جارێکی تر قوتابیانی بە تایبەت شاری داگیرکراوی سلێمانی، بەرانبەر بە ستەمی سەرکردەیەتی حیزب وحوکومەتەکەکەیان، بۆ داواکردنی سادەترین مافی خۆیان خۆپیشاندانیان کرد و ناچار بوون کە چەند ڕێگایەکی ناوشار بگرن و ھاتووچۆی تێدا بووەستێنن تا گوێیان لێبگیرێت و بە دەنگیانەوە بێن.
لەبەر ئەوەش زمانی سەرکردەیەتی ئەم دەستە و تاقمانە زمانی زبر و توند و تیژیی و شەق و بەکارھێنانی چەکە، قوتابیانی دەستبەتاڵی باشووری کوردستان، دەبنە قوربانی زەبروزەنگی ئەو ھێزە پڕچەکانە و ھەرچی سووکایەتی ھەیە، بە کەرامەتی ئینسانی و کوردبوونیان دەکرێت.