بو نمونە ژزاردەڤێ پێشی یێن "اسلامێ دبێژن: دەما مشرکا موسلمان دورپێچکرین و "عمبارگو دەیناین سەر "ابوطالب ێ مامێ پێغەمبەری خوە ل برازاێ خوە کر خودان و ببێ باوەریا اسلامێ ژی ل هەمی نەخوشیا ما لگەل برازاێ خوە. لێ بەلێ حەتا دوماهیا بەر مرنا خوەژی دانپێنەدا کو "محمد پێغەمبەرێ خودێ یە. پشتی کو "ابو طالب مری مامێ وی یێدی "ابولهب چو قەستا محەمەدی کر و گوتێ: نەبێژە مامێ من مر ئەزدێ رەزیل بم ئەز ژی مامێ تەمە دێ پشتگرێ تەبم. لێ بەلێ نە "محمدی پەسنا مامێ خوە یێ مری دا و نەژی هاریکاریا ژ "ابولهبی خوەس.

ئەرێ مامێ مە "جوبایدن مر، هوین دبێژن "ماکرۆن پشتگریا مە بکت ؟!

ئەرێ هوین دزانن دگەلەک زمانێن گەلەک وەلاتان دا لشوینا پەیڤا کوردی یا "کەر "ساف بکار تینن بەلێ ئەم کورد دبێژین ئەم سافینە یەعنی چوف مە نینە براستی ژی سافن، چونکی حەتا نوکەژی جڤکا کورد وسا تێنەگەهشتە کو گەلەک ئاسای و نورمالە کو سەروکێ وەلاتەکی ژبو فروتنا کەرستەکی خوە چەند جارا سەرادانا وەلاتەکی دی بکت لێ بەلێ ژبەر کو جڤاکا کورد عاشقا دەولەتەکا کوردیە هەرکەسەکی بو خەساندنا مە ژی قەستا مە بکت، ئەم ل پێشیێ  خو دهلاڤێن ژمە وەرە ئەوە کو ئەڤ کەسە یێ هاتی بو مە دەولەتەکی بدامەزرینت. ئەرێ جڤاکا مە یا سڤیل نەهشیارە، یان پاشڤەمایە ئەرێ ما پاشڤەمانێ ژی سەربورێن خوە نینن؟!

ئەم دێ بەلاخوە ژ هەلپەرکیا جڤاکا سڤیل ڤەکین.

 ئەرێ  سەرکردە، سیاسی، و روشەنبیرێن کورد یێن نەدوویڤەلانکێن دەستهەلاتێ چدکن مابو کەنگیە بچن هشێ دیروکێ بێژن دەستهەلات و جڤاکێ هەردویا:

چەند سەرهلدان و شورەشێن باکور تێکچونە، بوچی تێکچونە، کێ تێکبرنە و کێ چاڤێن خوە لێ گرتنە ؟

شورەشا "شێخ سعیدی، مانە پێگوهوزکا "کەرکوک و "میسل بوو ما ئەڤ مژارە نە روژەڤا وێ روژێ بون ؟

ما دیروکزان ێن کورد نزانن بزمانێ خوە بێژن کوردا: دەولەتێن ئمپریالی هەمی وەکە مریشک ژ هێکێ یان هێک ژ مریشکێ هەمی یەکن ؟

راستە گەلەک ژنێن فرنسی یێن سلاڤکرین سیاسی یێن کورد وەکە نوکە و کچێن روسی، ژبو بەرژەوەندیەکێ .

ما نابێژن خوە فرنسا ب سەدان تاوان یێن ڤەشارتین و نەشیایە "سێ کچێن مە بپارێزت.

 کێ کلیلێن رێفراندومێ دابین دەستێ خودانی و خوە ژبەرهاڤێت؟!

 کیبو سێڤ و کێر کرین ددەستێ "لێڤەگەری دا ؟!

براستی شەرمەکا مەزنە بو هشیارێن کورد دهاتنا "ماکرۆنی دا ئەڤان فلاشبەگێن مە لسەری دیارکرین نەئینن هش و بەرچاڤێن خوە. لەوما لدوماهیێ دبێژم:

 "سلاڤێن خودێ لسەر پێغمبەری بن نە مە پێخمبەر هەنە نەژی چو مامێن بهەست و بێ هەست.

 دێ بلا بخێر بێت "ناپلیونێ بچویک.