ماچا ژیانێ

مێژوویا لایەنێن دەسەلاتا کوردستانێ پێکهاتی یە ژ خیانەت و براکوژیان ، شەرێ براکوژی دا رژێما سەدام حسێنی هاریکاری پارتی دیموکراتی کوردستان کر ب چەند ئەگەران ئێك ژ وان ئەگەران بارزگانی بوو .

پەیوەندیێن بازرگانی بنەمالا بارزان دا دگەل بەعسیان پشتی سەرهلدانی تا روخانا رژێمێ کەسایەتی بی، پشتی دوورپێچا ئابوری ل سەر رژێما بەعس سەدام حسێنی پارتی دیموکراتی کوردستان بکارئینا بو شکاندنا دوورپێچا ئابوری ، د سالێن دورپێچا ئابوری سەر عێراقێ داهاتیێ گومرکا ئیبراهیم خەلیل بو رژێما بەعس روژانە دناڤبەرا 800.000 تا 1.000.000 دوولار بی ، د وان سالان دا بەرپرسێ پارتی دیموکراتی کوردستان ل بادینان سەروکێ نها یێ کوردستانێ نێچیرڤان بارزانی بی ، نێچیرڤان بارزانی ل پێش هەپشکێ عودەی سەدام حسێن بی بەلێ پشتی سالا 1998 ێ بی هەڤشکێ قوسەی سەدام حسێنی .

رۆژانە بازرگانیا 8 ملیون لیترێن گازوایل دهاتە کرن گومرکا ئیبراهیم خەلیل دا و هەر لیترێ 1.50¢ هاتە دان بو وەزارەتا پێترولا عێراقێ ،بارزگانی نێزیکی 960.000 دولاران ل کومپانیا پێترولێ موسل ئاسیا هەڤشکا بارزانیا و سەدامیان دهاتە کرن ، دگەل گازوایل بازرگانیا پێترولا خام و چەندین جورێن سوتەمەنی دهاتە کرن و قازانجا پارتی دیموکراتی کوردستان سالانە 350 ملیون دولار بی ، بەردەوامی کرینا قیرێ ژ موسل و بازرگانیا ئوتومبیلێن تازە دناڤبەرا رێڤەبەریا پارتی و بەغدا دا بوویە ئەگەرێ وێ چەندێ چەندین جاران ئەمریکا پارتی دیموکراتی کوردستان گەفە بکەت .

بازرگانیا جگارەیان دا سالانە 100 هزار تەن دهاتە گومرکا ئیبراهیم خەلیل دا ژ دەستێ نێچیرڤان بارزانی بو قوسەی سەدام حسێن دهاتە گورین ژلایێ کومپانیا کانی ئەڤ کارە دهاتە رێکخستن و قازانجا پارتی دیموکراتی کوردستان بو هەر ئێك تەن 150$ بوو ، ئەڤ بازرگانی یە بوو ئەگەرێ وێ چەندێ ئابوریا رژێما بەعس زیندی بیت و دگەل خیانەتا 31 ئاب پلانێن ئەمریکا بو گورینا رژێما بەعس بێتە گورین ، پارتی دیموکراتی کوردستان ماچا ژیانێ بوو بەردەوام بوونا رژێما بەعس دا .

 دەمێ ئەڤ بازرگانی هاتەکرن ل کوردستانێ شەرێ براکوژی و بێ کاری و گرانی یا ژیانا روژانە کەهشتبوویە بەرزترین ئاست ، دەسەلات هاتبی ژ دەست دان و ل بادینان کریارێن کوژاندنا هزرا ئازاد زنجیرانە دهاتە کرن..