێڵی لە گەنجیم داببڕێم
ناھێڵێ دووربم لە تۆ

چەند سەیرە 
ھەموو منی تیا تۆماركراوە
ئاوازی دەنگت

ھەموو خەمەكانم 
لە نێو ئاوازی دەنگتا
توانەوە

لە نێو ئاوازی دەنگتا
وەك ڕابیعەی عەدەوی لە ناو  
تاریكییا ئەسووتێم و
ناڵەم چرای دڵ  دەگاتە بەر پەنجەرەی دڵ.

لە تۆدا ھەمووشتێ بۆ من گرنگە
تەنانەت ھەناسە و
دەنگی پێی و
ئاوازی دەنگیش

خودا كە جوانی خولقاند
ھەموو شتێ دەتوانێ ببێتە نۆتەیەك لە سەمفۆنیای ئاوازی جوانیی دەنگت.

نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست






کۆمێنت بنووسە