دەمێ سێمبول هاتی ڤەسوتاندن

Thursday, 25/11/2021, 7:55

2490 بینراوە


هیمایێ ب ئالا دێتە ناڤکرنێ ل سیستەمێن نەتەوە-دەولەت دا ب وێ مانا هەبوونا خو مانایەکا زورتر دێتەدان ، مارکس دەربارەی  مالی  دبێژیت ئەو ئامرازەکە د مانا خو دەردکەڤیت و دناڤ خودا دبیتە ئامانج ، ماانا ڤێ پەیڤێ بو ئالا ژی دێتە ڤەگرتن ،دەسەلاتداران بو  ئالایان ئەفسانە دروستکرینە و پیروزکریە ، بو نمونە د ئالایێ کوردستانێ دا رەنگێ سور مانا خوینێ یە ، دێتە ئیدایا کرن ئالایێ کوردستانێ ب خوینا شەهیدان سورکریە و ل کوردستانێ روژا ئالایی ب تایبەتی هەیە ، ئەو مێتولوژیا بو ئالایی دێتەکرن بیر ل توتمپرستنا چاخێن کەڤنار دێتەکرن ، ئەو ژ هێمایی زورتر دبیتە پارێزەر و بناڤێ وێ سرود و هوزان دێتە نڤێساندن و سلاڤ لێ دێتەکرن و روژێن تایبەت دا ب ئارمانجێن جیاواز ئالا دێتە بەرزکرن . 
ئەڤ پیروزیا بو ئالایی دێتە ماناکرن هەروەسان دبیتە هێمایێ شەر و زوردەستی و هەلوەشاندن و خاپاندنێ یە بو کەسانێن دژی بکارهێنەرێ ڤێ هێمایی ، بو نمونە بو کەسانەکێ ئینگلیز ئالایێ ئینگیلتەرە مانا سەربەرزی و شانازی یە بەلێ بو کەسانەکێ ئیرلەندی دبیتە مانا شەر و کومکوژی و داگیرکرن و بنپێکرنا نەتەوایەتی یە ، ب ئەگەرێ گەهشتنا دەسەلاتداران کارەکێ ئاسان نینە و دەسەلاتدار ب ئالایی دێتە ناسکرن خوپێشەندەرێن دژی دەسەلاتێ ب ڤەسوتاندنا ئالایی کین و نەفرەتێ دەردکەن ، ل خوپێشاندانێن قوتابیان ل سلێمانیێ بنپێکرنا ئالایێ کوردستانێ ئەنجامێ حوکمرانیا شکەستی یا هەرێما کورستانێ یە ، گەفەیێن حکومەتا شکەستی بەرامبەر خوپێشەندەران خوپێچاندانا پیروزیانە بو دووبارە هەست ب هێزبوونا خو بکەت .
ل دەمێ دەسەلاتەك هەست  ب ترسێ دکەت دبیتە ژێدەرێ ترسێ بو خەلکێ، هزرا ئازاد زیندان دکەت و خوپێشاندانا ل سەر هەبوونا خو وەکو گەفە دبینیت و ب چەکی دێتە بەرسڤ دان ژلایێ دەسەلاتێ ڤە و خوینا خەلکێ دێتە رشتن،  ژدەست دانا زوریا دەنگان و باوەیا خەلکێ دەسەلاتێ ناچار دکەت بچیتە بەرگێ خوپارێزدا و ب ژەهرا پروپاگاندەیا خو قوتابیێن مافێ خو دخوازن داخوازیێن وان دویر ژ سیاسەتێ ب تێکدەر دێتە ناڤکرن و  توندانە دێتە لێدان ژلایێ پارێزەڤانێن دەسەلاتێ ڤە .
ب ئەنجامێ پارچەبوونا کوردستانێ ب دوو چینان : سودمەندارێن دەسەلاتێ و بندەستان دا روژ بو روژ دژایەتی دناڤبەرا ڤان دوو چینان بەرزتر دبیت ، زاراڤێن ئازادی و یەکسانی و دیموکراسی و دەستکەفتیێن نەتەوایەتی بو ڤەشارتنا گەندەلی و نە یەکسانی و سیستەمێ حوکمرانیا عەشێرەتگێری یە ، هیچ مانایەك و راستی بو ڤان زاراڤا نینە د ژیانا خەلکێ کوردستانێ دا و ل ژێر قەیرانێن ئابوری و سیستەمێ رێڤەبەریا سیاسی هەرێمێ هەبوونا هەستێ خو ژ دەست دایە ، نە سەیرە ل دەمەکێ پیروزترین هەبوون مروڤایەتی (زارویێن) خەلکێ کوردستانێ ل سەر سنورێن بێلاروس و پولەندا ژ سارما جانێ خو دەست دەن باسێ پیروزیان دێتە کرن چونکی پیروزیا مێژوویا دەسەلاتدارێن هەرێمێ مروڤایەتی دا هیچ مانا نەبوویە .  

نووسەرەکان خۆیان بەرپرسیارێتی وتارەکانی خۆیان هەڵدەگرن، نەک کوردستانپۆست






کۆمێنت بنووسە